Loen 27:6 - LAWA A BOO SONBORE

⁶ Kanna, má boo maa zɔ́ɔn lɛn la, maa zɔ́ɔn kɛn lɛn ma lɛnpɛnɛ. Ma á boe la ma wúlu mànan kɔ Dɛnaa Lawa la ma foo n kɔɔ̃nɛ. Ma á boe la dɔn ma loe lɔ ma Dɛnaa Lawa tɔ bɔ nɛ.

LAWA A BOO SONBORE 2011

⁶ Kanna, má boo maa zɔ́ɔn lɛn la, maa zɔ́ɔn kɛn lɛn ma lɛnpɛnɛ. Ma á boe la ma wúlu mànan kɔ Dɛnaa Lawa la ma foo n kɔɔ̃nɛ. Ma á boe la dɔn ma loe lɔ ma Dɛnaa Lawa tɔ bɔ nɛ.

Loen 27:6 ပူးပေါင်းရင်းမြစ်များ

Siin Giala 40:13

Lɛawaa sɔɔ kɛ kio, Faarahɔn á die wusii, a bǐɛ̃ kɔ n ganaa. Á die wusii a n saa a n da n dí ni, bɛ̀ n Faarahɔn lɛ a mu mi ǹ paan kɔ la, ka n bɛ́ ń goã zɛnɛɛ lɛlɛ lɔn.

Siin Giala 40:20

A lɛawaa sɔɔbaa ǹ wɔ na á n baa Faarahɔn lɛ a yɛ ǹ zɔ́n zɛnaa pinaa lɛa. Á màn-bii gigiã zɛnaa, á kɔ a pàãdɛnan tumaa la. Bɛ lɛ a pinaa, á yɔ kɔ kii la wolen goledɛnaa lɛ laanka buuru-dalin goledɛnaa lɛ waa, á soo ǹ ne ǹ tumaa yɔrɔ-a.

Samayeli2 22:1

Dɛnaa Lawa Davida si a zɔ́ɔn tumaa la ǹ mɛn pinaa, a si Sayulu din la ǹ mɛn pinaa, Davida na á bɛ lɛ a loe lɔ á pɛ:

Samayeli2 22:49

Dɛnaa Lawa, n din nə ma kanbiɛ maa zɔ́ɔn ganaa, n din nə ma biɛ gɔ̀lɔ̀ lɛa maa zɔ́ɔn kɛn mìi la, n din nə ma kanbiɛ min kakaarɛn kɛn ganaa.

Samayeli2 7:9

N wo bǎã mɛn tumaa nɛ, masɛ goã kunun n ni má n zɔ́ɔn tumaa dɛ má ǹ bɔ n nyɛɛnɛ. Má tɔ gole kɔ n la ka kanaa a min dadaran kɛn wɔ bɛ́ lɔn.

Kiin2 25:27

Zudaa gána a kii Zoakini a saa wo ne lɛ̀ pɔsɔɔwensɔbaabaa ǹ wɔ, bɛa lɛ̀ lɛ a mui fulupaabaa ǹ wɔ a lɛawaa fuəwensɔbaa, Baabilonii gána a kii Evili-Merodaaki bǐɛ̃ kɔ Zudaa gána a kii Zoakini ganaa, á bɔ kòso-n á da. Bɛ á zɛnɛɛ, bɛ̀ Evili-Merodaaki lɛ a kiibaa lɛ̀ din ni.

KZS1 22:18

«Dɛnaa Lawa, kaa Lawa bie kũ ka ka nɛ wa? A na á là nyantoro kɔ ka la paǹ tumaa li. Á bɛa gána lɛ a giãman wole kɛn wɔ ma gɔn. Pelo maǹ Dɛnaa Lawa a pàã giulun ka a zaman wɔ nɛ.

Loen 107:22

Ka barka da ǹ wúlu mànan kɔ Lawa la. Ka foo kɔɔ̃nbaa ǹ loe lɔ, ka a nya ǹ dín kɛn laakalaa nɛ.

Loen 110:7

Zii la, kii lɛ n woe mu mii pɛrɛ nɛ, ń giɛ á pàã yii, a gɔ̀lɔ̀ baa.

Loen 119:108

Dɛnaa Lawa, maa barka da ǹ nyankɔ si, ma daraa, n sii yɔrɔ bɔ ǹ boon kɛn ganaa.

Loen 138:5

Ǹ tá re n nya ǹ dín lɛn kalɛɛ ka loe ne: Dɛnaa Lawa a gugurubaa la yii ni.

Loen 21:1

LOE-saalin goledɛnaa loe mɛn lɔ. Davida a loe.

Loen 21:13

A giala, n bɛ́ re sa dii n koa ǹ ganaa, n tá re baa diɛ ǹ gòã li.

Loen 3:3

Min mɛnɛn bɛ́ pii maa wɔ gɔn la: «Lawa a re a kirisibiɛ wa,» bɛn tá mɔnaa-n parɛ. *Doa

Loen 3:4

Sɛnɛ, nsɛ Dɛnaa Lawa, n din lɛ n maa goóro lɛa ma tamaɛ, n din lɛ n zín we ma nɛ, n din lɛ n toɛ ma á n mìi siɛ lon.

Loen 47:1

LOE-saalin goleedɛnaa loe mɛn lɔ. Koore a minin wɔ.

Loen 57:8

Á ke, ma foo á doa nɛ, Lawa, ma foo á doa nɛ. Man die loe loe, ma n tɔ bɔ nɛ.

Loen 81:1

LOE-saalin goledɛnaa loen mɛnɛn lɔ. Asaafu a loe goon ne. A nə n loe bɛ̀ Gaati ná a bɛ̀ dɛ ǹ màn diɛ li.

Loen 95:1

Ka daa wɔ n lɛ dɛ, wɔ n nyɛnyɛɛ wɔa Dɛnaa Lawa ganaa. Ka daa wɔ foo kɔɔ̃nbaa ǹ fòo da Lawa nɛ, wɔ tamaali kɛ lɛ wɔ kirisibiɛ.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Zeremii 31:7

Dɛnaa Lawa n kɛ pii: Ka n nyanyaa, ka foo kɔɔ̃nbaa ǹ lɛ dɛ Zakɔba ganaa. Min mɛn bɛ́ tɔrɔn tumaa mìi la, ka n da bɛ lɛ, ka n nyanyaa ka pɛ: Dɛnaa Lawa na a zaman kirisibiɛ, Izirayeli minin mɛnɛn yii bɛ́ á goã koo.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Ebrəə 13:15

Ka daa, Yezu din barka nɛ, wɔ Lawa guguru kɔ, bɛ goã wɔa wúlu mànan lɛa, bɛ giala, mà wɔ a tɔ bɔ ka wɔ lɛ nɛ.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.