Loen 31:3 - LAWA A BOO SONBORE

³ N too kɔ ma lon, n nanaa n da ma bɔ a nɛ. N din nə n baa maa duru ǹ bǎã lɛa, n ma tamaa, màn mɛn bɛ́ toɛ, ma kirisibaa.

LAWA A BOO SONBORE 2011

³ N too kɔ ma lon, n nanaa n da ma bɔ a nɛ. N din nə n baa maa duru ǹ bǎã lɛa, n ma tamaa, màn mɛn bɛ́ toɛ, ma kirisibaa.

Loen 31:3 ပူးပေါင်းရင်းမြစ်များ

Nehemii 9:12

Ń goã ǹ nyɛɛnaan boe ka tɛmaa bara goon ne penleen ne, ń goã ǹ nyɛɛnaan boe ka tɛ bara goon ne tèlò-n, ǹ doamaa bɛ́ nɛ ǹ kɔ zii mɛn lɛ, á n bɛ fúli ǹ ni.

Nehemii 9:19

Sɛnɛ, n makara gole lɛ taman yii, n nə ǹ toa walan don lɛ-n wa. Penleen ne, tɛmaa bara lɛ goã n niɛ̃ n boe ǹ ganaa wa, á goã ǹ nyɛɛnaan boe zii lɛ la. Tèlò-n tɛ bara lɛ dɔ goã n niɛ n boe ǹ ganaa wa, ǹ doamaa bɛ́ nɛ ǹ kɔ zii mɛn lɛ, á goã bɛ fúli ǹ ni.

Loen 102:3

N baran n dɔ̀ɔ̃ wɔ ma nɛ, maa nɔmaa biikoo kɛ gɔ́ɔ̃-n wa. N too kɔ ma lon. Bɛ̀ ma tá n bíi ǹ mɛn pinaa, n ma lɛ si fufuu.

Loen 116:2

Á n too kɔ ma lon, bɛ lɛ n ke, ma á re a nyankoe maa yiikoonaabaa tumaa gɔ́ɔ̃ nɛ.

Loen 139:24

N din ga a ganaa bɛ̀ má zii baraa saa. N din ma da n zii kɛ la yǎa duduu.

Loen 18:2

Dɛnaa Lawa, ma tá n narɛ, n din nə ma pàã lɛa.

Loen 25:11

Dɛnaa Lawa, maa sã lɛ gole kɔ, á la yii ni. N din tɔ kɛa lɛa, a toa ma nɛ.

Loen 25:5

N din die n ma da n sonbore zii la, n din ma daraa, a giala, n din nə Lawa lɛa ma kirisibiɛ, ma nə n foo doɛ n din ganaa babaraa.

Loen 25:9

A n din-gisiĩ wolen diɛ zii pepere la, a nə ǹ darɛɛ a zii lɛ a tɔ wɔ ganaa.

Loen 43:3

N din nə ń tɛ fúlu kɛ kɔ ma la, ka n sonbore kɛ nɛ, bɛn lɛn tá re ma nyɛɛnaan boe, ǹ wo ma koa *Siɔn n kele sonbore kɛ la, n din a giã ǹ bǎã kɛ nɛ.

Loen 71:3

N din nə goã maa kele lɛa, man duru n kio. N goã maa giã ǹ bǎã lɛa, ma bɛ́ boe la ma kirisibaa bǎã mɛn nɛ. Sonbore, n din lɛ n ma tamaali lɛa, ka maa duru ǹ bǎã nɛ.

Loen 79:9

Wɔ kirisibaali Lawa, n dɔ wɔ lɛ, n din tɔ a golebaa a lɛa. Wɔ si sii la, n wɔa sii baraan tuturu, n din tɔ a gugurubaa a lɛa.

Izayii 49:10

Bòo á re ǹ kuĩ doo wa, mu boro á re ǹ kuĩ doo wa. Wasa laanka diə a piɛ̃ fuu kɛ a re ǹ nɔmɛɛ doo wa. Taãn nɛ, ma á ǹ narɛ, ma á re ǹ nyɛɛnaan boe, ma wo ǹ ne mu yala nyantoto lɛ-a.

Zeremii 14:7

Bɛ̀ wɔa sii baraan tá zɛ̀rɛ diɛ wɔ la, Dɛnaa Lawa n din tɔ taman yii, sii zɛnaa. Sonbore, wɔa sãn nə́ mɔnaa. Wɔ n zɛ̀rɛdɛnan lɛa n wɔ paǹ li.

Luku 1:79

Min mɛnɛn bɛ́ wɔlɔ tì li, ǹ nə́ nyɛ́ɛ biɛ gɛ̀ nɛ, a n wɔlɔ fúlu kiɛ bɛn ganaa. A n là nyantoro zii nyɛɛ wɔ nɛ.»

Zaã a sɛ́wɔ 16:13

Bɛ̀ Yiri Fu sonbore-pɛle lɛ daa ǹ mɛn waáraa, á die ka yiri fúli, ka sonbore tumaa dɔ̃. A giala, a bie re boo diɛ a din gɔn wìi a lɛa wa, sɛnɛ, a bɛ́ re màn mɛn miɛ, a n die bɛ lɛ pii; sii mɛn dɔ bɛ́ re n zɛnɛɛ, á re bɛ dɔ pii ka nɛ.

Efɛɛzi minin 1:12

mà wɔ asɛ a gugurubaa kɛ laakalaa, wɔsɛn Zuifun mɛnɛn bɛ́ wɔ n foo doa Krita ganaa bibinaanɛ.

Zozoe 7:9

Kanaan minin lɛn laanka gána lɛ a min gialakunun tumaa bɛ́ re kɛ miɛ ke, maǹ die n bɔyɛɛ wɔsɛn li, ǹ wɔ dɛ, wɔsɛn boo ná a ba n diɛ gána kɛ-n doo wa. Ma n die wàa mɛn zɛnɛɛ, minin nə tɔn nə n tɔ gole kɛ dɔ̃ kəni?»