Loen 19:13 - LAWA A BOO SONBORE

¹³ Die na a din a sã doɛ̃? N die n maa sãn toa ma nɛ.

LAWA A BOO SONBORE 2011

¹³ Die na a din a sã doɛ̃? N die n maa sãn toa ma nɛ.

Loen 19:13 ပူးပေါင်းရင်းမြစ်များ

Siin Giala 20:6

Lawa tɔ́n pɛ nɛ a din narɛɛ lɛ nɛ: «Masɛ dɔ á doɛ̃, máa n nə́ n zɛnaa ka gɔ́ɔ̃ fubaa nɛ, ma dinmaa lɛ dɔ n man kurəə wɔ masɛ lon ganaa. Bɛ lɛ nɛ, ma toa ń nə́ n mɔrɔ lɔ lɛ-a wa.

Zɔbu 34:32

Mà asɛ bɛ́ a tɔn màn mɛn dɔ̃ wa, mà Lawa din bɛ nyaa asɛ nɛ. Mà bɛ̀ asɛ sii baraa zɛnaa lɛlɛ, mà asɛ a tii a ganaa doo wa.

Loen 11:7

A giala Dɛnaa Lawa á pepere, sii pepere n kɔɔ̃n-a. Min peperen lɛn man die yii, yii laanka yii.

Loen 119:133

Ma foo taã ka n lɛ kɔ ǹ boon kɛn nɛ, n nyan toa sii baraa kɔn boo ma la wa.

Loen 18:23

Má n yiri koa a dí-pɛn lɛn li, man piã ka a dùũ siin kɛn nɛ wa.

Loen 7:10

Min baraan kɛn baraabaa nyaa. N dɔ min peperen kɛn lɛ! A giala, n din nə minbuiin nɛ a taasiɛ doɛ̃, ka a gɔ́ɔ̃gɔ́ɔ̃ ǹ wɔ nɛ. N din lɛ n Lawa pepere lɛa.

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Bɔ bɛ̀rɛbaa nɛ 21:14

Sɛnɛ, bɛ̀ min foo busu ǹ miã li, á ga li, á dɛ ka yiri ni, ta bɛa gɛ̀-dɛle kɛ lɛ na á n duru *wúlu bɔ ǹ bǎã nɛ, ǹ bɔ walan ǹ dɛ, a gã.

Lawa a wúlu-bɔlen 4:13

Bɛ̀ Izirayeli zaman lɛ tumaa na á sã á sii baraa zɛnaa, Dɛnaa Lawa a gɔn waa ǹ boon bɛ́ pii mà ǹ baran sii mɛn tumaa zɛnaa wa, bɛ̀ ǹ nə́ bɛa goon dinsɔɔ̃ zɛnaa, haalɛ ta ǹ dɔ̃ wa, ǹ zɛ̀rɛ nɛ.

Lawa a wúlu-bɔlen 4:2

A pɛ Izirayeli minin lɛn manɛ: Dɛnaa Lawa a gɔn waa ǹ boon bɛ́ pii mà ka baran sii mɛn tumaa zɛnaa wa, ta min na á sã á bɛa goon dinsɔɔ̃ zɛnaa, ǹ dɛnaa na á sii baraa zɛnaa. Bɛa yɔrɔ bɔ ǹ gɔn nə́ ke:

Lawa a wúlu-bɔlen 4:22

Bɛ̀ goledɛnaa na á sii baraa zɛnaa, Dɛnaa Lawa mɛn bɛ́ a Lawa lɛa, bɛa gɔn waa ǹ boon lɛn bɛ́ pii mà ǹ baran sii mɛn tumaa zɛnaa wa, ta a na á sã á bɛn goon dinsɔɔ̃ zɛnaa, a zɛ̀rɛ nɛ.

Lawa a wúlu-bɔlen 4:27

Bɛ̀ gána lɛ a min kɔsɔ mɛn na á sã á sii baraa zɛnaa, Dɛnaa Lawa a gɔn waa ǹ boon lɛn bɛ́ pii mà ǹ baran sii mɛn tumaa zɛnaa wa, bɛ̀ a na á sã á bɛn goon dinsɔɔ̃ zɛnaa, a zɛ̀rɛ nɛ.

Nya ǹ dín 24:16

Bɛ lɛ nɛ ma tá n doɛ ma á dí nyɛɛ, màn mɛn bɛ́ toɛ, ma foo baran ma zɛ̀rɛ baa Lawa laanka minbuiinin yɔrɔ-a wa.

Piɛrɛ2 2:10

Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

Samayeli1 25:39

Davida ma, mà Naabaali gã, á tɔ́n pɛ: «Barka tá Dɛnaa Lawa ganaa, a giala, Naabaali bɛ́ á ga ma lɛ li, Dɛnaa Lawa din na á bɔ maa lɛ-a, á ná a bɛ̀rɛgiĩ kurəə sii baraa zɛnaa ganaa. Dɛnaa Lawa na á toa Naabaali a baraabaa lɛ kũ a din mìi ni.» Davida minin dia mà ǹ wo pɛ Abigayili ni mà asɛ n giɛ li a saa lɔ lɛa.