Loen 25:3 - LAWA A BOO SONBORE

³ Min mɛn tumaa bɛ́ n foo doɛ n ganaa, sìi ba re bɛ kɔn kuĩ wa. Sɛnɛ, min mɛnɛn bɛ́ n piɛ̃ n nɛ, mìi ná a ba la wa, bɛn wɔ n ka sìi ni.

LAWA A BOO SONBORE 2011

³ Min mɛn tumaa bɛ́ n foo doɛ n ganaa, sìi ba re bɛ kɔn kuĩ wa. Sɛnɛ, min mɛnɛn bɛ́ n piɛ̃ n nɛ, mìi ná a ba la wa, bɛn wɔ n ka sìi ni.

Loen 25:3 ပူးပေါင်းရင်းမြစ်များ

Siin Giala 49:13

Zabulɔn tá re giɛ̃ kɔ̀ mu lɛ-a. Mu la ǹ goo dadaran bɛ́ re golee kɔ̀ mɛn lɛ-a. A giã ǹ bǎã á die golee koe, a dɔ Sidɔn kiwi ganaa.

KZS1 10:13

Sayulu lɛ na á gã, a giala a na á bɔlɔgoonbaãdɛnaa baa Dɛnaa Lawa wɔ paǹ li. A na a kɔ Dɛnaa Lawa a dí-pɛn lɛ ka a yɔrɔ-n wa. Á goã dinin á kanbaa Lawa la á woo gere nyin bii á nɔ̀n da la. Bɛ lɛ nɛ Dɛnaa Lawa toa á gã, a ná a kiibaa lɛ saa á kɔ Zesee a nɛgiĩ Davida la.

Loen 109:3

Ǹ boon lɛn man zɔ́ɔbaa boon lɛa, ǹ nə́ ma lɛnpɛnɛ nɛ. Maǹ yui ma gialaa kooro kooro.

Loen 119:78

Din-koalin mɛnɛn nə soɛ kakaa ma la, toa sìi bɛn kũ. Masɛ, ma nə n taasɛ ka n doree boon kɛn nɛ.

Loen 123:2

Bɛ̀rɛgiĩ bɛ́ n yii diɛ a goledɛnaa gɔn li lɔn, bɛ̀rɛlɔ bɛ́ n yii diɛ a goledɛnaa gɔn li lɔn, Dɛnaa Lawa wɔa Lawa, wɔ dɔn manə n yii diɛ n dɔ gɔn li miɛ̃, wáa n da makara bɔ wɔ ganaa.

Loen 132:18

Man die sìi dɔnkɛ we a zɔ́ɔn kɛn ganaa. Sɛnɛ, man die gɔlɔbaa ǹ bafolo we asɛ mìi ganaa.

Loen 22:6

Maǹ nə́ goã n lɛ dii n ganaa, ń goã ǹ boe sii ni. Maǹ nə́ goã n foo doɛ n ganaa, sìi goã ǹ kuĩ wa.

Loen 27:14

N foo kũ, n nə n yii da Dɛnaa Lawa la. N gù we yii n nə n foo taã. N foo kũ, n nə n yii da Dɛnaa Lawa la.

Loen 31:17

N din a bɛ̀rɛgiĩ n masɛ nɛ, n yɔrɔ bǐɛ̃ da ma la. N din a kɔn-narɛɛ gole kɛ taman yii, ma kirisibaa.

Loen 31:18

Dɛnaa Lawa, bɛ̀ ma á lɛ diɛ n la, n nyan toa sìi ma kũ wa. Sɛnɛ, min baraan kɛn lɛn, toa sìi bɛn kũ, toa ǹ dinin kɛn lɛn nə gã, ǹ lɛ kuru ka kiĩn.

Loen 33:20

Wɔsɛn dɔn manə n yii diɛ Dɛnaa Lawa la. Min mɛn bɛ́ n doe wɔ lɛ, á n wɔ tamaɛ, a din ni.

Loen 35:26

Min mɛnɛn tumaa bɛ́ maa bɔ̀n yaa we, toa sìi gole nə ǹ kũ, ǹ puusə kɔ. Min mɛnɛn tumaa bɛ́ ǹ dinin koɛ ma ganaa, toa sìi nə ǹ kũ, ǹ yii kiɛɛrɛ kɔ.

Loen 37:34

N foo doa Dɛnaa Lawa ganaa, n kɔ a zii lɛ. Á re n koɛ gána lɛ a dɛnaa lɛa. N tá re yii min baraan kɛn wɛɛ ǹ boe a nɛ.

Loen 6:10

Dɛnaa Lawa maa gòã-kũ ma, á re maa nyankɔ sii.

Loen 62:1

LOE-saalin goledɛnaa loe mɛn lɔ. Yedutun na á lɔ. Davida a loe n ke.

Loen 62:5

Ka nə n doɛ mà yǎa ka boe a bǎã nɛ. Soɛ-bɔ n kɔɔ̃n ka ganaa. Ka n Lawa bǐɛ̃ bíi ka ka lɛ nɛ, sɛnɛ, ka n dì bíi ka gɔ́ɔ̃ nɛ. *Doa.

Loen 69:4

Má n lɛ dɛ má nɔmaa, ma lɛn nə́ tã, má n yii da maa Lawa la, ma yii wɔ̃.

Loen 69:6

Lawa, n din tá maa baãnaabaa doɛ̃. Maa sãn dɔn ba durii ni n ganaa wa.

Loen 71:13

Min mɛnɛn bɛ́ giɛ maa zɛ̀rɛbaa ǹ gɔn li, toa bɛn nə wo papaã sìi gɔn. Min mɛnɛn bɛ́ giɛ maa bɔ̀n li, toa bɛn nə puusə-kɔ yɛ taãn-taãnɛ.

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 40:31

Sɛnɛ, min mɛnɛn bɛ́ n foo doɛ Dɛnaa Lawa ganaa, bɛn man wusii ǹ pàã dii yɛ. Maǹ yui ka giogialatã-a bɛ́ lɔn, baa sii, ǹ ba nɔmɛɛ wa. Maǹ woe nyɛɛnɛ, ka pàã nɛ.

Izayii 49:23

KIIN tá re n nɛnyaanan toe. Kii a nɛlɔn tá re màn-bii koe ǹ la. Ǹ tá re n musin koɛ tán-a n yɔrɔ-a, ǹ nyanlɛ n doa-n tán, ǹ nə n guguru kɔ. N tá re doɛ̃ ka bɛ-n kəni, mà ma din nə Dɛnaa Lawa lɛa. Min mɛnɛn dɔn bɛ́ n foo doɛ masɛ ganaa, sìi á re ǹ kuĩ wa.

Zeremii 20:11

Sɛnɛ, Dɛnaa Lawa n kun ka ma nɛ. A n zia biɛ ka pàã gole ne maa lɛa. Min mɛnɛn bɛ́ boe ma yii ni, bɛn tá re boe ǹ mɛnaa. Ǹ ba re boe sii kɔn la ǹ zɛnaa ma-n wa. Sìi á re n koe ǹ lɛ, a giala, ǹ pàã dɔ ma li wa. Ǹ sìi lɛ n die goɛ̃ miɛ̃ yǎa duduu. Ǹ kɔn yiri a re boe-n wa.

Busii pɛ 3:25

Min mɛn foo bɛ́ doa-n Dɛnaa Lawa ganaa, a n giɛ li ka a parsiini, a n bǐɛ̃ biɛ bɛ la.

Misee 7:7

Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

Zaã a sɛ́wɔ 15:25

Boo mɛn nə n kiɛ̃ ǹ landa sɛ́wɔ nɛ, a na á kaa bɛ lɛ: «Ǹ nə́ ma baa zɔ́ɔ kooro.»

Rɔmu minin 8:25

Sɛnɛ, wɔ yii bɛ́ a ba màn mɛn-a wa, wɔ foo n doa-n bɛ lɛ ganaa, wɔ nə́ n yii diɛ la ka sii simaa nɛ.