Loen 18:2 - LAWA A BOO SONBORE

² Dɛnaa Lawa, ma tá n narɛ, n din nə ma pàã lɛa.

LAWA A BOO SONBORE 2011

² Dɛnaa Lawa, ma tá n narɛ, n din nə ma pàã lɛa.

Loen 18:2 ပူးပေါင်းရင်းမြစ်များ

Samayeli2 22:3

Lawa n ma tamaali lɛa, man kiɛ a din yele. A din nə maa goóro lɛa, a din pàã kɛ n ma kirisibiɛ. A din nə maa baa si a duru ǹ bǎã lɛa. E, ma kirisibaali, ń ma kanbaa min kakaarɛn kɛn ganaa.

Loen 116:1

Dɛnaa Lawa sii á kɔɔ̃n ma ganaa, a giala a tá maa gòã-kũ sii.

Loen 132:17

Ma á re Davida tɔrɔ koɛ kii lɛa walan, pàã ná a lon. Ma kii mɛn bɔ má koa, ma á re a kio koɛ. Man die biɛ ka bólon bɛ́ lɔn, kuĩ miɛ̃.

Loen 144:2

A din nə maa dàã lɛa, ma gòãn doa ǹ bǎã kaka nɛ. A din nə ma tamaɛ, a din nə ma boe sii ni. Maa goóro ne, ma nə n duri a din li. A din na á tɔrɔ kɔsɔn kɛn kaa maa pàã giulun.

Loen 19:14

Ka bɛ dɔ nɛ, ma kanbaa din gole-kɔlen kɛn ganaa, n nyan toa ǹ boo ma la wa. Bɛ lɛ n die toɛ maa sii lɛ pã, bɛ lɛ n die ma kanbiɛ sii baraa gole ganaa.

Loen 28:1

Davida a loe. Aa Dɛnaa Lawa, ma nə n lɛ dii n din li. Ma foo doa ǹ bǎã kaka, n baran n too tã maa boo li wa. Bɛ̀ ń nə́ n piã n ma lɛ si wa, n ma yaa kiɛ̃ n biɛ ka gere bɛ́ lɔn.

Loen 59:11

Maa Lawa mɛn a minin narɛ bɛ́ gole, bɛ á re die ma li, á re toɛ ma maa zɔ́ɔn yɛ fɔ̃ gɔ́ɔ̃ nɛ.

Loen 62:2

Man boe la ma goã là nyɛɛ la kun ka Lawa dinsɔɔ̃ nɛ, maa kirisibaa n boe a din li.

Loen 62:7

A dinsɔɔ̃ n ma tamaali lɛa, ma bɛ́ boe la ma kirisibaa bǎã mɛn nɛ. Màn kɔn ba re bìn diɛ ma ganaa duduu wa.

Loen 75:10

Masɛ wɔ paǹ li kəni, man die Zakɔba a Lawa kɛ laakalɛɛ biikoo tumaa li, bɛ̀ má n loe loe, a tɔ boe ne.

Loen 91:2

bɛ á boe la a pɛ Dɛnaa Lawa-n kɛnɛn: N din nə maa duru ǹ bǎã lɛa, man kiɛ n din yele, maa Lawa nə n nɛ, ma foo n doa nɛ n ganaa.

Loen 91:4

Á re n tamaɛ a din li, n tá re duru ǹ bǎã yii a din li, ka koon nɛ bɛ́ n duri koo dan nyàa giulun lɔn. A din a kɔn-narɛɛ gole kɛ á re goóro biɛ n síã, a n tamaa.

Bɔ bɛ̀rɛbaa nɛ 15:2

Ma pàã laanka maa zia gii-dali n ka Dɛnaa nɛ. A din na á ma kirisibaa. A din nə maa Lawa lɛa, man die a din tɔ boe. Ma digolon Lawa nɛ, man die a tɔ a golebaa kɛ pii.

Suusun 18:10

Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

Suusun 2:7

A nə n doe min peperen lɛ. Min mɛnɛn giã ǹ gɔn bɛ́ pepere, a nə n koe ǹ siã, a ǹ tamaa ka goóro bɛ́ lɔn.

Izayii 32:2

Didie n die goɛ̃, ka duru ǹ bǎã bɛ́ lɔn piɛ̃ giulun, ka kion bɛ́ lɔn la giulun, ka mu bɛ́ lɔn diə ne, ka gɛ̀fu gole wúlu bɛ́ lɔn, sɛ̀fuu gána nɛ.

Zeremii 16:19

Dɛnaa Lawa, n din nə ma pàã lɛa. N nə n ma tamɛɛ ka n pàã gole kɛ nɛ. Koe biikoo li, n din nə maa duru ǹ bǎã lɛa. Tɔrɔn tá re boe kanaa lɛ dan ganaa, ǹ da n li, ǹ pɛ: «Wɔ digolon man nə́ soɛ dinsɔɔ̃ ma, sii kooron mɛnɛn bɛ́ là ba ǹ ganaa wa.

Ebrəə 2:13

Á pɛ doo: «Man die n foo doɛ Lawa din ganaa.» Ka bɛ dɔ-n doo: «Ma á ke, n din Lawa minin mɛnɛn kɔ ma la, ma laanka bɛn manɛ.»