Loen 23:3 - LAWA A BOO SONBORE

³ A n màn diɛ ma pàã li. A n ma diɛ zii sonbore la, a din tɔ kɛa lɛa.

LAWA A BOO SONBORE 2011

³ A n màn diɛ ma pàã li. A n ma diɛ zii sonbore la, a din tɔ kɛa lɛa.

Loen 23:3 ပူးပေါင်းရင်းမြစ်များ

Zɔbu 33:30

A n zɛnɛɛ, a tá a kanbiɛ yala ganaa, a n yiikoonaabaa ǹ tɛ fúlu kiɛ a ganaa.

Loen 106:8

Sɛnɛ, á ǹ kirisibaa a din tɔ kɛa lɛa, a ná a din a Pàãyiidɛnaabaa nyaa.

Loen 109:21

Nsɛ dɔ, Dɛnaa Lawa, sii kɔn zɛnaa maa wɔ paǹ li, n din tɔ kɛa lɛa. N kɔn-narɛɛ gole lɛ á bǐɛ̃ zɛnɛɛ ma nɛ, ma kirisibaa.

Loen 119:176

Ma nə n binbirin boe ka sère papaã wole bɛ́ lɔn. Masɛ nə n bɛ̀rɛgiĩ lɛa, ma basa bɔ, n ga ma li, a giala, ma yiri a boe ka n dí-pɛn kɛn nɛ wa.

Loen 19:7

A n soe lon paǹ goon ganaa, a wo a baa giala nyɔmɔɔ a paǹ kɔsɔ kɛ ganaa, a fuubaa ná a màn kɔn pusii wa.

Loen 31:3

N too kɔ ma lon, n nanaa n da ma bɔ a nɛ. N din nə n baa maa duru ǹ bǎã lɛa, n ma tamaa, màn mɛn bɛ́ toɛ, ma kirisibaa.

Loen 31:4

Sonbore, n din nə maa duru ǹ bǎã kaka lɛa, n din nə ma tamaa ǹ bǎã lɛa. N din tɔ a bǐɛ̃-kɔ taman yii, mɛ ma nyɛɛnɛ, n ma nyɛɛnaan bɔ.

Loen 34:3

Dɛnaa Lawa a sii n kiɛ ma foo la. Nɔmaa-wɔlen mɛnɛn bɛ́ n too koe ma lon, ka n nyɛnyɛɛ.

Loen 5:8

Sɛnɛ, n bǐɛ̃ gole kɛa lɛa, Dɛnaa Lawa, masɛ á re we n kion kɛ nɛ, ma á re kiɛ tán n kion sonbore kɛ nɛ, ma n guguru kɔ, bɛ̀ má n nyɛ́ɛ biɛ n nɛ.

Loen 51:10

Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!

Loen 51:12

Lawa, foo yoreen da ma nɛ, n yiri dii kɔ ma la, yiri mɛn bɛ́ golee ne.

Loen 79:9

Wɔ kirisibaali Lawa, n dɔ wɔ lɛ, n din tɔ a golebaa a lɛa. Wɔ si sii la, n wɔa sii baraan tuturu, n din tɔ a gugurubaa a lɛa.

Loen 85:13

Dɛnaa Lawa dinmaa n barka diɛ min ganaa, wɔsɛn tán dɔ na a màn-kɔsiɛ bǐɛ̃ koe.

Suusun 4:11

Ma nə n diɛ sii-doɛ̃ zii la, n yiikoonaabaa goã peperabaa gɔ́ɔ̃ nɛ.

Suusun 8:20

Man tɔ we peperebaa zii la. Zii mɛn bɛ́ ǹ nə́ dí-pɛn tamaɛ la, maa wɔ n ka bɛ nɛ.

Izayii 42:16

Yii tere-an bɛ́ ǹ ba zii mɛn doɛ̃ wa, man diɛ ǹ kiɛ bɛ la. Man die ǹ kiɛ tɔ wɔ ganaa zii la, zii mɛn bɛ ǹ ba doɛ̃ wa. Man die tèlò bɔyɛɛ ma baa wɔlɔ fúlu lɛa ǹ nyɛɛnɛ. Ǹ bɛ́ n gòã niɛ̃ màn mɛn ganaa, man bɛ boe ma bɔ ǹ nyɛɛnɛ. Ma sii mɛn taasɛ, a din nə ke. Ma a re wusii ma kio-n wa.

Zeremii 31:25

Taãn nɛ, min mɛnɛn nə nɔmaa, ma á re mu koe bɛn la ǹ mi. Pàãwɛɛnaan kɛn, ǹ laadoo bɛ́ màn mɛn tumaa ganaa ma á re bɛ koe ǹ la.

Zeremii 31:8

A giala, man die boe ǹ ne gɔsɛ a lɛ̀gɔn la, ka gána sɔsɔɔn nɛ, ma ǹ sɔkɔn. Yii tere-an ne, bɔlɔkan nɛ, haalɛ lɔ nɔnɔan dinin laanka lɔn mɛnɛn nə nɛ yɛ sisia. Kɛ n zaman gole lɛa wusii die kànaa.

Ezekieli 20:14

Sɛnɛ, man má sii lɛ zɛnaa ma din taman yii, màn mɛn bɛ́ toɛ, ma ǹ waa tɔrɔn mɛnɛn yii ni má ǹ bɔ Ezipti gána nɛ, bɛn baran ma tɔ ziziɛ̃ wa.

Efɛɛzi minin 1:6

A n mà wɔ asɛ a bǐɛ̃ golee kɛ lɛ laakalaa. A bǐɛ̃ mɛn baa wɔ la ka bǐɛ̃baa ǹ foo ne, a ná a Nɛgiĩ narɛɛ wole kɔ wɔ la.

Sii-nyaan 3:19

«Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.