Loen 24:4 - LAWA A BOO SONBORE

⁴ Min mɛn bɛ́ a gɔn sii la wa, a foo dɔ n *yoreen ne, a ná a ba koe soɛ zii lɛ wa, a ba n liɛ ka soɛ-n wa, bɛa dɛnaa nɛ.

LAWA A BOO SONBORE 2011

⁴ Min mɛn bɛ́ a gɔn sii la wa, a foo dɔ n *yoreen ne, a ná a ba koe soɛ zii lɛ wa, a ba n liɛ ka soɛ-n wa, bɛa dɛnaa nɛ.

Loen 24:4 ပူးပေါင်းရင်းမြစ်များ

Siin Giala 6:5

Dɛnaa yɛ mà màn nə tɔ́n miɛ̃ minbuiinin baraabaa li tán. Biikoo tumaa li, sii baraa zɛnaa dinsɔɔ̃ a taasiɛ nə ǹ foo ne.

Zɔbu 17:9

Ta á n baa lɔn, min pepere gɔn na a zii ganaa. Min mɛn bɛ́ a sii la wa, màn nə́ miɛ bɛ pàã li miɛ̃ a woo.

Zɔbu 9:30

Ta man má n zoo ka sɛfɔnɔ nɛ, ta man má n gɔnɔn pii sɔmaa li,

Loen 143:8

Bɛ̀ lɛ̀ waa lɔn, n kɔn-narɛɛ gole kɛ nyaa ma nɛ, a giala, ma foo n doa nɛ n din ganaa. Ma doamaa bɛ́ ma zii mɛn saa, bɛ nyaa ma nɛ, a giala, ma yii nə n din la.

Loen 15:4

Min mɛnɛn bɛ́ ǹ ba kɔɔ̃n Lawa ganaa wa, a laadoo ba bɛn ganaa wa, sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, a n bɛn narɛ. Bɛ̀ á n lɛ kɔ min la, ta a n nɔmaa nɛ a gɔ́ɔ̃ nɛ, a ba n bɔlɔ bɔyɛɛ wa.

Loen 18:20

Á ma si á ma da, a na á ma si á ma da, a giala a tá ma narɛ.

Loen 25:1

Davida a loe. Dɛnaa Lawa, masɛ yii n doa nɛ n din la.

Loen 26:6

Ma bɛ́ ma sii la wa, ma á re n gɔn pii ma nyaa. Dɛnaa Lawa, ma á re woe n din a *wúlu bɔ ǹ bǎã kɛ lɛnpɛnɛ,

Loen 51:10

Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!

Loen 51:12

Lawa, foo yoreen da ma nɛ, n yiri dii kɔ ma la, yiri mɛn bɛ́ golee ne.

Loen 73:1

Asaafu a loe. Sonbore, Lawa lɛ á Lawa bǐɛ̃ lɛa Izirayeli nɛnyaanan wɔ paǹ li, ka min mɛnɛn dɔn bɛ́ ǹ gɔ́ɔ̃ n fu.

Suusun 20:9

Die n boe la a pɛ: «Má n gɔ́ɔ̃ baa fu. Maa sii baraan nə́ n pii ǹ nə́ n bɔ ma ganaa.»

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Zeremii 5:2

Bɛ̀ ǹ tá liɛ we, maǹ pii: «Ma nə n liɛ ka Dɛnaa Lawa Yiikoonaa tɔ nɛ.» Sɛnɛ, ǹ liɛ tumaa n soɛ lɛa.

Ezekieli 18:15

A ba dì mànan bii kelen la wa, a Izirayeli tɔrɔn kɛn dìn guguru koe wa, a we ǹ miã kɔsɔ a lɔ lɛ wa.

Ezekieli 18:6

Bɛa dɛnaa lɛa woe wúlu bɔ ǹ mànan kɛn bii kele la wa, a ba Izirayeli tɔrɔn kɛn dìn guguru koe wa. A ba we ǹ miã kɔsɔ a lɔ lɛ wa, bɛ̀ lɔ a lɛawaa tá a ganaa, a ba diɛ pìi-n wa.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Matiə 5:8

Min mɛnɛn gɔ́ɔ̃ bɛ́ fu, Lawa á re barka diɛ bɛn ganaa, a giala ǹ tá re Lawa yii!

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Nya ǹ dín 15:9

Lawa bɛa tɔrɔ kɔsɔn kɛn lɛn bɔ kɔn lɛ ka wɔsɛn nɛ wa. Ǹ dɔn bɛ́ ǹ nə́ goleemali kɛ wɔ, Lawa nə́ ǹ foo pii.

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Timəə dí-pɛn 4:19

Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.

Timote1 1:10

A na á n koa dɔn naarɛbaalin taman yii, ka giĩ ga kɔn li wolen ne, bɛ̀rɛ-sãlin ni, soɛ-bɔlen ne. Min mɛnɛn bɛ́ n lɛ koe ka sii ni, bɛ̀ ǹ wusoo ǹ kio, bɛn nɛ ka min mɛnɛn tumaa bɛ́, ǹ zɛnaa ǹ sii a kɔnpii ka daraa sonbore kɛ-n wa.

Timote1 2:8

Man giɛ li kəni, máa giĩn nə Lawa nyankɔ bǎã tumaa ni, ǹ nə n gɔnɔn dia Lawa la, ǹ gɔ́ɔ̃ n fu, foo-busii ná a banban, zia ná a banban.

Zaaki 4:8

Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!

Sii-nyaan 21:27

Màn mɛn tumaa bɛ́ *gɔ̀ lɛa, bɛ kɔ́n ba we kiwi kɛ-n wa, min gɛsɛ a we wa, soɛ-bɔle dɔ a we wa. Sɛnɛ, min mɛnɛn tɔ bɛ́ kiɛ̃-n Sère Nɛ a yiikoonaabaa ǹ sɛ́wɔ kɛ nɛ, bɛn dininsɔɔ̃nɔn man we kiwi lɛ nɛ.