Loen 18:15 - LAWA A BOO SONBORE

¹⁵ Á kiɛ kaã bɔ, á zɔ́ɔn kɛn pɛsɛ̃, á paparaa, á ǹ sasawaa.

LAWA A BOO SONBORE 2011

¹⁵ Á kiɛ kaã bɔ, á zɔ́ɔn kɛn pɛsɛ̃, á paparaa, á ǹ sasawaa.

Loen 18:15 ပူးပေါင်းရင်းမြစ်များ

Samayeli2 22:16

Dɛnaa Lawa bɛ́ á gini, a foo bɛ́ á busu á la yii ni, á tàn mu piɛ̃, á kanaa giala da kanaa.

Kiin2 19:7

Á ke, ma á die taasiɛ we Asiirii gána a kii lɛ yiri ni, á re boo miɛ, a n bɔyaa a wo a gána nɛ, bɛa boo lɛ taman yii. Ma á re toɛ a gɔya gɛ̀ wɔ a din a gána nɛ.»

Zɔbu 36:32

A na a tɛ-pɛ lɛ guĩ a gɔn, a saa a dia a woo ǹ bǎã nɛ.

Zɔbu 4:9

Bɛ̀ min sii zɛnaa á Lawa foo yoo, bɛ n bɔ̀n biɛ. A foo-yoo lɛ n bɛ dii.

Loen 104:5

N din nə́ ń tán giala wɔ a bǎã nɛ, a ba n boe a bǎã-n wa.

Loen 106:9

Á paraa Sawɛɛ tà lɛ li, á laa. Á toa ǹ nə́ tɔ wɔ nyankɔrɔ zuzulun ni, ka n pɛ mà don gɔ́ɔ̃ nɛ.

Loen 144:6

Paraa maa zɔ́ɔn kɛn li, n nə ǹ sasawaa kɔn. N kiɛn kɛn dia ǹ la, n nə ǹ kaa baa ganaa.

Loen 74:15

N din nə ń mu yalan kɛn fɔ̃, ka pɛrɛn kɛn nɛ. Pɛrɛn mɛnɛn bɛ́ ǹ mu a piɛ̃ duduu wa, ń bɛn mu piɛ̃.

Loen 76:6

Zia-baali dadaran kɛn mànan tumaa nə́ n si ǹ la, gɛ̀ nyuù nə́ ǹ saa. Bɛa zia-dɔ̃li sonboren kɛn lɛn nə boo la ǹ nə sii kɔn zɛnaa wa.

Loen 77:18

Labaran nə́ ǹ mu kaa tán la, la a giniin nə́ bɔ ǹ bii, la a tɛ-pɛn nə́ bɔ, ǹ nə́ woo paǹ tumaa ganaa.

Loen 92:10

Dɛnaa Lawa, n zɔ́ɔn kɛn kaa, n zɔ́ɔn kɛn man die bɔ̀n biɛ, baraa-zɛnaalin kɛn tumaa á re sasawɛɛ.

Bɔ bɛ̀rɛbaa nɛ 15:8

N din lɛ gɔ́ɔ̃ ǹ piɛ̃ a kakabaa na á mu lɛ goa á sɔkɔn, mu baa-sili lɛ nə́ n kurəə, á golee ka kungɔn bɛ́ lɔn, mu lɛ golee bǎã goon ne tà lɛ gɔ́ɔ̃ nɛ.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Zeremii 31:37

Dɛnaa Lawa n kɛ pii: «Bɛ̀ min boo la á lon a wo lon zɔɔ̃, á tán a zuzulubaa zɔɔ̃, ma dɔ á re Izirayeli minin tii, ǹ sii baraan taman yii!» Dɛnaa Lawa a da ǹ boo ne.

Zonaasi 2:6

Nyankɔrɔ zuzulu lɛ a mu ma da bii, kɔ̀ buun nə́ n pɛnɛ ma mìi ganaa.

Misee 6:2

Kelen lɛn, ka n too kɔ Dɛnaa Lawa a foo busu ǹ boo li, kasɛn dɔn, tán giala wɔ ǹ bǎã kakan kɛn, ka n too kɔ. A giala, Dɛnaa Lawa na a foo busu ǹ boo diɛ a zaman nɛ, a laanka Izirayeli minin lɛn man kɔn.

Zakarii 9:14

Ka bɛ-n kəni, Dɛnaa Lawa n die yui lon ǹ mìi la, a kiɛ kɛ wo ka la a tɛ pɛ bɛ́ lɔn. Dɛnaa Lawa n die bɛn pii, a wo nyɛɛnɛ ka labara nɛ, boe gusin a lɛ̀gɔn la.

Samayeli1 7:10

A Samayeli toa wúlu màn lɛ tiɛ̃, Filisiti minin lɛn nə́ n wɔlɔ kunu kɔ Izirayeli minin ganaa ka zia nɛ. Sɛnɛ bɛa pinaa kɛ lɛ nɛ, Dɛnaa Lawa yoo Filisiti minin lɛn gialaa ka la a paraa gole ne. Á nyɛ́ɛ da ǹ ganaa, Izirayeli minin lɛn nə́ boo ǹ la.