Loen 19:11 - LAWA A BOO SONBORE

¹¹ Ǹ sii á min kuĩ á la sana nɛ, ǹ nə́ la sana sonbore gigiã nɛ. Ǹ tá kɔɔ̃nɛ ǹ nə́ la zoo ne, zoo mɛn din bɛ́ ǹ nə́ bɔ sisia.

LAWA A BOO SONBORE 2011

¹¹ Ǹ sii á min kuĩ á la sana nɛ, ǹ nə́ la sana sonbore gigiã nɛ. Ǹ tá kɔɔ̃nɛ ǹ nə́ la zoo ne, zoo mɛn din bɛ́ ǹ nə́ bɔ sisia.

Loen 19:11 ပူးပေါင်းရင်းမြစ်များ

KZS2 19:10

Bɛ̀ ka Izirayeli minin man nə́ bɔ ǹ giã ǹ kiwin ni, ǹ nə́ daa sii yɔrɔ bɔ ka li, bɛa sii lɛn boe la a n woe gɛ̀ dɛ paǹ li, dí-pɛn nɛ, gɔn waa ǹ boon ne hinlaa landa boon. Biikoo tumaa li, ka ǹ doroo, ka zii nyaa ǹ nɛ. Ka bɛ nɛ, ǹ ba re siɛ̃ ǹ wɔ Dɛnaa Lawa lon, a foo yoo ka li hinlaa ka dɔɔ̃nɔn lɛn li wa. Bɛ̀ ka zɛnaa miɛ̃, zɛ̀rɛ re ka kuĩ wa.

Loen 119:103

N lɛ kɔ ǹ boon lɛn tá kɔɔ̃n ma lɛ-n parsiini. Ǹ tá paparɛ ma lɛ-n ǹ nə́ la zoo ne.

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Loen 119:72

N landa boon kɛn tá soɛ masɛ gɔn á la wɔrɔ laanka sana duu damata nɛ.

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Suusun 24:14

A din yii goon ne ka sii-doɛ̃ nɛ, n doamaa nɛ n dɔ̃. Bɛ̀ n bɛ yɛ, n biɛ̃ ǹ tá re bǐɛ̃ koe, n foo sii a re ziziɛ̃ wa.

Suusun 29:18

Bɛ̀ sii-nyaan banban wa, zaman nə n gɔn boe a din-a. Min mɛn bɛ́ koe dí-pɛn lɛ, bɛ foo á re kɔɔ̃n koe!

Ezekieli 3:3

Á tɔ́n pɛ ma nɛ: Nsɛ minbuiin a nɛ, ma sɛ́wɔ-munii mɛn lɛ kɔ n la, n din too ka bɛ nɛ, n kã. Ma bɛ́ soɛ̃, a na á goã kɔɔ̃n ma lɛ-n ka zoo bɛ́ lɔn.

Matiə 3:7

ZAÃ bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?

Matiə 6:18

màn mɛn bɛ́ toɛ, minin baran dɔ̃ mà n nə́ n lɛ sɔɔ wa. N Di Lawa mɛn bɛ́ bǎã durii ni, bɛ lɛ dinsɔɔ̃ n die doɛ̃. Asɛ mɛn bɛ́ sii-duriin doɛ̃, a din lɛ n die n sarɛɛ.

Matiə 6:4

Màn-gɔ n siĩni a goã durii ni. Ka Di Lawa mɛn bɛ́ sii-duriin doɛ̃, bɛ lɛ á die ka sarɛɛ.

Matiə 6:6

Bɛ̀ ka tá li ka Lawa nyankɔ, ka wɔ kaa kion, ka kiɛnlɛ tã ka dinin lɛ. Ka Di Lawa mɛn bɛ́ bɛa bǎã durii lɛ nɛ, ka bɛ lɛ nyankɔ walan, bɛ mɛn bɛ́ sii-duriin doɛ̃, a din lɛ n die ka sarɛɛ.

Nya ǹ dín 20:31

Ka n dinin kũ, ka n yiri koa a nɛ, lɛ̀ sɔɔ gɔ́ɔ̃ nɛ, penleen laanka tèlò ne, mà masɛ má n gɔn waa ka gogoonmaa nɛ, ka yii mu-n dinin.

Korɛnti1 4:14

Ma bie ma sɛ́wɔ kɛ miã dia ka la, ma á sìi diɛ ka ganaa wa. Sɛnɛ, man má dia ka la, man ka doree, ka ma din a nɛnyaanan bɛ́ lɔn ma nə́ ǹ narɛ.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Ebrəə 11:26

Lawa bɛ́ re a din a min mɛn boe diɛ, Muizu ga a ganaa, mà asɛ tɔ ziziɛ̃ bɛa lɛa, mà bɛ á naforo gole lɛa á la Ezipti gána a naforon kɛn manɛ, a giala, a yii na á goã doa-n saraa kɛ la.

Zaaki 1:25

Sɛnɛ, bɛ̀ min mɛn nə́ n yii wɔ Lawa a minin doroo ǹ boo lɛ piɛ̃ kɛ-n taãn-taãnɛ, bɛ mɛn bɛ́ wɔ boe sii ni, bɛ̀ n dɛnaa nə́ n doa a ganaa ka a parsiini, a bɛ́ boo mɛn miɛ, bɛ̀ a yiri á goɛ̃ bɛ nɛ, á n tɔ we á kɔnpii ni, Lawa á die barka we bɛa dɛnaa nɛ a nya ǹ dín gɔ́ɔ̃ nɛ.

Zaã2 1:8

Ka n yiri kɔ ka dinin li, màn mɛn bɛ́ toɛ kaa tɛ̀fuu giɔ̀mɔ baran papaã wa, sɛnɛ, ka kaa saraa lɛ piɛ̃maa yɛ.

Sii-nyaan 14:13

Má tɔ́n lɛn goon ma boe lon pii ma nɛ: «Kɛ kiɛ̃: A saa sisia ganaa, min mɛnɛn bɛ́ giɛ̃ Dɛnaa a dí-nyɛɛ gɔ́ɔ̃ nɛ, bɛn foo á re kɔɔ̃n koe!» Lawa a Yiri Fu tɔ́n pɛ: «Hiĩ, taãnɛ. Ǹ tá re n susui ǹ dí kaka nyɛɛ kɛ a lɛa, a giala ǹ sii mɛn tumaa zɛnaa, á kɔ ǹ lɛ.»