Loen 19:9 - LAWA A BOO SONBORE

⁹ Dɛnaa Lawa a minin doroo ǹ boon lɛn man pepere, ǹ tá min foo kɔɔ̃n koe. Dɛnaa Lawa a dí-pɛ lɛ n ka tɛ fúlu ni, a tá min yiri fúli.

LAWA A BOO SONBORE 2011

⁹ Dɛnaa Lawa a minin doroo ǹ boon lɛn man pepere, ǹ tá min foo kɔɔ̃n koe. Dɛnaa Lawa a dí-pɛ lɛ n ka tɛ fúlu ni, a tá min yiri fúli.

Loen 19:9 ပူးပေါင်းရင်းမြစ်များ

Siin Giala 22:12

Dɛnaa tɔ́n pɛ nɛ: «N baran n gɔn da nɛginin lɛ ganaa wa. N baran sii kɔ́n zɛnaa-n wa. Ma á doɛ̃ sisia, máa n tá nyɛ́ɛbiɛ masɛ Lawa nɛ. A giala, n nə n piã ka n nɛgiĩ goon toto lɛ a kɔ masɛ la-n wa.»

Siin Giala 42:18

A lɛawaa sɔɔbaa ǹ wɔ pinaa, Zozɛfu tɔ́n pɛ ǹ nɛ: «Ka bɛ́ re sii mɛn zɛnɛɛ ka tɔn la, bɛ ǹ ka kɛ nɛ. Ma á nyɛ́ɛ biɛ Lawa nɛ.

Kiin1 18:12

Sɛnɛ, ma bɛ́ re kiɛ̃ man bɔ n li lɔn gɔrɔ, táa Dɛnaa Lawa yiri n die n siɛ a wo n ne n wooǹ bǎã nɛ, bǎã mɛn bɛ́ masɛ n ma ba doɛ̃ wa, bɛ̀ má pɛ Akaabu ni, máa n tá kànaa, yǎa Akaabu kiɛ̃ a da bǎã kooro yaa, a n masɛ nyín boe. A da yaa a kũ maa tenmaa ganaa, man nyɛ́ɛ biɛ Dɛnaa Lawa yii ni.

Nehemii 5:15

Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

Loen 10:5

A din yii li, asɛ wɔ n bǐɛ̃ koe biikoo tumaa li. Lawa a kiri kurii ke lon walan, bɛ wɔlɔ á sɔsɔɔ asɛ ganaa, a na a zɔ́ɔn kɛn tumaa diɛ yaa lɛa.

Loen 111:10

Sii-doɛ̃ nə n giala koe ka nyɛ́ɛ baa Dɛnaa Lawa yii-n ni. Min mɛnɛn tumaa bɛ́ zɛnɛɛ miɛ̃, bɛn man sii-dɔ̃li taãnan lɛa. Gugurubaa n Dɛnaa Lawa wɔ lɛa yǎa duduu.

Loen 115:13

á re barka diɛ a nyɛ́ɛbaama-n wolen ganaa, a bɔnboɛɛnɛn nɛ, ka a dadaran nɛ.

Loen 119:1

Min mɛnɛn tɔ wɔ ǹ gɔn bɛ́ pepere, ǹ nə́ tɔ we á n kɔnpii ka Dɛnaa Lawa a landa boon kɛn nɛ, Lawa á re barka diɛ bɛn ganaa.

Loen 119:106

Masɛ nə́ n lɛ kɔ, máa man die koe n sii yɔrɔ bɔ ǹ boo peperen kɛn lɛ. Ma màn mɛn pɛ, man die a lɛ piɛ̃.

Loen 119:111

N gɔn waa ma-n boon kɛn man maa naforo lɛa yǎa duduu. Ǹ dinin lɛn man ma foo kɔɔ̃n koe.

Loen 119:142

N peperebaa lɛ n goɛ̃ yǎa duduu, n landa boon lɛn man taãn lɛa.

Loen 119:39

Ma bɛ́ nyɛ́ɛ biɛ sɔ mɛn nɛ, bɛ nyɛnaa n bɔ ma li. A giala, n din a sii yɔrɔ bɔn lɛn man siĩni.

Loen 119:62

Man yui làan bɛ̀ ma barka da n nɛ, n sii yɔrɔ bɔ ǹ boo peperen kɛn lɛa.

Loen 119:7

Bɛ̀ ma á n darɛɛ n boon kɛn ganaa, n sii yɔrɔ bɔ ǹ boo peperen kɛn ganaa, ma á re barka diɛ n nɛ, ka ma foo tumaa nɛ.

Loen 119:75

Dɛnaa Lawa, ma á doɛ̃ máa n sii yɔrɔ bɔ ǹ boon lɛn tá pepere. N goã ń nɔmaa mɛn da ma mìi ni, ma á doɛ̃ máa sonbore tá n lon.

Loen 12:7

Dɛnaa Lawa a boon lɛn man taãn lɛa. Maǹ ka wɔrɔ mɛn bɛ́ ǹ nə́ da tɛ-n, ǹ nə́ giɛ a taãnbaa ganaa, á fu kɔ yǎa gunyin sɔbaa.

Loen 147:19

A din na a boo nyɛɛ Zakɔba tɔrɔn manɛ. A na a landan laanka a dí-pɛn koe Izirayeli minin la.

Loen 36:1

LOE-saalin goledɛnaa loe mɛn lɔ. Dɛnaa Lawa a dí-nyali Davida a loe.

Loen 36:6

Dɛnaa Lawa, n kɔn-narɛɛ gole lɛ n woe yǎa lon, n bǐɛ̃ duduu lɛ n woe yǎa labaran ganaa.

Bɔ bɛ̀rɛbaa nɛ 21:1

Lawa mà sii zɛnaa ǹ gɔn kɔsɔn nə́ ke, a n siĩni a ǹ pɛ Izirayeli nɛnyaanan manɛ:

Suusun 8:13

Sii baraa tìĩ a bɔ ma nyin ni, n nyɛɛbaa Dɛnaa Lawa yii-n lɛa. Din koa nɛ, bɔlɔ baraa nɛ, sii bɔbɔnɛɛ laanka soɛ nɛ, bɛn tìĩ n boe-n ma nɛ.

Izayii 26:8

Sonbore, Dɛnaa Lawa, n bɛ́ ń zii mɛn nyaa wɔ nɛ, wɔ n koe lɛ, wɔ foo n doa nɛ n din ganaa. Sii mɛn bɛ kɔɔ̃n wɔ ganaa, wɔ n tɔ bɔ, wɔ n taasɛ ka n din ni.

Izayii 45:19

Ma boo durii da wɔlɔ tì li tán paǹ kɔn ganaa wa. Ma pɛ Zakɔba tɔrɔn manɛ máa ǹ ga ma li ǹ dinin mìi gialaa wa. Boo mɛn bɛ́ pepere, masɛ Dɛnaa Lawa n bɛ pii, màn mɛn bɛ́ sonbore lɛa, man bɛ boo diɛ.

Nya ǹ dín 10:22

Minin lɛn ná a lɛ si: «Wɔsɛn lɛn man wɔ́ daa Kɔrnɛyi a dí ganaa, Kɔrnɛyi mɛn bɛ́ sɔraasin goledɛnaa lɛa, a n pepere, a n Lawa guguru koe kun ka Zuifun ni, a tɔ sonbore dɔ n boe ne ǹ tumaa bii. Lawa a lon a dia dí-a wole goon na á nyaa Kɔrnɛyi ni, mà a doamaa nɛ a lɛ dia Piɛrɛ la a kion, siin mɛnɛn nə n zɛnaa, á die n too koe bɛn li Piɛrɛ lɛ lon.»

Rɔmu minin 11:22

N yiri kɔ sii màn paa kɛ li: Lawa a bǐɛ̃baa kɛ laanka a kakaarɛbaa kɛ nɛ. A n kakaarɛ a piãman wolen ganaa, a n bǐɛ̃ zɛnɛɛ nsɛ dɔ nɛ. Sɛnɛ, yǎa n goɛ̃ bɛa bǐɛ̃ kɛ lɛ nɛ, bɛ bie wa, á re n dɔ kuri a n daa.

Rɔmu minin 2:2

Wɔ́ dɔ̃ mà min mɛnɛn bɛ́ bɛa siin kɛn zɛnɛɛ, mà á pepere, Lawa kiri kuru ǹ la.

Timəə dí-pɛn 4:8

Tɔrɔn mɛnɛn bɛ́ gigiã ka wɔ bɛ́ lɔn, ǹ mɛn a landa boon laanka a sii yɔrɔ bɔ ǹ boon man pepere ka dí-pɛn kɛn tumaa bɛ́ lɔn, ma á ǹ pii ka yii-n pelo?

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.

Sii-nyaan 16:7

Má lɛn goon ma boe wúlu bɔ Lawa ganaa ǹ bǎã genli, a n pii: «Hiĩ, Dɛnaa Lawa Pàãyiidɛnaa, n kiri-kuru ǹ yɔrɔn kɛn tá taãnɛ, ǹ nə́ pepere dɔn!»

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»

Samayeli1 12:24

Sii kɔsɔ banban, ka nyɛ́ɛ baa Dɛnaa Lawa yii ni, ka a guguru kɔ ka bɔlɔgoondɛnaabaa nɛ, ka ka foo din tumaa nɛ. A giala Dɛnaa Lawa sii dadaran mɛnɛn zɛnaa ka nɛ, ka ga bɛ-a dɛ!