Loen 26:11 - LAWA A BOO SONBORE

¹¹ Sɛnɛ, masɛ n tɔ we maa peperebaa gɔ́ɔ̃ nɛ. N din bǐɛ̃ kɔ n ma si ǹ la.

LAWA A BOO SONBORE 2011

¹¹ Sɛnɛ, masɛ n tɔ we maa peperebaa gɔ́ɔ̃ nɛ. N din bǐɛ̃ kɔ n ma si ǹ la.

Loen 26:11 ပူးပေါင်းရင်းမြစ်များ

Nehemii 13:14

Bɛ lɛ taman yii, n yiri koa ka ma nɛ, maa Lawa: ma sii sonboren mɛnɛn zɛnaa n kion kɛ wɔ paǹ li, a gama walan wɔ paǹ li, n yiri baran bɔ ka bɛn nɛ wa.

Nehemii 13:22

Bɛ kio, má pɛ Levii tɔrɔn manɛ, máa ǹ gɔ̀ bɔ ǹ dinin-a ǹ da kiɛnlɛn lɛn lɛduə̃, màn mɛn bɛ́ toɛ ǹ susu ǹ pii lɛ tamaa. Bɛ lɛ dɔ taman yii, maa Lawa, n yiri kɔ ma nɛ, makara bɔ ma ganaa a kɔnpɛ ka n bǐɛ̃ gole kɛ nɛ!

Nehemii 13:31

Ǹ bɛ́ gɔn mɛn boe Lawa gɔ ǹ wɔ lɛa, má wusoo má bɛa bɔ da a giala la, á kɔnpɛ ka a bɔ biikoon ne, kɔnlɛ ka màn lɛ bibinaan kɛn nɛ. «Maa Lawa, n yiri koa ma nɛ, bǐɛ̃ kɛ taman yii, má zɛnaa.»

Nehemii 5:15

Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

Zɔbu 1:1

Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.

Loen 101:2

Man giɛ li ma yiri bɔ maa tɔ wɔ ǹ gɔn li, a boo la a goã siĩni. Man die boe ma li biĩ kəni? Maa sumu minin bii, ma tá re ma din kuĩ maa tɔ wɔ ǹ gɔn goã siĩni.

Loen 26:1

Davida a loe. Dɛnaa Lawa, n din kiri kɛ kuru. A giala, maa tɔ wɔ ǹ gɔn tá pepere. Man má n foo doa Dɛnaa Lawa ganaa, ma a re talɛɛ wa.

Loen 49:15

Maǹ nə́ ǹ lui ka tɔɔn bɛ́ lɔn, ǹ nə́ woe ǹ ne geren piɛ. Gɛ̀ nə ǹ lɛduə̃li lɛa. A lɛawaa, min peperen man tɔ we ǹ yalan la ǹ kiɛ̃. Ǹ siĩnbaa tumaa n ziziɛ̃ geren piɛ, ǹ wɔlɔ n lui ni ǹ kion dadaran kɛn ganaa.

Loen 49:7

Min mɛnɛn bɛ́ n foo doɛ ǹ gɔn màn ganaa, min mɛnɛn bɛ́ n dinin koɛ ǹ pàãmabaa ǹ màn gigiã a lɛa, bɛ n wàa mɛn nyɛ́ɛ diɛ ma ganaa?

Loen 69:18

Ma bɛ́ n din a dí-nyali lɛa, n baran n yii bɔ ma la wa. Man nɔmaa gɔ́ɔ̃ nɛ, maa nyankɔ si fufuu.

Izayii 38:3

Á pɛ: «E, Dɛnaa Lawa! Baalaa wɔ, n nə n yiri kɔ: Má bɔlɔgoondɛnaa baa n yɔrɔ-a, ma foo ná a talɛɛ-n paa wa. Sii mɛn bɛ́ siĩni n yii li, má bɛ zɛnaa.» Ezekiasi wuu pɛ parsiini.

Luku 1:6

Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Tesaloniki1 2:10

Wɔ giã ǹ gɔn mɛn wɔ ka goleemali wolen bii, sɔnbɔraanɛ, pepere, sã ná a ba a-n wa, ka dinin laanka Lawa n bɛa siéren lɛa.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.