Loen 31:2 - LAWA A BOO SONBORE

² Dɛnaa Lawa, man kiɛ n din yele, n nyan toa sìi ma kũ duduu wa. Ma kanbaa, n peperebaa kɛ gɔ́ɔ̃ nɛ.

LAWA A BOO SONBORE 2011

² Dɛnaa Lawa, man kiɛ n din yele, n nyan toa sìi ma kũ duduu wa. Ma kanbaa, n peperebaa kɛ gɔ́ɔ̃ nɛ.

Loen 31:2 ပူးပေါင်းရင်းမြစ်များ

Samayeli2 22:3

Lawa n ma tamaali lɛa, man kiɛ a din yele. A din nə maa goóro lɛa, a din pàã kɛ n ma kirisibiɛ. A din nə maa baa si a duru ǹ bǎã lɛa. E, ma kirisibaali, ń ma kanbaa min kakaarɛn kɛn ganaa.

Zɔbu 7:21

N ba boe la n maa sii baraa toa ma-n wa? N ba boe la n kiɛ̃ maa sã la wa? A giala, kànaa ka boɛɛn nɛ, ma á re wɛɛ tán tii li. N tá re giɛ ma li, sɛnɛ ma a re goɛ̃ ma tan wa.»

Loen 102:2

Dɛnaa Lawa, n too kɔ maa nyankɔ li. Toa maa lɛ-dɛ dɔ yǎa n din li.

Loen 130:2

Dɛnaa, toa n ma lɛ ma, n too kɔ doɛ̃, n maa goã-kũ ma.

Loen 143:7

N nanaa Dɛnaa Lawa, n ma lɛ si. Á ke ma gù yii gã ma din-a. N baran n wàã kɔ ma-n wa. Bɛ bie wa, maa wɔ na á nya.

Loen 25:2

Maa Lawa, man kiɛ n din yele. N nyan toa sìi ma kũ wa. N nyan toa maa zɔ́ɔn kɛn nə n nyɛnyɛɛ ma la wa.

Loen 40:17

Min mɛn tumaa bɛ́ giɛ n li, bɛn die ǹ nyɛnyɛɛ gole wɔ n din a lɛa. Min mɛnɛn bɛ́ n narɛ ǹ kirisibaa taman yii, bɛn die ǹ pɛ biikoo tumaa li, mà Dɛnaa Lawa á gole.

Loen 62:7

A dinsɔɔ̃ n ma tamaali lɛa, ma bɛ́ boe la ma kirisibaa bǎã mɛn nɛ. Màn kɔn ba re bìn diɛ ma ganaa duduu wa.

Loen 69:17

Dɛnaa Lawa, maa nyankɔ si, a giala, mà n kɔn-narɛɛ gole lɛ á siĩni. N bɔyaa, n nə n yɔrɔ da ma la, a kɔnpɛ ka n makara-doɛ̃ gole kɛ nɛ.

Loen 7:2

Dɛnaa Lawa, maa Lawa, man kiɛ n din yele. Min mɛnɛn bɛ́ fuu nyɛɛ ma nɛ, ma kanbaa ǹ ganaa, n ma si ǹ la.

Loen 79:1

Asaafu a loe goon ne. Lawa! Tɔrɔ kɔsɔn nə́ daa n bǎã lɛ kũ, ǹ nə́ si. Ǹ nə́ *gɔ̀ lɔ n Guguru Kɔ ǹ Kion sonbore kɛ ganaa, ǹ nə́ Zeruzalɛmu yu, ǹ nə́ baa kɛbɔlɔ kooro lɛa.

Loen 86:1

Davida a Lawa-nyankɔ goon ne. Dɛnaa Lawa, n too kɔ, n maa nyankɔ si, A giala, mà man nɔmaa-wɔle laanka doobaa lɛa.

Loen 90:1

Lawa a min Muizu a Lawa nyankɔ n ke. Dɛnaa, n din nə wɔa duru ǹ bǎã lɛa lɛ̀ woo lɛ̀.

Loen 91:9

Sonbore ne, bɛ̀ n Dɛnaa Lawa baa n duru ǹ bǎã lɛa, bɛ̀ n nə n foo doa Lon a Lawa Gole ganaa,

Loen 94:22

Sɛnɛ, Dɛnaa Lawa lɛ n masɛ tamaali kaka lɛa. Maa Lawa lɛ n maa kele kɔ́sɔ lɛa, ma nə́ n duri a nɛ.

Suusun 22:17

Ń too da, n nə n too kɔ min golen boon li. Kɔ maa daraan kɛn lɛ ka n foo tumaa nɛ.

Izayii 33:16

Bɛa dɛnaa lɛ n die goɛ̃ yii-nyɛɛ la kelen mìi ni. A duru ǹ bǎã n die goɛ̃ ka para yala nɛ. Á re màn-bii yii, mu á re nyaabiɛ a ganaa wa.

Luku 18:8

Ma n pii ka nɛ, a n die bǐɛ̃ zɛnɛɛ ka nɛ fufuu. Sɛnɛ, Min a Nɛgiĩ bɛ́ re die ǹ mɛn waáraa, á re die yiɛ bɛ̀ kanaa minin nə́ tɔn golee-n li, ǹ nə́ n yii diɛ a daa la?»

Zaã a sɛ́wɔ 6:56

Bɛ̀ min mɛn masɛ gɔ̀nɔn siĩ sɔ̃, á ma mà mi, man goɛ̃ kun ka bɛa dɛnaa nɛ, bɛa dɛnaa dɔ n goɛ̃ kun ka masɛ nɛ.

Timəə dí-pɛn 32:31

A giala, màn mɛn bɛ́ wɔa zɔ́ɔn lɛn tamaɛ, bɛ pàã dɔ wɔsɛn tamaali Lawa kɛ wɔ li wa. Ǹ dininmaan tá bɛ doɛ̃.

Zaã1 4:12

Min kɔ́n yii tɔn Lawa yɛ wa. Sɛnɛ, bɛ̀ wɔ á kɔn narɛ, Lawa n goɛ̃ kun wɔ nɛ, a minin narɛ ǹ sii dɔ nə n zɛnɛɛ wɔ nɛ a giala yii li.