Loen 18:29 - LAWA A BOO SONBORE

²⁹ Taãn nɛ, n din nə toɛ ma yii á koo. Dɛnaa Lawa, maa Lawa, n din nə wɔlɔ fúlu boe ma nɛ.

LAWA A BOO SONBORE 2011

²⁹ Taãn nɛ, n din nə toɛ ma yii á koo. Dɛnaa Lawa, maa Lawa, n din nə wɔlɔ fúlu boe ma nɛ.

Loen 18:29 ပူးပေါင်းရင်းမြစ်များ

Samayeli2 22:30

Man die woe zia-baalin gialaa ka n din pàã nɛ. Man die boe ǹ la ka maa Lawa pàã nɛ.

Samayeli2 5:25

Dɛnaa Lawa màn mɛn laa Davida ganaa, Davida zɛnaa miɛ̃. Á boo la á Filisiti minin lɛn dɛ, a saa Gebaa kiwi ganaa yǎa Gezɛɛrɛ kiwi lɛkoro-a.

Zɔbu 29:3

A din a bolon kɛ bɛ á goã ma mìi la, má goã tɔ we bɛ lɛ a fúlu li tèlò-n.

Loen 144:1

Davida a loe. Maa barka á Dɛnaa Lawa ganaa. A din nə ma tamaɛ, a din nə ma darɛɛ ziabaa ganaa, a din nə pàã koe ma la zia la.

Loen 144:10

N din nə gɔ̀lɔ̀baa koe kiin la, n din nə Davida kirisibiɛ,

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Kolɔɔsi minin 2:15

Bɛa yɔrɔ kɛ lɛ la, Lawa na á lon màn pàãdɛnan laanka a goledɛnan pàã nya. A na á sìi da ǹ ganaa buə̃buə̃ ne, á ǹ kũ ka kòso nɛn bɛ́ lɔn, á ǹ kaa kun ka zaman kɛ nɛ, woe gɔ̀lɔ̀baa ǹ da-zii we a Nɛgiĩ ni.

Sii-nyaan 3:21

«Min mɛn bɛ́ re gɔ̀lɔ̀ biɛ, ma á re lɛ koe la, a giã kun ma nɛ maa kii dankan nɛ, ka ma dɔ bɛ́ má gɔ̀lɔ̀baa yɛ, má woo giã maa Díi li a kii dankan nɛ lɔn.

Samayeli1 17:49

Davida nə́ n gɔn wɔ a takoo ne fufuu, á kɔlɔ goon bɔ, á da baragii ni, á Filisiti min lɛ dɛ a nyanlɛ ganaa. Kɔlɔ lɛ ná a nyanlɛ lɛ wuru á kaa nɛ. Á nɔmaa á bɔ, á n yɔrɔ kɔ tán lɛ.

Samayeli1 23:2

Davida nɔ̀n da Dɛnaa Lawa la: «Ma doamaa nɛ ma wo Filisiti minin kɛn gialaa? Ma á die boe ǹ la?» Dɛnaa Lawa ná a lɛ si mà a woo, mà a tá re boe Filisiti minin lɛn la, a Kelaa kiwi si a da.

Samayeli1 30:8

Davida nɔ̀n da Dɛnaa Lawa la kɛnɛn: «Bɛ̀ masɛ sɔraasin kɛn kio loo, ma á die doe ǹ ganaa?» Dɛnaa Lawa pɛ nɛ: «Ǹ kio loo. N tá re doe ǹ ganaa n nə minin lɛn si, n nə ǹ kaa.»