Loen 2:2 - LAWA A BOO SONBORE

² Kanaa lɛ a kiin nə́ n lɛ kaa kun, a min dadaran lɛn nə́ yoo Dɛnaa Lawa gialaa, kun ka a kii kɛ nɛ, á bɔ á koa.

LAWA A BOO SONBORE 2011

² Kanaa lɛ a kiin nə́ n lɛ kaa kun, a min dadaran lɛn nə́ yoo Dɛnaa Lawa gialaa, kun ka a kii kɛ nɛ, á bɔ á koa.

Loen 2:2 ပူးပေါင်းရင်းမြစ်များ

Loen 110:5

Dɛnaa lɛ tá kunun n ni, bɛ̀ a foo yoo ǹ mɛn pinaa, á re kiin yɔyɔrɛ.

Loen 2:10

Haya! KIIN lɛn, ka yiri yɛ kanna kəni. Kanaa a pàãdɛnan lɛn, ka toa ka doroo ma.

Loen 45:7

N kiibaa lɛ n Lawa wɔ kɛ miã lɛa yǎa duduu. N din nə n minin lɛn nyɛɛnaan boe ka peperebaa nɛ.

Loen 48:4

Lawa din nə Siɔn lɛduə̃ ǹ bǎãn kɛn nɛ, a din nə tamaɛ ka pàã gole ne.

Loen 48:5

Á ke, kiin nə́ da kɔn nɛ, ǹ nə́ kaa kun ǹ nə́ daa Siɔn gialaa.

Loen 74:18

Dɛnaa Lawa, n yiri koa kɛ nɛ, mà zɔ́ɔn nə́ sɔ kɔ n ganaa. Tɔrɔ gàãnaa kɔn yaa wɔ n ganaa.

Loen 74:23

N yiri baran bɔ n zɔ́ɔn giĩbaa ǹ lɛ-dɛ kɛ-n wa, ǹ baraabaraa a lɛ-dɛn kakan kɛn, ǹ nə́ ǹ zɛnɛɛ, nyɛɛ n nɛ.

Loen 83:6

Ǹ nə́ kɔn yɛ, ǹ nə́ n lɛ kaa kun, ǹ nə́ n lɛ kɔ kɔn la, n zaman kɛ lɛ gialaa.

Loen 89:20

Ǹ kɔn pinaa, ń nə́ n din nyaa, ń boo da n lɛ-silin man kɛnɛn: Má n dɔ giĩ foo taãnaa kɔn lɛ, má tɔntɔraa goon mìi saa lon, maa zaman lɛ bii.

Suusun 21:30

Minbuiin nɛ a sii-doɛ̃, a yiridɛnaabaa, ka a taasiɛn ba màn kɔn lɛa Dɛnaa Lawa yɔrɔ-a wa.

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Matiə 2:16

Erɔdi bɛ́ á dɔ̃ mà doɛ̃ wolen lɛn ná asɛ bebele, a foo yoo parsiini. Á tɔ́n pɛ minin manɛ, mà ǹ wo Bɛtlehɛmu laanka a lɛkoro-an kiwin ni. Mà nɛginin mɛn din tumaa bɛ́ á dɔ lɛ̀ paa, hinlaa ta a na nyaabaa lɛ̀ paa ganaa, mà ǹ bɛ tumaa dɛ, a giala doɛ̃ wolen lɛn boo lɛ a diɛ lɛ̀ paa n ke Erɔdi ni.

Matiə 26:3

Bɛa biikoo li, Lawa a wúlu-bɔlen goledɛnan laanka Zuifun goledɛnan kɔsɔn nə́ woo n lɛ sɔkɔn wúlu-bɔlen kiã Kayifu a sumu-n,

Matiə 26:59

Lawa a wúlu-bɔlen goledɛnan laanka kiri-kurulin gialakunun tumaa ga Yezu biɛ kɔ ǹ gɔn li, haalɛ ta a din ni kɔkɔrɔ lɔn, màn mɛn bɛ́ toɛ, ǹ dɛ a gã.

Matiə 27:1

Baayɛlɛ yiisoon ne, Lawa a wúlu-bɔlen goledɛnan tumaa nə́ n lɛ kaa kun ka Zuifun goledɛnan kɔsɔn nɛ, mà maǹ die Yezu dii a gã.

Luku 13:31

Bɛa biikoo li *Fariziɛ̃n kɔnɔn nə́ n mɔrɔ Yezu ganaa, ǹ nə́ pɛ nɛ mà a woo a n bɔ kànaa, a giala kii Erɔdi n giɛ li a dɛ a gã.

Zaã a sɛ́wɔ 1:41

a na á kiɛ̃ á woo dɔ a din dɔɔ̃n Simɔn lɛ li bɔrɔ á pɛ nɛ mà ǹsɛn nə́ Minin Nyin-sili lɛ yɛ (ǹ dinin bɔlɔ nɛ: mà Masia, bɛ giala mà Krita.)

Zaã a sɛ́wɔ 15:23

Min mɛn bɛ́ masɛ biɛ zɔ́ɔ, bɛa dɛnaa n masɛ a Díi dɔ biɛ zɔ́ɔ.

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Nya ǹ dín 9:4

Á boo-diɛ lɛ ma pii ni: «Sooli, wàa na á baa n tá fuu nyɛɛ masɛ nɛ.»

Ebrəə 1:9

Peperebaa n kɔɔ̃nɛ n ganaa, n ba sii baraa li wa. Bɛ lɛ na á toa, Lawa lɛ, n Lawa lɛa, bɛ nə́ n soɛ kɔ n miãn tumaa nɛ. Á zɔ́n nyɔɔ kaa n mìi ni, á n bɔ á n koa kii lɛa.» Bǎã kɔsɔ dɔ n pii: