Loen 18:27 - LAWA A BOO SONBORE

²⁷ Bɛ̀ min mɛn nə́ n gɔ́ɔ̃ kaa n nɛ, n dɔ nə n gɔ́ɔ̃ kiɛ bɛa dɛnaa nɛ. Sɛnɛ, bɛ̀ min mɛn nə́ n gɔ́ɔ̃ tii n-a, n dɔ nə ǹ dɛnaa kuĩ a gɔ́ɔ̃ tìbaa li.

LAWA A BOO SONBORE 2011

²⁷ Bɛ̀ min mɛn nə́ n gɔ́ɔ̃ kaa n nɛ, n dɔ nə n gɔ́ɔ̃ kiɛ bɛa dɛnaa nɛ. Sɛnɛ, bɛ̀ min mɛn nə́ n gɔ́ɔ̃ tii n-a, n dɔ nə ǹ dɛnaa kuĩ a gɔ́ɔ̃ tìbaa li.

Loen 18:27 ပူးပေါင်းရင်းမြစ်များ

Samayeli2 22:28

Min mɛnɛn bɛ́ n dinin gisĩ, n nə n bɛa dɛnan kirisibiɛ. Min mɛnɛn bɛ́ n dinin gole koe, n nə n bɛa dɛnan gisĩ.

Loen 10:4

Min baraa nə n din gole koe, a ba giɛ Lawa li wa. A taasiɛ tumaa n ka kɛ nɛ: mà Lawa banban.

Loen 101:5

Min mɛn bɛ́ n duri, ǹ miãn tɔ ziziɛ̃, ma tá re barka boe bɛa dɛnaa-n ka lenlen. Min mɛn bɛ́ n din gole koe, a n giɛ ǹ miãn-a màn kooron lɛa, ma ba boe la ma bɛa dɛnaa a sii si ma ganaa wa.

Loen 17:10

Makara kɔn ba ǹ foo-n wa. Ǹ boo tumaa din koa ǹ boo.

Loen 17:13

Dɛnaa Lawa, n din yoo n nə n da ǹ lɛ, n nə ǹ dɛ n nə ǹ kaa tán. N din ma kirisibaa zɔ́ɔn lɛn ganaa, ka n gɔya sa kɛ nɛ.

Loen 34:19

Min mɛnɛn foo bɛ́ ziziɛ̃ nɛ, Dɛnaa Lawa wɔlɔ á kunu bɛn ganaa. Min mɛnɛn bɛ́ n gɔ́ɔ̃ bii, Dɛnaa Lawa n bɛn kirisibiɛ.

Loen 34:6

Nɔmaa-wɔlen mɛnɛn nə n yɔrɔ dia la, bɛn tá re n nyɛnyɛɛ, sìi ba re ǹ kuĩ wa.

Loen 40:17

Min mɛn tumaa bɛ́ giɛ n li, bɛn die ǹ nyɛnyɛɛ gole wɔ n din a lɛa. Min mɛnɛn bɛ́ n narɛ ǹ kirisibaa taman yii, bɛn die ǹ pɛ biikoo tumaa li, mà Dɛnaa Lawa á gole.

Loen 9:18

Toa min baraan kɛn tumaa wo geren piɛ, tɔrɔ mɛn tumaa yiri á ke á bɔ ka Lawa nɛ.

Suusun 30:12

«Min tɛnɛn man taasɛ mà sɔ̀n ba ǹsɛn ganaa wa, a da yaa ǹ gɔ̀ pii ǹ nə́ bɔ ǹ dinin ganaa wa.

Izayii 10:12

Sɛnɛ, bɛ̀ Dɛnaa nya a dín kɛn ganaa *Siɔn kele la ka Zeruzalɛmu ni ǹ mɛn waáraa, á re yui Asiiriin kii gialaa, a din gole kɔ laanka a din koa kɛ taman yii.

Izayii 3:9

Ǹ yɔrɔ gɔ́ɔ̃ din nə ǹ zɛnaa ǹ siin nyɛɛ. Ǹ ba ǹ sii baraan duri wa, maǹ nə ǹ pii ǹ lɛ-a ka Sodɔmu minin wɔ bɛ́ lɔn. Koe n ka kɛ nɛ, maǹ bɔ̀n yɔrɔ boe ǹ dinin wɔ lɛa.

Izayii 57:15

Min mɛn bɛ́ ǹ ná a guguru koe ǹ ná a laakalɛɛ, a ná a tan duduu, a tɔ n "Sonbore", a bɛ́ boo mɛn pii á ke: Man giã-n bǎã sonbore ne, lon sɔsɔɔ, Sɛnɛ, man kun ka nɔmaa-wolen dɔn nɛ, ka foo ziziɛ̃ wolen ne. Man yiikoonaabaa koe nɔmaa-wɔlen la, ka foo ziziɛ̃ wolen ne.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Korɛnti2 8:9

A giala, ka á wɔa Dɛnaa Yezu *Krita a bǐɛ̃baa ǹ gɔn doɛ̃: asɛ mɛn bɛ́ pàãma lɛa, á n din baa doobaa lɛa kaa lɛa, a boo la a kasɛn baa pàãman lɛa, ka a doobaabaa lɛ nɛ.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.