Loen 25:13 - LAWA A BOO SONBORE

¹³ Á die n susui yii-nyɛɛ gɔ́ɔ̃ nɛ, gána lɛ á re a tɔrɔn wɔ biɛ.

LAWA A BOO SONBORE 2011

¹³ Á die n susui yii-nyɛɛ gɔ́ɔ̃ nɛ, gána lɛ á re a tɔrɔn wɔ biɛ.

Loen 25:13 ပူးပေါင်းရင်းမြစ်များ

Loen 112:2

Pàã n die goɛ̃ a nɛnyaanan lon tán kɛ la, barka n die yii min pepere tɔrɔn lon.

Loen 31:19

Ǹ soɛ bɔ ǹ lɛn kɛn lɛn, bɛn lɛn tã. Min mɛn bɛ́ n din bɔlɔ sii, maǹ nə n tìã dii bɛ li, maǹ din koa ǹ boo diɛ a ganaa, ǹ tá a puusə koe.

Loen 36:8

Lawa, n bǐɛbaa gole lɛ á siĩni. Minbuiinin man kiɛ n din nyaa giulun.

Loen 37:11

Sɛnɛ, gána lɛ á die pàãwɛɛnaan wɔ biɛ. Ǹ tá re là nyantoro lɛpiɛ̃ yii.

Loen 37:22

Taãn nɛ, a barka da min mɛnɛn ganaa, gána lɛ á die bɛn wɔ biɛ. A barka bɔ min mɛnɛn nɛ, á re bɛn wɛɛ a ǹ bɔ a nɛ.

Loen 37:26

Min makara n min sonbore kuĩ lɛawaa tumaa li, a n giɔ̀mɔ diɛ baraabaraa. A nɛnyaanan dɔn man barkadɛnan lɛa.

Loen 37:29

Min sonboren tá re gána lɛ a dɛnan biɛ. Ǹ tá re goɛ̃ a-n yǎa duduu.

Loen 37:34

N foo doa Dɛnaa Lawa ganaa, n kɔ a zii lɛ. Á re n koɛ gána lɛ a dɛnaa lɛa. N tá re yii min baraan kɛn wɛɛ ǹ boe a nɛ.

Loen 37:9

Lawa á re min baraan wɛɛ a ǹ bɔ gána kɛ nɛ, sɛnɛ, min mɛnɛn bɛ́ n foo doɛ Dɛnaa Lawa ganaa, gána lɛ á die bɛn wɔ biɛ.

Loen 63:5

Man die barka diɛ n nɛ maa yiikoonaabaa tumaa gɔ́ɔ̃ nɛ. Man die ma gɔnɔn goɛ lon, ma n din nyankɔ.

Loen 69:36

A giala, mà Lawa á re Zeruzalɛmu kirisibiɛ, A wusoo a Zudaa gána a kiwin dɔ. Bɛa kiwin lɛn tá re a din a minin lɛn wɔn biɛ, ǹ wusoo ǹ giã ǹ nɛ doo.

Suusun 1:33

Sɛnɛ, bɛ̀ min mɛn nə n too kɔ ma lon, bɛa dɛnaa á re goɛ̃ yii-nyɛɛ gɔ́ɔ̃ nɛ, kiĩn ni a ná a ba nyɛ́ɛ biɛ koe-n wa.

Suusun 19:23

Dɛnaa Lawa guguru kɔ n yii toɛ koo. Min mɛnɛn bɛ́ a guguru koe, ǹ ba foɛ̃ màn kɔn li wa, koe dɔ a boe ǹ ganaa wa.

Suusun 20:7

Min mɛnɛn bɛ́ sii bǐɛ̃ zɛnɛɛ, ǹ yiikoonaabaa n pepere. Nɛnyaanan mɛnɛn bɛ́ ǹ kio, bɛn foo á re kɔɔ̃n koe.

Suusun 29:25

Nyɛ́ɛ n kan lɛa min kuĩ. Sɛnɛ, min mɛn bɛ́ n din sii we Dɛnaa Lawa gɔn, bɛa dɛnaa tamaamaa nɛ.

Izayii 65:23

Ǹ ba re nɔmaa we kooro wa. Ǹ ba re nɛnyaanan yii ǹ nə ǹ kaa kanaa, ǹ nə́ giɛ ǹ ganaa giɛ̃ wa. A giala, ǹ dinin laanka ǹ nɛnyaanan man tɔrɔn lɛa má barka da ǹ ganaa.

Zeremii 32:39

Ma á re ǹ taasiɛ biɛ goon, ka sii zɛnaa ǹ gɔn goon ne, màn mɛn bɛ́ toɛ, ǹ nyɛ́ɛ baa ma yii ni yǎa duduu. Ka bɛ-n kəni, ǹ tá re yii-nyɛɛ yii, ǹ dinin ni ka ǹ nɛnyaanan dɔn nɛ ǹ kio.

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Zakarii 9:17

Ǹ foo á re kɔɔ̃n koe parsiini! Ǹ tá re siĩn koe parsiini! *Belee á re pàã koe nɛ tenən la, duvɛ̃ dii pàã kɔ nɛlɔ tenən la.

Matiə 5:5

Min mɛnɛn bɛ́ sabarɛbaa nɛ, Lawa á re barka diɛ bɛn ganaa, a giala Lawa màn mɛn a lɛ kɔ ǹ la, á re bɛ lɛ koe ǹ la.

Nya ǹ dín 2:39

A giala, Lawa din bɛ́ á n lɛ kɔ ka màn mɛn nɛ, bɛ ǹ ka dinin wɔ lɛa ka kaa nɛnyaanan nɛ, ka minin mɛnɛn tumaa wɔlɔ bɛ́ tɔn sɔsɔɔ, Lawa n die ǹ bíi.»

Timəə dí-pɛn 33:12

Bɛnzamɛn tɔrɔn wɔ paǹ li, a na á kɛ pɛ: «Dɛnaa Lawa Bɛnzamɛn tɔrɔn narɛ parsiini. Maǹ là nyantoro la kun ka n din ni, n din nə ǹ tamaɛ baraabaraa n din nə giã nɛ ǹ bii.»

Filipi minin 4:19

Maa Lawa á re giɛ ka laadoo tumaa walan sɔnbɔraanɛ, a kɔnpɛ ka a din a pàãmabaa gole kɛ nɛ, Yezu Krita wɔ gɔ́ɔ̃ nɛ.

Piɛrɛ1 3:10

Sonbore, Lawa a boo n pii: «Bɛ̀ min mɛn tá li a tá kanaa bǐɛ̃ kɔ, a nyin sasa yɛ là nyantoro gɔ́ɔ̃ nɛ, yǎa ǹ dɛnaa nə n lɛ kuĩ boo baraa diɛ ganaa, a n nyɛnɛɛ soɛ nɛ.

Piɛrɛ2 3:13

Lawa nə́ n lɛ kɔ wɔ la ka lon laanka kanaa dii ni, sii kɔkɔrɔ bɛ́ a re goɛ̃ màn mɛnɛn nɛ wa. Wɔ nə n yii diɛ bɛn lɛn la.