Loen 3:4 - LAWA A BOO SONBORE

⁴ Sɛnɛ, nsɛ Dɛnaa Lawa, n din lɛ n maa goóro lɛa ma tamaɛ, n din lɛ n zín we ma nɛ, n din lɛ n toɛ ma á n mìi siɛ lon.

LAWA A BOO SONBORE 2011

⁴ Sɛnɛ, nsɛ Dɛnaa Lawa, n din lɛ n maa goóro lɛa ma tamaɛ, n din lɛ n zín we ma nɛ, n din lɛ n toɛ ma á n mìi siɛ lon.

Loen 3:4 ပူးပေါင်းရင်းမြစ်များ

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Loen 119:114

N din nə masɛ a duru ǹ bǎã lɛa, n din nə ma tamaali lɛa. Ma foo n doa nɛ n da ǹ boo kɛ lɛ ganaa.

Loen 138:3

Ma bɛ́ má lɛ dia n la ǹ mɛn pinaa, ń nə́ n nyəə ma la. Ń ma foo taã, ń màn da ma pàã li.

Loen 18:3

Dɛnaa Lawa, ma nə n foo doɛ n din ganaa, man kiɛ n yele, ma kirisibaali. N din nə maa Lawa lɛa, ma foo doa ǹ bǎã lɛa, maa duru ǹ bǎã lɛa. N din nə ma tamaɛ, ma pàã n ka n din ni, n din nə ma kirisibiɛ.

Loen 2:6

A na á pɛ: Ma kii mɛn bɔ, man má bɛ koa maa *Siɔn kele sonbore kɛ la.

Loen 27:6

Kanna, má boo maa zɔ́ɔn lɛn la, maa zɔ́ɔn kɛn lɛn ma lɛnpɛnɛ. Ma á boe la ma wúlu mànan kɔ Dɛnaa Lawa la ma foo n kɔɔ̃nɛ. Ma á boe la dɔn ma loe lɔ ma Dɛnaa Lawa tɔ bɔ nɛ.

Loen 28:7

Dɛnaa Lawa n ma pàã lɛa, a din nə ma tamaali lɛa. Má n foo doa a din ganaa, á n dɔ ma lɛ. Ma nə n nyɛnyɛɛ ka ma foo tumaa nɛ. Man die loe loe ma a tɔ bɔ nɛ.

Loen 34:4

Ka n lɛ kaa kun ma nɛ ka Dɛnaa Lawa guguru kɔ, ka daa wɔ a tɔ saa lon kun.

Loen 34:6

Nɔmaa-wɔlen mɛnɛn nə n yɔrɔ dia la, bɛn tá re n nyɛnyɛɛ, sìi ba re ǹ kuĩ wa.

Loen 43:3

N din nə ń tɛ fúlu kɛ kɔ ma la, ka n sonbore kɛ nɛ, bɛn lɛn tá re ma nyɛɛnaan boe, ǹ wo ma koa *Siɔn n kele sonbore kɛ la, n din a giã ǹ bǎã kɛ nɛ.

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 62:8

Maa kirisibaa laanka maa guguru-kɔ n doa-n Lawa ganaa. A din nə maa kɔmalɛ wole kaka lɛa, maa duru ǹ bǎã nɛ.

Loen 84:12

Sonbore, Dɛnaa Lawa lɛ n wɔlɔ fúli wɔ nɛ ka wasa bɛ́ lɔn, a din dɔ n wɔ tamaɛ. Dɛnaa Lawa din nə bǐɛ̃ zɛnɛɛ, á gugurubaa koe. Min mɛnɛn giã bɛ́ pepere, a n yii-nyɛɛ koe bɛn la.

Loen 89:19

Dɛnaa Lawa, n din nə ń wɔ tamaali kɛ kɔ wɔ la, Izirayeli a Lawa sonbore, n din nə ń kii kɛ koa wɔ mìi la.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Loen 99:9

Ka wɔsɛn Dɛnaa Lawa kɛ a golebaa pɛ. Ka kaa tán, ka n yɔrɔ dia a din a kele sonbore kɛ la. Sonbore, wɔsɛn Dɛnaa Lawa lɛ á siĩni.

Suusun 2:7

A nə n doe min peperen lɛ. Min mɛnɛn giã ǹ gɔn bɛ́ pepere, a nə n koe ǹ siã, a ǹ tamaa ka goóro bɛ́ lɔn.

Izayii 65:24

Ǹ laan bɛ̀ ǹ ma bíi, ma á re ǹ lɛ sii. Ǹ laan bɛ̀ ǹ nya boo diɛ ganaa, bɛ̀ má n too kɔ ǹ lon.

Busii pɛ 3:56

N maa lɛ dɛ ma, n nyan nə n too tã maa lɛ-dɛ laanka maa ginii kɛ la wa.

Matiə 7:7

Ka màn nyankɔ, Lawa á re màn koe ka la. Ka ga màn li, ka á re màn yii. Ka kiɛnlɛ dɛ, ǹ tá re kiɛnlɛ buĩ ka nɛ.

Zaaki 5:13

Bɛ̀ kaa min mɛn tá nɔmaa nɛ, ǹ dɛnaa Lawa nyankɔ. Bɛ̀ kaa min mɛn foo á kɔɔ̃nɛ, ǹ dɛnaa loe lɔ a Lawa tɔ bɔ nɛ.