Loen 15:5 - LAWA A BOO SONBORE

⁵ A giɔ̀mɔ diɛ min ganaa a ga là li wa. A màn sii min la a zɛ̀rɛbaãnaa da sii-n wa. Min mɛn bɛ́ zɛnɛɛ miɛ̃, ǹ dɛnaa a sii kɔn ba talɛɛ wa.

LAWA A BOO SONBORE 2011

⁵ A giɔ̀mɔ diɛ min ganaa a ga là li wa. A màn sii min la a zɛ̀rɛbaãnaa da sii-n wa. Min mɛn bɛ́ zɛnɛɛ miɛ̃, ǹ dɛnaa a sii kɔn ba talɛɛ wa.

Loen 15:5 ပူးပေါင်းရင်းမြစ်များ

Loen 106:3

Min mɛnɛn bɛ́ dí-pɛn tamaɛ, ǹ nə́ sii pepere zɛnɛɛ biikoo tumaa li, Lawa á re barka diɛ bɛn ganaa.

Loen 112:6

Màn kɔn ba re bìn diɛ bɛa dɛnaa ganaa wa. Yiri a boe ka min pepere-n duduu wa.

Loen 16:8

Man Dɛnaa Lawa koɛ ma yɔrɔ-a biikoo tumaa li. A din bɛ́ giã-n ma li, màn kɔn ba re bìn diɛ ma ganaa wa.

Loen 55:22

A lɛ gɔ́ɔ̃ ǹ boo n parɛparɛ ka zoo ne, sɛnɛ, zia na a gɔ́ɔ̃ nɛ. A boon lɛn man suusuu, ǹ nə́ la nyɔɔ nɛ, sɛnɛ, minin fɔ ǹ gɔyan manɛ.

Bɔ bɛ̀rɛbaa nɛ 22:24

«Bɛ̀ ka giɔ̀mɔ da ka miã doobaa ganaa, ka baran zɛnaa nɛ ka giɔ̀mɔ-dali gialakunun wɔ bɛ́ lɔn wa. Ka baran pɛ mà a da saraa ka là-n wa.

Bɔ bɛ̀rɛbaa nɛ 22:25

Bɛ̀ min ná a dɔnkɛ gole kɔ n la, á màn si, mà asɛ á re n sarɛɛ a tɔn si, ka kɔ la bɛ̀ wasa baa miɛ̃.

Suusun 10:30

Sii sonbore-zɛnaali a mɛnɛɛ duduu wa. Sɛnɛ, min mɛn bɛ́ sii baraa zɛnɛɛ, bɛ ba re giɛ̃ gána lɛ-n wa.

Suusun 12:3

Min mɛn bɛ́ sii baraa zɛnɛɛ, a gòã á tán wa. Sɛnɛ, sii sonbore zɛnaa wole gòã n we-n tán, bìn ba n diɛ a ganaa wa.

Suusun 15:27

Min mɛn bɛ́ baa sii wɔrɔ kio, a n koe lɛa a kion ganaa. Sɛnɛ, min mɛn bɛ́ a lɛ koe lɛ pii ǹ màn ganaa wa, á re nyin sasa yii.

Izayii 33:15

Min mɛn bɛ́ sii sonbore zɛnɛɛ, a n peperebaa boo diɛ, bɛa dɛnaa a lɛ koe kakaarɛbaa ǹ màn ganaa wa, a nə n dɔ̀ɔ̃ we lɛ pii wolen manɛ, bɛ̀ ǹ tá gɛ̀ dɛ boo diɛ, a nə n too tiɛ̃. A nə n yii tiɛ̃ màn mɛn bɛ́ toɛ, a yii nyan sii baraa yɛ wa.

Ezekieli 18:17

A sii kɔkɔrɔ zɛnɛɛ wa, a giɛ là li wa, a là baraa boe wa. A n koe maa sii yɔrɔ bɔ ǹ boon laanka maa landa boon kɛn lɛ. Bɛa dɛnaa kɛ lɛ a re giɛ̃ ǹ di a sii baraa zɛnaa taman yii wa. Sàabaa ba la wa, a yii á re goɛ̃ koo.

Ezekieli 18:27

Bɛ̀ min baraa dɔ ná a baraabaa toa walan, bɛ̀ á kɔ sii a zii lɛ, á peperebaa ǹ sii zɛnaa, a yii á re goɛ̃ koo.

Ezekieli 18:8

A ba giɔ̀mɔ diɛ a ga là li wa, a ba là babaraa boe wa. A ba sii kɔkɔrɔ zɛnɛɛ wa, bɛ̀ á sii yɔrɔ boe minin bii, a na a yɔrɔ boe ka peperebaa nɛ.

Ezekieli 22:12

N kiwi kɛ nɛ Zeruzalɛmu, minin man lɛ koe ǹ lɛ pii ǹ màn si, ǹ gɛ̀ dɛ. Maǹ giɔ̀mɔ diɛ ǹ nə́ giɛ là babaraa li, maǹ mɛnɛɛ ǹ miãn la, ǹ nə́ giɛ màn li. Sɛnɛ, ǹ yiri n boe ka ma dinmaa kɛ nɛ! Ma din Dɛnaa Lawa a da ǹ boo ne.

Misee 7:3

Ǹ gɔn bɛ́ yui sii mɛn a zɛnaa li, baraa nɛ. Goledɛnaa a bǐɛ̃ zɛnɛɛ kooro wa, yǎa màn. Sii yɔrɔ-bɔle a sii yɔrɔ boe kooro wa, yǎa là. Min gole a boo diɛ kooro wa, yǎa a din dùũ sii. Maǹ nə́ n lɛ kiɛ kun ǹ sii baraa zɛnaa.

Matiə 26:15

á pɛ ǹ nɛ: «Ka n lɛ koe ka wàa kɔ masɛ la, ma Yezu kɔ ka la?» Ǹ nə́ wɔrɔ we pɔsɔɔ nimi ǹ nə́ kɔ la.

Zaã a sɛ́wɔ 13:17

Ka bɛ́ bɛ doɛ̃ kanna, ka kɔ lɛ, ka foo á re nyɛɛ.

Timəə dí-pɛn 16:19

Ka nyan toa ka sii yɔrɔ bɔ ǹ gɔn ziziɛ̃ wa. Ka nyan bɔnbii-a wɔ wa, ka nyan toa min ka lɛ pii ka màn nɛ wa. A giala, lɛ pii ǹ màn nə sii-dɔ̃lin yii tiɛ̃, a min peperen kaa boo kɔkɔrɔ diɛ ganaa.

Timəə dí-pɛn 23:21

Ka á boe la ka giɔ̀mɔ da tii ganaa ka ga là li. Sɛnɛ, bɛ̀ ka dinin dɔɔ̃n nɛ, ka nyan toa ka bɛ zɛnaa wa, màn mɛn bɛ́ toɛ, ka bɛ́ re we gána mɛn lɛ nɛ, ka si ka baa kaa wɔ lɛa, kaa Lawa, Dɛnaa Lawa boo la, a barka da kaa nya ǹ dí din tumaa ganaa walan.

Samayeli1 12:3

Ma á ke! Bɛ̀ má sii kɔn la, ka ma biɛ kɔ Dɛnaa Lawa yɔrɔ-a, ka kii kɛ nɛ Dɛnaa Lawa din bɔ. Man má die a dii hinlaa a dundun si la? Man má mɛnaa die la hinlaa man má bɔ die yii ni? Die na á masɛ lɛ pii, má kiɛ̃ ǹ dɛnaa sii la? Ka pɛ, ma á sarɛɛ.»