Loen 17:3 - LAWA A BOO SONBORE

³ N din bɛ́ ń ma gɔ́ɔ̃ gɔsɛ, tèlò-n, ń ga maa sii ganaa, ń nə́ n da ma gɔ́ɔ̃ li, n bɛ́ n màn kɔn yɛ ma-a wa. Ma màn mɛn taasɛ, maa da ǹ boo kiɛ̃ bɛ la wa.

LAWA A BOO SONBORE 2011

³ N din bɛ́ ń ma gɔ́ɔ̃ gɔsɛ, tèlò-n, ń ga maa sii ganaa, ń nə́ n da ma gɔ́ɔ̃ li, n bɛ́ n màn kɔn yɛ ma-a wa. Ma màn mɛn taasɛ, maa da ǹ boo kiɛ̃ bɛ la wa.

Loen 17:3 ပူးပေါင်းရင်းမြစ်များ

Zɔbu 23:10

A da yaa, a din tá masɛ a kiɛ̃ ǹ zii doɛ̃. Bɛ̀ á maa sii giala gɔsɛ, man die soe a-n *yoreen ka sana bɛ́ lɔn.

Zɔbu 24:14

Gɛ̀-dɛle lɛ n yui baayɛlɛ yiisoone, a nɔmaa-wɔle doobaa kɛ lɛ dɛ. Tèlò-n, a nə n din biɛ wurumu lɛa.

Loen 11:5

Dɛnaa Lawa n min pepere a sii gɔsiɛ. Min baraa nɛ, ka kakaarɛbaa bɛ́ kɔɔ̃n min mɛn ganaa, a n bɛn biɛ zɔ́ɔ.

Loen 119:106

Masɛ nə́ n lɛ kɔ, máa man die koe n sii yɔrɔ bɔ ǹ boo peperen kɛn lɛ. Ma màn mɛn pɛ, man die a lɛ piɛ̃.

Loen 139:1

LOE-saalin goledɛnaa loe mɛn lɔ. Davida a loe n ke. Dɛnaa Lawa, n din nə ń ma gɔ́ɔ̃ gɔsɛ, n maa sii tumaa dɔ̃.

Loen 139:23

Lawa, ma gɔsɛ, n ma gɔ́ɔ̃ dɔ̃. N da ma gɔ́ɔ̃ li, n maa taasiɛ dɔ̃.

Loen 16:7

Ma á barka diɛ Dɛnaa Lawa nɛ. A din lɛ n ma doree. Haalɛ tèlò-n, maa taasiɛ n boo diɛ ma nɛ.

Loen 26:2

Dɛnaa Lawa, n din maa sii gɔsɛ, n zɔɔ̃ n ga a ganaa, maa taasiɛ laanka ma gɔ́ɔ̃gɔ́ɔ̃ ǹ sii gɔsɛ n ga a ganaa.

Loen 39:1

LOE kɛ n boe loe-saalin goledɛnaa Yedutun a sɛ́wɔ nɛ. Davida a loe ne.

Loen 66:10

Lawa, n nə́ n da wɔ gɔ́ɔ̃ li, n *gɔ̀ bɔ wɔ ganaa, ka ǹ bɛ́ wɔrɔ yoe ǹ gɔ̀ bɔ a ganaa lɔn.

Loen 7:4

Dɛnaa Lawa, maa Lawa, maǹ pii mà ma zɛ̀rɛ nɛ. Bɛ̀ má zɛnaa ka ǹ bɛ́ pii lɔn, bɛ̀ ma din gɔn kɛ sii la sonbore,

Suusun 13:3

Min mɛn bɛ́ yiri boe a din a da ǹ boo li, a nə nyin tamɛɛ. Sɛnɛ, min mɛn bɛ́ boo sawɛɛ, nɔmaa n die bɛ yii.

Zeremii 12:3

Sɛnɛ, Dɛnaa Lawa, ń tá ma doɛ̃, ń yii tá ma-a. Ń tá doɛ̃ ma man kunun n ni ka ma foo din tumaa nɛ. Min baraan kɛn kaa para-a ka sèren bɛ́ lɔn, ǹ nə́ woe ǹ bɔlɔ kuri. Ǹ kaa ǹ gɔrɔn dɔlɔ pinaa kɛ taman yii!

Zeremii 50:20

Bɛa biikoo li, bɛa pinaa kəni, ǹ tá re giɛ Izirayeli a sãn li, sɛnɛ ǹ ba re màn kɔn yii wa. Ǹ tá re giɛ Zudaa a sãn li, sɛnɛ ǹ ba re màn kɔn yii wa. A giala, min mɛnɛn yii bɛ́ re goɛ̃ koo, ma á re bɛn sãn toɛ ǹ nɛ. Dɛnaa Lawa a da ǹ boo ne.

Ozee 7:6

Ǹ bɛ́ re sii ti mɛn zɛnɛɛ, maǹ bɛ yɔrɔ boe. Maǹ ka kùsì tɛ bɛ́ lɔn. Tèlò-n, ǹ foo n wɛɛ, baayɛlɛ, a n yui, ka tɛ gole bɛ́ lɔn.

Misee 2:1

Min mɛnɛn bɛ́ n taasɛ ka sii kokooro zɛnaa nɛ, bɔ̀n na á bɛn yɛ. Min mɛnɛn bɛ́ sii baraa zɛnaa a taasiɛ we ǹ waa ǹ piì la, bɔ̀n na á bɛn yɛ. Bɛ̀ wɔlɔ fúlu lɔn, maǹ yui ǹ nə ǹ sii zɛnaa, a giala a zɛnaa ǹ pàã tá ǹ lon.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Malakii 3:2

A daa ǹ lɛawaa kɛn die kuu biɛ die ne. Bɛ̀ á soo ka yɔrɔ-a, min tá re boe la a golee lon a gòãn la? A n ká fɔlɔ yole a tɛ bɛ́ lɔn ka sɔmaa damɛɛ á ke lɔn.

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 16:9

Tèlò kɔ́n nɛ, Pooli yii màn kɔ́n yɛ: Masedoanɛ gána min goon ne, á n din nyaa nɛ golee-n lon, a ná a nyankoe kɛnɛn: «Da Masedoanɛ, n nə n dɔ wɔsɛn lɛ.»

Korɛnti1 4:4

Maa taasiɛ a sii kɔ́n diɛ ma mìi-n wa, sɛnɛ, bɛ dɔ bie nyɛɛ, mà ma sii kɔ́n zɛnaa duduu wa. Maa kiri-kuruli n ka Dɛnaa dinsɔɔ̃ nɛ.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Zaaki 3:2

Wɔ tumaa á siɛ̃ yɔrɔ gigiã la. Min mɛn bɛ́ a siɛ̃ a da ǹ boo gɔ́ɔ̃-n wa, bɛa dɛnaa a minbuiinbaa lɛ na á pã, á boe la a n din kũ ka sii tumaa nɛ.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.

Samayeli1 24:10

Davida pɛ Sayulu ni: – Min mɛnɛn bɛ́ pii, mà á ke, mà Davida n giɛ li a sii baraa zɛnaa n nɛ, wàa na á baa, n tá n too koe ǹ lon?

Samayeli1 24:12

Maa díi, ga koɛ, ga n dɔnkɛ lɛkoro ganaa ma gɔn. Màn mɛn toa, má boo la má n dɔnkɛ lɛkoro kuru, má n ma n dɛ dɔn wa, a yɛ n dɔ̃ foaãnɛ, piã laanka sii baraa zɛnaa ba masɛ gɔ́ɔ̃-n wa. A yɛ n dɔ̃ dɔn, mà masɛ sii la n la wa. N din ni zoɛ̃ masɛ nyin li, mà n bɔ.

Samayeli1 26:11

Dɛnaa Lawa min mɛn bɔ á koa, Dɛnaa Lawa die a ma kanbaa bɛa dɛ ganaa! Sɛmiɛ̃ mɛn bɛ́ a mìi wɔlɔ li, bɛ laanka mu tɔn lɛ sɛ saa, wɔ n tan.»

Samayeli1 26:23

Dɛnaa Lawa die a didie saraa a kɔnpɛ ka a peperebaa laanka a bɔlɔgoondɛnaabaa nɛ. Dɛnaa Lawa na á goã á n wɔ ma gɔn pelo, sɛnɛ, Dɛnaa Lawa min mɛn bɔ á koa, má n piã, man gɔn da bɛ ganaa wa.