Loen 22:27 - LAWA A BOO SONBORE

²⁷ Doobaan tá re màn bii ǹ kã, min mɛnɛn bɛ́ giɛ Dɛnaa Lawa li, bɛn tá re a guguru koe. A die a ka foo nyɛɛ a yii-nyɛɛ kɔ ka la!

LAWA A BOO SONBORE 2011

²⁷ Doobaan tá re màn bii ǹ kã, min mɛnɛn bɛ́ giɛ Dɛnaa Lawa li, bɛn tá re a guguru koe. A die a ka foo nyɛɛ a yii-nyɛɛ kɔ ka la!

Loen 22:27 ပူးပေါင်းရင်းမြစ်များ

KZS1 16:10

Ka n dinin koa, ka Dɛnaa Lawa tɔ sonbore kɛ nɛ. Ka n nyɛnyɛɛ, kasɛn mɛnɛn bɛ́ giɛ Dɛnaa Lawa li.

Loen 102:22

Maǹ die Dɛnaa Lawa tɔ kɛ kalɛɛ Zeruzalɛmu gɔ́ɔ̃ nɛ, maǹ die loe loe ǹ na a para pɛ nɛ.

Loen 117:1

Tɔrɔ din tumaa, ka Dɛnaa Lawa tɔ bɔ. Tɔrɔ din tumaa, ka a guguru kɔ.

Loen 2:8

Ma nyankɔ, ma á re gánan tumaa koe n la, ǹ nə n wɔ baa. Ma á re kanaa lɛ doa ǹ bǎãn koe n la, ǹ nə n wɔ baa.

Loen 69:33

Bɛ̀ fuu-yɛlen nə́ maa kirisibaa lɛ yɛ, ǹ tá re n nyɛnyɛɛ. Kasɛn mɛnɛn bɛ́ giɛ Lawa li, a die a kasɛn foo nyɛɛ.

Loen 72:11

KIIN tumaa á re kiɛ tán a giulun, gánan tumaa á re lɛ koe a pàã ganaa.

Loen 72:8

N din toa, a kiibaa lɛ goã gána lɛ mìi la, a bɔ kɔ̀ goon ganaa, a wo dɔ goon kɔsɔ dɔ ganaa. Toa a bɔ Efrati tà kɛ ganaa, a wo dɔ kanaa lɛ-doa ganaa.

Loen 86:9

Dɛnaa, n tɔrɔn mɛnɛn tumaa zɛnaa, bɛn tá re die kiɛ tán-a n yɔrɔ-a, ǹ nə n tɔ guguru kɔ.

Loen 96:7

Kanaa a tɔrɔn lɛn, ka da zín kɔ Dɛnaa Lawa la. Ka golee li, mà gugurubaa laanka pàã n Dɛnaa Lawa lɛ wɔ lɛa.

Loen 98:3

Á n yiri koa a din a kɔn-narɛɛ gole kɛ nɛ, ká a bǐɛ̃ duduu kɛ nɛ, Izirayeli tɔrɔ minin wɔ paǹ li. Á wo kanaa paǹ tumaa yaa, min tumaa yɛ, mà Lawa n wɔ kirisibaali lɛa.

Izayii 29:19

Min mɛnɛn foo bɛ́ ziziɛ̃ nɛ, bɛn tá re foo kɔɔ̃nbaa gole yii Dɛnaa Lawa li. Ǹ mɛnɛn tumaa bɛ́ doobaa taãn-taãnan lɛa, bɛn tá re n nyɛnyɛɛ Izirayeli a Lawa sonbore kɛ taman yii.

Izayii 45:22

Ka n bɔyaa ka da masɛ li, kasɛn mɛnɛn bɛ́ tán lɛ dan ganaa, ka á re kirisibiɛ. A giala, ma din ni Dɛnaa Lawa lɛa, kɔsɔ banban.

Izayii 49:12

Ǹ nə́ ke yii! Maǹ boe sɔsɔɔ die. Ǹ tɛnɛn man boe gɔsɛ a lɛ̀gɔn la, gialakunun man boe lɛ̀nyɛɛnɛ, kɔsɔn man boe Ezipti gána nɛ, gusin a lɛ̀gɔn la.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Minin nimi 10:32

Bɛ̀ ń daa kun ka wɔsɛn nɛ, Dɛnaa Lawa bɛ́ giɛ li a yii-nyɛɛ mɛn lɛ kɔ wɔsɛn la, bɛ̀ wɔsɛn nə́ bɛ yɛ, wɔ á re toɛ n dɔ nə n wɔ yɛ a nɛ.»

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Nya ǹ dín 20:21

Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li.

Rɔmu minin 16:26

Sɛnɛ sisia, bɛa sonbore lɛ bɔ kanaa. Lawa a boo gii-dalin sɛ́wɔn nə́ nyaa, kanna, Lawa nyabaã lɛ din dùũ barka nɛ, bɛa sonbore lɛ bɔ kanaa, tɔrɔ kɔsɔn kɛn dɔn tumaa dɔ̃, màn mɛn bɛ́ toɛ, ǹ lɛ kɔ Boo Tii Kɔɔ̃n lɛ ganaa, ǹ Lawa bɔlɔ si.

Tesaloniki1 1:9

A giala, ká wɔ kũ lɔn bɛ̀ wɔ bɛ́ wɔ́ daa kaa piɛ, min tumaa na a laakalɛɛ. Ká dìn toa walan lɔn ká Lawa taãn kɛ guguru kɔ, Lawa yiikoonaa ke, ǹ tá bɛ dɔ pii.

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»