Loen 33:10 - LAWA A BOO SONBORE

¹⁰ Tɔrɔ kɔsɔn nə sii mɛn yɔrɔ bɔ, Dɛnaa Lawa bɛ ziziɛ̃. Tɔrɔ kɔsɔ minin nə sii mɛn koa ǹ yiri ni, á bɛ sàabaa.

LAWA A BOO SONBORE 2011

¹⁰ Tɔrɔ kɔsɔn nə sii mɛn yɔrɔ bɔ, Dɛnaa Lawa bɛ ziziɛ̃. Tɔrɔ kɔsɔ minin nə sii mɛn koa ǹ yiri ni, á bɛ sàabaa.

Loen 33:10 ပူးပေါင်းရင်းမြစ်များ

Siin Giala 11:8

Dɛnaa nə́ ǹ sasawaa kɔn walan, ǹ nə́ woo kanaa paǹ tumaa nɛ, ǹ nə́ kiwi lɛ a doe lɛ da.

Samayeli2 15:31

Ǹ nə́ pɛ Davida nɛ, mà Ayitofɛli giala á kun ka Abusalɔn nɛ, piã-wɔlen lɛn bii. Bɛ lɛ nɛ, Davida tɔ́n pɛ: «Dɛnaa Lawa, bǐɛ̃ kɔ n Ayitofɛli a minin doroo ǹ boon kɛn baa baãnaa baa ǹ boon lɛa.»

Samayeli2 15:34

Á soɛ, n nə n bɔyaa n wo Zeruzalɛmu kiwi gɔ́ɔ̃ nɛ, n pɛ Abusalɔn nɛ kɛnɛn: «Kii ganaa, masɛ n die dí nyɛɛ n nɛ. Lɛlɛ, má goã dí nyɛɛ n di Davida nɛ.» Sɛnɛ, kanna, ma nə n din a dí-nyali lɛa. Bɛ̀ n zɛnaa miɛ̃, n tá re boe la n Ayitofɛli a doree babaraa kɛ ziziɛ̃, n masɛ wɔ bǐɛ̃ kɔ nɛ.

Samayeli2 17:14

Abusalɔn laanka Izirayeli minin lɛn tumaa tɔ́n pɛ mà Arkaan giĩ Usayii a doree lɛ á soɛ Ayitofɛli wɔ lɛ nɛ. A giala, Dɛnaa Lawa na á goã giɛ li lɛlɛndun a Ayitofɛli a doree sonbore lɛ ziziɛ̃, màn mɛn bɛ́ toɛ, a bɔ̀n da Abusalɔn ganaa.

Samayeli2 17:23

Ayitofɛli bɛ́ á yɛ, mà ǹ ba asɛ a doree lɛ a sii zɛnɛɛ wa, á ná a mànan kaa a dundun la, á zii saa á woo piɛ, a din a kiwi. Bɛ kio, a ná a sii tumaa yɔrɔ bɔ a kion minin li, á soo á woo ǹ bɔlɔ da biɛ nɛ. A gɛ̀ kio, ǹ nə ǹ di bĩ yala mɛn nɛ, man ná a dɔ gere bĩ walan.

Kiin2 6:9

Sɛnɛ Lawa a min lɛ na á goã minin diɛ woe pii Izirayeli gána a kii ni mà a yiri bɔ a din li a baran bɔ bǎã kɛ-n wa, a giala, mà Siirii minin nə́ woo walan.

Nehemii 4:9

Wɔa zɔ́ɔn lɛn bɛ́ ǹ nə́ ma, mà minin nə́ gòon yiɛ wɔ ganaa, mà Lawa nə́ ǹ sii yɔrɔ bɔ lɛ dɔ ziziɛ̃, wɔ tumaa nə́ n bɔyaa wɔ́ daa kungɔn lɛ li, didie kũ a dí la.

Loen 140:8

Dɛnaa Lawa, n din pàã kɛ n ma kirisibiɛ. Zia-baa pinaa, n din nə́ ń ma mìi tamaa.

Loen 21:11

Ǹ tɔrɔ papaã, n bɔ tán la, ǹ tɔrɔ papaã, n bɔ minbuiinin bii.

Loen 9:15

màn mɛn bɛ́ toɛ, ma n tɔ bɔ n zɛnaa ǹ siin kɛn tumaa a lɛa, Zeruzalɛmu minin kɛn kɔn paã ǹ bǎã nɛ. N kirisibaa mɛn kɔ ma la, ma á re n nyɛnyɛɛ bɛa lɛa.

Suusun 21:30

Minbuiin nɛ a sii-doɛ̃, a yiridɛnaabaa, ka a taasiɛn ba màn kɔn lɛa Dɛnaa Lawa yɔrɔ-a wa.

Izayii 19:3

Ezipti minin foo á re ziziɛ̃. Ǹ sii yɔrɔ bɔn kɛn, ma á re bɛn lɔloɛkɔn. Ǹ tá re woe n lɛ koɛ dìn li, dagòãdɛnan nɛ, nyín-biilin ni ka wɔ-kulin ni.

Izayii 44:23

Nsɛ, lon, loe lɔ ka foo kɔɔ̃n nɛ. Nsɛ, tán giulun, n lɛn saa lon, a giala, Dɛnaa Lawa na á sii zɛnaa. Kasɛn kelen laanka dan kɛn nɛ daã nɛ, ka n lɛ dɛ ka foo kɔɔ̃n nɛ. A giala, Dɛnaa Lawa ná a zaman kirisibaa, a ná a tɔ golebaa nyaa Izirayeli gána nɛ.

Izayii 44:25

Kanna kəni, man wɔ-kulin sii nyaan kɛn sàabiɛ; min mɛnɛn bɛ́ biɛ̃ ǹ pii, man boo kooro we bɛn lɛ-n. Man sii-dɔ̃li lɛ tiɛ̃, ma ǹ doɛ̃ lɛ bɔyaa ma baa yiriwɛɛnaabaa lɛa.

Zeremii 19:7

Man die Zudaa laanka Zeruzalɛmu a sii yɔrɔ bɔn ziziɛ̃ bɛa nyankɔrɔ basa lɛ nɛ. Man die toɛ ǹ zɔ́ɔn nə ǹ minin dɛ zia la. Min mɛnɛn bɛ́ zoɛ̃ ǹ gɛ̀ li, man die yui ǹ gialaa ka bɛn lɛn nɛ. Man die ǹ geren koe Zèwon laanka tolokan la màn-bii lɛa.

Ezekieli 20:32

Ka na a gialaa pii mà kasɛn man zoɛ̃ li ka n baa ka tɔrɔ kɔsɔn kɛn bɛ́ lɔn, ká gána kɔsɔn kɛn tanlɛ minin bɛ́ lɔn, ka dìn guguru kɔ, dìn mɛnɛn bɛ́ gɔn lɛa hinlaa kɔlɔ lɛa. Bɛa taasiɛ kɛ lɛ á wɔ ka yiri ni, a zɛnaa ba giala yii wa.

Malakii 1:4

Bɛa minin kɛn lɛn tá re pii: Ǹ nə́ wɔ yɔyɔrɛ, sɛnɛ, wɔ n die wusii wɔ wɔa kiwi soen lɛn dɔ. Masɛ Dɛnaa Lawa Pàãyiidɛnaa, man kɛ pii: Ka wusoo ka dɔ, man die kaa dí lɛ ziziɛ̃. Ǹ tá re tɔ kɛ koe a ganaa: «Gána mɛn bɛ́ sii baraa na á nɛ» ká «zaman mɛn bɛ́ Dɛnaa Lawa foo n yoo-n li biikoo yii li».