Loen 25:5 - LAWA A BOO SONBORE

⁵ N din die n ma da n sonbore zii la, n din ma daraa, a giala, n din nə Lawa lɛa ma kirisibiɛ, ma nə n foo doɛ n din ganaa babaraa.

LAWA A BOO SONBORE 2011

⁵ N din die n ma da n sonbore zii la, n din ma daraa, a giala, n din nə Lawa lɛa ma kirisibiɛ, ma nə n foo doɛ n din ganaa babaraa.

Loen 25:5 ပူးပေါင်းရင်းမြစ်များ

Siin Giala 49:18

E Dɛnaa, ma nə n yii diɛ, máa n din ma kirisibaa!

Nehemii 9:20

Ń nə́ n yiri sonbore kɛ kɔ ǹ la, màn mɛn bɛ́ toɛ ǹ sii bɔkɔnlɛ doɛ̃. N nə ǹ nu ka *maanə n wa, ń mu kɔ ǹ la ǹ mu boro a lɛa.

Zɔbu 36:22

Lawa n nyɛɛ ka a din pàã kɛ nɛ, mà màn kɔn ba kiɛ̃ asɛ la wa. Die n boe la a min doroo ka Lawa bɛ́ lɔn?

Loen 107:7

Dɛnaa Lawa nə́ ǹ da zii pepere la, á woo ǹ ne giã ǹ bǎã kɔn nɛ.

Loen 119:26

Má maa sii tumaa yɔrɔ pɛ n din ni, ń ma lɛ si. N dɔ masɛ daraa n foo sii boon kɛn ganaa.

Loen 119:33

Dɛnaa Lawa, n foo sii boon lɛn zii nyaa ma nɛ. Ma á re koe ǹ lɛ yǎa maa gɛ̀.

Loen 119:66

Yiri laanka sii-doɛ̃ kɔ ma la, a giala, ma foo n doa nɛ n dí-pɛn lɛn ganaa.

Loen 119:97

N landa boon kɛn tá kɔɔ̃n ma ganaa parsiini. Lɛawaa tumaa li, ma nə n taasɛ ǹ nɛ.

Loen 22:2

Maa Lawa, maa Lawa, wàa na á baa n ma daa? Má n lɛ wurəə má fɔ̃, wàa na á baa n ba die ma kirisibiɛ wa?

Loen 24:5

Dɛnaa Lawa n barka we a nɛ. Kirisibaali Lawa n lɛ koe a ganaa min pepere lɛa.

Loen 25:10

Min mɛnɛn bɛ́ Dɛnaa Lawa a lɛ kɔn la ǹ boon kɛn tamaɛ, ka a gɔn waama-n boon kɛn dɔn nɛ, a n bɛn kuĩ ka kɔn-narɛɛ gole ne, á n biɛ̃ duduu zɛnɛɛ ǹ nɛ.

Loen 25:8

Dɛnaa Lawa á siĩni, á pepere, bɛ lɛ n ke, á sã wolen diɛ zii la.

Loen 68:20

Ka daa wɔ barka da Dɛnaa nɛ baraabaraa. Wɔ kirisibaali Lawa lɛ n giɛ wɔ walan. Doa

Loen 79:9

Wɔ kirisibaali Lawa, n dɔ wɔ lɛ, n din tɔ a golebaa a lɛa. Wɔ si sii la, n wɔa sii baraan tuturu, n din tɔ a gugurubaa a lɛa.

Loen 86:3

Dɛnaa, makara bɔ ma ganaa. Man lɛ diɛ n din la baraabaraa.

Loen 88:1

LOE. Koore a minin loe goon ne. LOE-saalin goledɛnaa loe mɛn lɔ. A nə n loe ka yɔrɔ-kɔsiɛ loe bɛ́ lɔn. Gùligiĩ Eman a loe ne, a n daraa koe.

Suusun 23:17

Ń foo nyan wuu pɛ sii baraa-zɛnaalin li wa. Sɛnɛ, nyɛ́ɛ baa Dɛnaa Lawa yii ni.

Suusun 8:34

Min mɛnɛn bɛ́ n too koe ma lon, bɛn wɔ á re bǐɛ̃ koe. Maǹ lɛ̀ wɛɛ maa kiɛnlɛ-a baraa nɛ. Maǹ maa kion a wɔ ǹ kiɛnlɛ lɛduĩ.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 35:8

Zii gole á re yii walan ǹ bíi "sonborebaa ǹ zii". Gɔ̀dɛnaa kɔn ba re boe walan wa, a n die goɛ̃ Lawa a zaman dinsɔɔ̃ wɔ lɛa. Baãnaan ba re die n dinin daɛ walan wa.

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Izayii 49:10

Bòo á re ǹ kuĩ doo wa, mu boro á re ǹ kuĩ doo wa. Wasa laanka diə a piɛ̃ fuu kɛ a re ǹ nɔmɛɛ doo wa. Taãn nɛ, ma á ǹ narɛ, ma á re ǹ nyɛɛnaan boe, ma wo ǹ ne mu yala nyantoto lɛ-a.

Izayii 54:13

Masɛ Dɛnaa Lawa á re n nɛnyaanan tumaa darɛɛ. Ǹ tá re goɛ̃ yii-nyɛɛ gole gɔ́ɔ̃ nɛ.

Zeremii 31:9

Maǹ wusii die bɛ̀ ǹ tá wuu pii, ǹ nə́ gòã kũ diɛ ma ganaa. Man miɛ ǹ nyɛɛnɛ ma á woe ǹ ne tà lɛ-a, piɛ̃-n ka mu ni. Zii mɛn bɛ́ foo n doa nɛ a ganaa, ma á re toɛ ǹ kɔ bɛ lɛ, màn mɛn bɛ́ toɛ, ǹ nyan bɔ ǹ mɛnaa wa. A giala, man Izirayeli a díi lɛa, Efrayimu n maa nɛgiĩ bibinaa lɛa.

Misee 7:7

Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

Luku 18:7

Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

Zaã a sɛ́wɔ 14:26

Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Zaã a sɛ́wɔ 16:13

Bɛ̀ Yiri Fu sonbore-pɛle lɛ daa ǹ mɛn waáraa, á die ka yiri fúli, ka sonbore tumaa dɔ̃. A giala, a bie re boo diɛ a din gɔn wìi a lɛa wa, sɛnɛ, a bɛ́ re màn mɛn miɛ, a n die bɛ lɛ pii; sii mɛn dɔ bɛ́ re n zɛnɛɛ, á re bɛ dɔ pii ka nɛ.

Zaã a sɛ́wɔ 6:45

A tá kiɛ̃-n Lawa a boo gii-dalin sɛ́wɔ nɛ mà Lawa á die min tumaa doree. Min woo min á masɛ a Díi a da ǹ boo ma, a ná a doroo si, bɛa dɛnaa n die masɛ li.

Rɔmu minin 8:14

Min mɛnɛn bɛ́ tɔ we á kɔnpii ka Lawa Yiri dùũ siin ni, bɛn man Lawa a nɛnyaanan lɛa.

Zaã1 2:27

Sɛnɛ, Krita na á ná a Yiri kaa kasɛn la. A Yiri bɛ́ ka nɛ, ka laadoo ba min a daraa ganaa wa. A Yiri lɛ din nə ka darɛɛ màn tumaa ganaa. A bɛ́ ka darɛɛ màn mɛn ganaa, sonbore ne, soɛ bie wa. Bɛ lɛ a lɛa, ka a daraa lɛ lɛ si, ka goã kun ka Krita nɛ.

Sii-nyaan 7:17

A giala, Sère Nɛ mɛn bɛ́ golee-n kii dankanan kɛn bii, bɛ á re ǹ lɛduĩ, á re woe ǹ ne yiikoonaabaa ǹ mu yala lɛa. Lawa á re ǹ yii mu tumaa tuturi a bɔ ǹ yɔrɔ nɛ.»