Loen 32:5 - LAWA A BOO SONBORE

⁵ Kanna, má maa sii baraa pɛ n nɛ, ma pii kɔ maa sã lɛ wa. Má pɛ máa: Ma á die ma zɛ̀rɛn piì Dɛnaa Lawa nɛ. Bɛ lɛ n ke, ń maa sii baraa a guĩ saa ń bɔ ma mìi ni. Doa.

LAWA A BOO SONBORE 2011

⁵ Kanna, má maa sii baraa pɛ n nɛ, ma pii kɔ maa sã lɛ wa. Má pɛ máa: Ma á die ma zɛ̀rɛn piì Dɛnaa Lawa nɛ. Bɛ lɛ n ke, ń maa sii baraa a guĩ saa ń bɔ ma mìi ni. Doa

Loen 32:5 ပူးပေါင်းရင်းမြစ်များ

Samayeli2 12:13

Bɛ kio, Davida pɛ Natan nɛ: «Má sii babaraa la Dɛnaa Lawa la.» Natan tɔ́n pɛ Davida nɛ: «A bɛ́ miɛ̃, Dɛnaa Lawa nə́ n sii baraa lɛ toa n nɛ. N ba re giɛ̃ wa.»

Samayeli2 12:9

Wàa na á baa, n tá sàn koe ka Dɛnaa Lawa a boo ne, ń sii zɛnɛɛ, sii mɛn nə́ ke a kɔɔ̃n Lawa ganaa wa? Ń Ɛti tɔrɔ Urii dɛ zia la. N din nə n toa Amɔn tɔrɔn nə́ Urii dɛ. Bɛ kio, ń Urii a lɔ saa ń baa n din wɔ lɛa.

Samayeli2 24:10

Davida bɛ́ á zaman lɛ nimi miɛ̃, bɛ kio, a foo ná a din zɛ̀rɛ baa. Á tɔ́n pɛ Dɛnaa Lawa nɛ: «Ma sii mɛn zɛnaa, sii baraa gole gole ne. Kanna kəni, Dɛnaa Lawa, masɛ nə n nyankoe, bǐɛ̃ kɔ n kiɛ̃ maa sii baraa kɛ la, a giala, gàãnaabaa ǹ sii din taãn nə ka kɛ nɛ má zɛnaa.»

Samayeli2 24:17

Davida bɛ́ á lon a dia dí-a wole lɛ yɛ minin dii zaman lɛ bii, á boo da ka Dɛnaa Lawa nɛ, á pɛ: «Á ke, masɛ din ni má sii baraa zɛnaa, ma din zɛ̀rɛ nɛ. Yii ti-an kɛn dɔn man nə́ wàa zɛnaa kəni? Ma nə n nyankoe, dɔlɔ lɛ bɔ ma din laanka ma di kion minin ganaa.»

Kiin1 8:50

N zaman mɛn lɛ á ke ǹ nə́ sã ǹ nə́ wɔ n lon, bɛn sã toa ǹ nɛ. Ǹ gòãn dii ǹ siin mɛnɛn tumaa zɛnaa, bɛn toa ǹ nɛ. Ǹ bɛ́ min mɛnɛn gɔn bɛ̀rɛn lɛa, a toa ǹ makara bɛn kũ, ǹ makara bɔ ǹ ganaa.

KZS2 6:29

ta n zaman Izirayeli minin kɛn goon mɛn a nyankɔ lɛ din nə lɔn, bɛ̀ ǹ gogoonmaa ná a din a fuu laanka a koe dɔ̃, yǎa ǹ nə n gɔnɔn lɛ bɔ ǹ nə́ ǹ dia kion kɛ lɛ la,

Ɛsidrasi 10:11

Sisia, ka n zɛ̀rɛ si, ka digolon Lawa, Dɛnaa Lawa lɛ la, ka a foo sii zɛnaa. Ka n na ka n bɔ gána lɛ a minin lɛn ganaa, ka tɔrɔ kɔsɔn kɛn nɛ, kaa lɔn lɛa.»

Zɔbu 31:33

Masɛ maa sãn duru ka min gigiã bɛ́ zɛnɛɛ lɔn wa. Má golee maa sãn li.

Zɔbu 33:27

Bɛa biikoo li, á re loe loe minin yɔrɔ-a, a pɛ: «Má sii baraa zɛnaa, ma kɔ zii lɛ wa. Sɛnɛ, Lawa ma kũ maa sii baraa li wa.

Loen 103:12

Lɛ̀giala laanka lɛ̀nyɛɛn wɔlɔ bɛ́ lui-n kɔn ganaa lɔn, a n wɔa sã ǹ siin lɛn wɔlɔ lui wɔ ganaa miɛ̃.

Loen 103:3

A din nə maa sã ǹ siin tumaa toɛ ma nɛ, a din nə maa busun tumaa nyɛɛ.

Loen 25:16

Dɛnaa Lawa, n yɔrɔ bɔyaa n da ma la, n bǐɛ̃ kɔ ma-a. A giala, min ba ma la wa, maa wɔ n ka bɔ̀n nɛ.

Loen 25:18

Ga maa fuu laanka maa nɔmaa kɛ ganaa, n maa sii baraan tumaa toa ma nɛ.

Loen 30:5

Lawa a min sonboren lɛn, ka loe lɔ ka Dɛnaa Lawa tɔ bɔ nɛ. Ka a tɔ bɔ, bɛ̀ ka tá a siĩnbaa kɛ pii.

Loen 38:18

Ma á ke die mɛnɛɛ sonbore, maa là-paparɛɛ bɛ́ a nyɛɛ wa.

Loen 38:19

Sonbore, má golee maa sã li. Maa sii baraa lɛ taman yii, ma gɔ́ɔ̃ biimaanɛ.

Loen 51:6

Má sii la, man má sii la n dinsɔɔ̃ lɛ la. Sii mɛn bɛ́ baraa n yɔrɔ-a, má bɛ lɛ zɛnaa. Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni, zɛ̀rɛ ba n ganaa wa.

Loen 86:15

Sɛnɛ, Dɛnaa, nsɛ n Lawa lɛa, makara doɛ̃, n nə́ bǐɛ̃ zɛnɛɛ. N foo a yui fufuu wa, ma n piɛ̃-n ka kɔn-narɛɛ gole laanka bǐɛ̃ duduu ni.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Suusun 28:13

Min mɛn bɛ́ a siɛ̃n duri, a sii a bǐɛ̃ koe wa. Min mɛn bɛ́ a siɛ̃n doɛ̃, a nə́ ǹ toɛ walan, maǹ makara boe bɛ ganaa.

Suusun 30:20

Lɔ mɛn bɛ́ ǹ zuũ siɛ̃, a zɛnaa ǹ sii á ke: A n màn bii, a n lɛ turuu a pɛ: «Ma sii kɔn zɛnaa baraa wa.»

Izayii 65:24

Ǹ laan bɛ̀ ǹ ma bíi, ma á re ǹ lɛ sii. Ǹ laan bɛ̀ ǹ nya boo diɛ ganaa, bɛ̀ má n too kɔ ǹ lon.

Zeremii 2:23

N nə n siɛ lɔn n tá pii mà n nə n din gɔgɔrɛ kɔ wa, mà n Baalin guguru kɔ wa. Ga n giã ǹ gɔn ganaa nyankɔrɔ basa kɛ nɛ. Lɛ kɔ n sãn ganaa. N nə n kɔnbɔ nyɔɔmaa dan ten ne, baa sii paǹ yii li.

Zeremii 2:35

A laan bɛ yii ni, n nə n pii: «Zɛ̀rɛ ba ma-a wa. Dɛnaa Lawa a foo yoo kɛ á re n boe ma kio.» Sɛnɛ, n bɛ́ pii mà nsɛ sii kɔn zɛnaa baraa wa, man die kiri we n ganaa.

Zeremii 3:13

Sɛnɛ, n zɛ̀rɛ si. N nə́ n gòãn dii masɛ ganaa, Dɛnaa Lawa, n Lawa ganaa, ń baa si paǹ tumaa li, dìn kio, da tìtìn giulun, n nə n too kɔ ma lon wa.» Dɛnaa Lawa a da ǹ boo ne.

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Ozee 6:1

Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Lawa a wúlu-bɔlen 5:5

Bɛ̀ min mɛn zɛ̀rɛ n ka bɛa sii kɛ lɛ mɛn nɛ, a sii baraa mɛn zɛnaa, a doamaa nɛ a golee bɛ li.

Malakii 3:8

Man ka lɛ sii kɛnɛn: «Minbuiin nɛ á boe la a Lawa sã?» Sɛnɛ, kasɛn man masɛ siɛ̃. Ka n nɔ̀n diɛ ma la: «Wɔ wɔ́ n sã ka wàa nɛ: kaa tán dí nya ǹ màn a talɛɛ a fùbaa ǹ wɔ a kɔmala gɔ́ɔ̃ nɛ, ka kaa wúlu màn a kɔmala nɛ.

Luku 16:15

Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Luku 7:47

Yezu pɛ Simɔn nɛ: Bɛ̀ masɛ pɛ mà lɔ kɛ lɛ a sii baraa gigiã kɛ nə́ n toa nɛ, a giala n ka kɛ nɛ, mà á kɔn-narɛɛ gole nyaa. Bɛ̀ sii baraa boɛɛn nə́ n toa min mɛn nɛ, bɛa dɛnaa n kɔn-narɛɛ boɛɛn nyɛɛ.»

Efɛɛzi minin 4:32

Ka min bǐɛ̃ baa kɔn ganaa ka foo sonbore ne. Ka sii toa kɔn nɛ, ka Lawa bɛ́ á toa wɔ-n lɔn Krita wɔbaa gɔ́ɔ̃ nɛ.

Zozoe 7:19

Zozoe tɔ́n pɛ Aakan nɛ: «Maa nɛgiĩ, bǐɛ̃ kɔ n taãn pɛ Dɛnaa Lawa yɔrɔ-a, Izirayeli minin Lawa lɛ. N sii mɛn zɛnaa, bǐɛ̃ kɔ n pɛ ma-n kɛnɛn kɛnɛn, n nyan toa n pɛ mà ma nə n duri masɛ la wa.»