Loen 22:16 - LAWA A BOO SONBORE

¹⁶ Ma bɔlɔ yala laa ka kɔlɔ nɛ, ma lɛwɔn dama ma lɛ gɔ́ɔ̃ nɛ. N ma koa gɛ̀ li foɛɛ̃nɛ.

LAWA A BOO SONBORE 2011

¹⁶ Ma bɔlɔ yala laa ka kɔlɔ nɛ, ma lɛwɔn dama ma lɛ gɔ́ɔ̃ nɛ. N ma koa gɛ̀ li foɛɛ̃nɛ.

Loen 22:16 ပူးပေါင်းရင်းမြစ်များ

Loen 22:1

LOE-saalin goledɛnaa loe mɛn lɔ, n loe ka Baayɛlɛ a Yuùn LOE kɛ bɛ́ lɔn. Davida a loe n ke.

Loen 22:20

Sɛnɛ, nsɛ nyan giã sɔsɔɔ wa, Dɛnaa Lawa! N din nə ma pàã lɛa, n nanaa n da n dɔ ma lɛ.

Loen 38:11

Ma foo n biɛ niɛ̃, ma pàã nya, ma yɔrɔ a tɛ pii doo wa.

Loen 59:14

N foo-busii gɔ́ɔ̃ nɛ, ǹ dɛ miɛ̃, ǹ dɛ, min baran ǹ yɛ doo wa. Bɛ gɔ́ɔ̃ nɛ, ǹ tá re doɛ̃, yǎa kanaa paǹ tumaa ganaa, mà Lawa tan, á n kii lɛa Izirayeli mìi la. Doa.

Loen 59:6

Dɛnaa Lawa, n din lɛ n Pàãyiidɛnaa lɛa, n din lɛ n Izirayeli a Lawa lɛa. Yoo, n dɔlɔ bɔ kɛa tɔrɔ kooron kɛn ganaa. N baran makara bɔ kɛa minin kɛn-a wa. Boɛ̃ a bɔ minin li wole baraan manɛ. *Doa.

Loen 86:14

Lawa, din-koalin nə́ yoo ma gialaa, min babaraan nə́ n lɛ kaa kun, ǹ nə́ giɛ maa gɛ̀ li, ǹ ba n yiri koɛ nsɛ Lawa din li wa.

Izayii 53:5

Sɛnɛ, wɔ dinin siɛ̃n taman yii ni, ǹ nə́ dɛ ǹ nə́ busu da a ganaa. Wɔa sii baraan taman yii, ǹ nə́ yɔyɔrɛ. Dɔlɔ mɛn bɛ́ là nyantoro koe wɔ la bɛ na á mɛ asɛ la. A busulɛn taman yii, wɔsɛn man kakabaa yii.

Zeremii 12:6

Sonbore, n tanlɛ minin laanka n sumu lɛ minin dinin manə n yiri siɛ̃. Maǹ nə n lɛ dii n ganaa. Ta maǹ boo diɛ n nɛ sɔnbɔraanɛ, n nyan nə n foo doa ǹ ganaa wa.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Matiə 26:57

Min mɛnɛn bɛ́ ǹ nə́ Yezu kũ, ǹ nə́ woo ne wúlu-bɔlen kiã Kayifu a piɛ, landa sii-daraalin laanka Zuifun goledɛnan kɔsɔn nə wo n lɛ sɔkɔn bǎã mɛn nɛ.

Matiə 27:35

Ǹ nə́ dere gɔn ganaa, ǹ nə́ n pã a mɔnaan ganaa, ǹ nə́ tɔ́n nə ǹ gii kɔn.

Matiə 7:6

Ka bɛ́ màn *yoreen mɛn koɛ Lawa nɛ, ka baran bɛ kɔ gin minbuiinin kɛn la, n kiɛ̃ n nə ǹ yaa n bɔyɛɛ ka dinin wɔ̃wɛ̃ wa. Ka baaran kaa bɔlɔ-a ǹ gii kaa tán birii minbuiinin kɛn giulun, n kiɛ̃ n nə ǹ yaa tɔtɔrɛ ǹ gòãn li wa.

Marki 15:24

Bɛ kio, ǹ nə́ dere gɔn ganaa, ǹ nə́ n pã a mɔnaan ganaa bɔrɔ, màn mɛn bɛ́ toɛ didie ná a wɔ gii dɔ̃, ǹ tɔ́n nə ǹ gii kɔn.

Luku 23:23

Sɛnɛ, zaman lɛ nə́ n laa Pilati ganaa ka lɛ-dɛ gigiã nɛ, mà a Yezu lɛ dere gɔn ganaa. Ǹ pàã nɔmaa á la nɛ.

Luku 23:33

Ǹ bɛ́ ǹ nə́ dɔ minin dɛ ǹ bǎã lɛ nɛ, ǹ nə́ bíi ǹ dinin bɔlɔ nɛ mà "Mìi Pán", ǹ nə́ Yezu dere walan kun ka basaã-kɔle min paa kɛ lɛ nɛ, goon ná a gusin, goon ná a gɔsɛ.

Zaã a sɛ́wɔ 19:23

Sɔraasin lɛn bɛ́ ǹ nə́ Yezu dere gɔn ganaa ǹ nə́ nya ǹ mɛn waáraa, ǹ ná a mɔnaan goa ǹ nə́ ǹ tala kɔn wɔlɔ sii, didie wɔ n ka a wɔlɔ goon ne. A gialakun na á goã a dɔnkɛ sasa kɛ lɛa, nimii bǎã ba a ganaa wa, a na á n tã gɔ́ɔ̃ goon, a saa a lon ganaa a da a tán-a yaa.

Zaã a sɛ́wɔ 19:34

Sɛnɛ, sɔraasin giĩ lɛ goon nə́ fɔ̃ a kolo ganaa ka a sɛmiɛ nɛ, yǎa mà laanka mu soo a nɛ a din bǎã-n gɔrɔ.

Zaã a sɛ́wɔ 19:37

Lawa a boo paǹ kɔ́n dɔ á pii doo mà ǹ min mɛn lɛ fɔ̃, mà ǹ tá re yii.

Zaã a sɛ́wɔ 20:25

Kialandɛnaa gialakunun lɛn nə́ tɔ́n pɛ nɛ: «Wɔsɛn nə́ Dɛnaa yɛ!» Sɛnɛ, Toomaa mà ǹ ganaa: «Bɛ̀ masɛ kiɛ lɛn kɛn yɛ a gɔn tìsì-n wa, bɛ̀ man gòon wɔ kiɛ lɛn kɛn nɛ wa, bɛ̀ man gɔn wɔ a kolo kɛ dɔ nɛ wa, ma a wɛɛ la wa!»

Zaã a sɛ́wɔ 20:27

Bɛ kio, á tɔ́n pɛ Toomaa nɛ: «N gòon wɔ kànaa n ga ma gɔnɔn lɛn ganaa, n gɔn wɔ ma kolo lɛ dɔ nɛ n ga a ganaa. Goleemalibaã kɛ lɛ da, n goleemali wɔ!»

Filipi minin 3:2

Min mɛnɛn bɛ́ sii bɔnɛɛ zɛnɛɛ, ka n yiri kɔ ǹ li, bɛa ginin kɛn, ǹsɛn mɛnɛn bɛ́ zoɛ̃ mà yǎa ǹsɛn nə màn kuri gɔ̀nɔn ganaa!

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.