Loen 33:11 - LAWA A BOO SONBORE

¹¹ Dɛnaa Lawa sɛ a sii yɔrɔ bɔ n goɛ̃ yǎa duduu, bɛ̀ á sii mɛn koa a yiri ni, bɛ lɛ n giala yii biikoo tumaa li.

LAWA A BOO SONBORE 2011

¹¹ Dɛnaa Lawa sɛ a sii yɔrɔ bɔ n goɛ̃ yǎa duduu, bɛ̀ á sii mɛn koa a yiri ni, bɛ lɛ n giala yii biikoo tumaa li.

Loen 33:11 ပူးပေါင်းရင်းမြစ်များ

Kiin2 19:25

N ba doɛ̃, ma má siin kɛn zɛnaa yɔrɔ bɔ haalɛ bibi wa? N ba doɛ̃, mà haalɛ bibi ni, mà má ǹ yɔrɔ bɔ wa? Ma nə ǹ zɛnɛɛ sisia. Kungɔn bɛ́ kiwin mɛnɛn lɛnpɛnɛ, má toa ń bɛn baa kɛbɔlɔ da kɔn la lɛa.

Zɔbu 23:13

Sɛnɛ, asɛ bɛ́ á golee goon la, die n boe la a bɔyaa? Sii mɛn bɛ́ kɔɔ̃n a din ganaa, bɛ nə n zɛnɛɛ.

Loen 92:5

Sonbore, Dɛnaa Lawa, n nya ǹ dín man ma foo kɔɔ̃n koe. Bɛ̀ ma á giɛ ǹ-a, ma nə n lɛ dii nyɛnyɛɛ gɔn.

Suusun 19:21

Minbuiinin man sii gigiã taasɛ ǹ yiri ni, sɛnɛ, Dɛnaa Lawa foo sii nə n zɛnɛɛ.

Boo-laakalaali 3:14

Má dɔ̃, máa Lawa bɛ́ sii mɛn tumaa zɛnɛɛ, bɛ n bele-boe yǎa duduu. Màn kɔn ba n diɛ li doɛ̃ wa, màn kɔn ba n boe lɛ doɛ̃ wa. Lawa n bɛ zɛnɛɛ, màn mɛn bɛ́ toɛ ǹ nyɛ́ɛ baa asɛ yii ni.

Izayii 14:24

Dɛnaa Lawa Pàãyiidɛnaa liɛ wɔ á pɛ: «Ma boo mɛn da, bɛ lɛ n die n zɛnɛɛ, ma màn mɛn yɔrɔ bɔ, bɛ lɛ n die giala yii!

Izayii 14:27

Bɛ̀ Dɛnaa Lawa Pàãyiidɛnaa golee sii li, die n boe la a kurəə a zɛnaa ganaa? Bɛ̀ á n gɔn munii saa lon, die n boe la a gisĩ?

Izayii 46:10

A kũ kanaa giala kɔ waáraa ganaa, sii mɛn bɛ́ re n zɛnɛɛ, man bɛ pii. Sii mɛn bɛ́ a tɔ nə n zɛnaa wa, man siɛ lɛlɛ ma bɛ pɛ. Man pii: Ma siin mɛnɛn koa ma yɔrɔ-a, bɛn man yɔrɔ yii. Sii mɛn tumaa bɛ́ kɔɔ̃n ma ganaa, man bɛ zɛnɛɛ.

Zeremii 29:11

Hiĩ, masɛ Dɛnaa Lawa, ma sii mɛn yɔrɔ bɔ kaa wɔ lɛa, ma á bɛ doɛ̃: «Baraa bie wa, bǐɛ̃ lɛ piɛ̃ nɛ. Ma á re toɛ kaa biɛ̃ ǹ n biɛ̃ kɔ.» Dɛnaa Lawa a da ǹ boo ne.

Busii pɛ 3:37

Die n boe la a boo da, a toa bɛa boo lɛ kaa lɛ? Dɛnaa Lawa din bie wa?

Misee 4:12

Sɛnɛ, ǹ ba Dɛnaa Lawa a taasiɛ doɛ̃ wa. A bɛ́ li a sii mɛn zɛnaa, ǹ yiri a doe bɛ gɔ́ɔ̃-n wa: a na á gánan lɛn sɔkɔn, ka ǹ bɛ́ *belee soekɔn lɔn a duwəə ǹ bǎã nɛ.

Nya ǹ dín 15:18

Masɛ din Dɛnaa lɛ n pii miɛ̃, masɛ mɛn bɛ́ má bɛa siin kɛn lɛn yɔrɔ bɔ má koa haalɛ lɛlɛ-lɛlɛ.»

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,