Loen 15:3 - LAWA A BOO SONBORE

³ A ba min tɔ baraa pii wa, a ba sii baraa zɛnɛɛ ǹ miãn man wa, a ba ǹ miã tɔ pɔpɔsɛ wa.

LAWA A BOO SONBORE 2011

³ A ba min tɔ baraa pii wa, a ba sii baraa zɛnɛɛ ǹ miãn man wa, a ba ǹ miã tɔ pɔpɔsɛ wa.

Loen 15:3 ပူးပေါင်းရင်းမြစ်များ

Suusun 22:10

Yaa-wɔli loo, zia á re nyɛɛ. Zia laanka sɔ-kɔ a re yii doo wa!

Suusun 25:3

Lon a sɔsɔɔbaa ba n doɛ̃ wa, tán a zuzulubaa dɔ ba n doɛ̃ wa, a din yii goon ne, kiin dɔn foo ba n doɛ̃ wa.

Izayii 56:2

Maa boon kɛn máa ǹ diɛ, min mɛn bɛ́ koe ǹ lɛ ka a parsiini bɛa dɛnaa á re foo kɔɔ̃nbaa yii. Ǹ dɛnaa á re foo kɔɔ̃nbaa yii taãn-taãnɛ, asɛ mɛn bɛ́ *susu ǹ pii koɛ, a nə́ n nyɛnɛɛ sii baraa nɛ.»

Lawa a wúlu-bɔlen 19:16

Ka baran n bibiə̃ ka ka dɔɔ̃nɔn tɔ ziziɛ̃ wa. Min dɔ baran ǹ miã zɛ̀rɛ baa kooro, n kiɛ̃ n minin yaa dii wa. Ma din nə Dɛnaa Lawa lɛa.

Matiə 7:12

Ka bɛ́ zoɛ̃ mà ka miãn nə màn mɛn zɛnaa ka nɛ, ka dɔn nə bɛ lɛ miã zɛnaa ǹ dɔn nɛ. Muizu a landa laanka Lawa a boo gii-dalin sɛ́wɔn man pii, yǎa a n zɛnɛɛ miɛ̃.

Rɔmu minin 1:30

ǹ nə́ kɔn tɔ ziziɛ̃. Ǹ ba Lawa narɛ wa, ǹ ba min guguru koe wa. Din gole-kɔlen manɛ, ka din-laakalaalin ni. Maǹ nə n taasɛ biikoo tumaa li, ka sii baraa zɛnaa ǹ gɔn nɛ. Ǹ ba n too koe ǹ yɛ wolen lon wa,

Rɔmu minin 12:17

Bɛ̀ min sii baraa zɛnaa ka nɛ, ka baran a dòo saraa ka sii baraa-n wa. Ka ga sii bǐɛ̃ zɛnaa li min din tumaa yɔrɔ-a.

Rɔmu minin 13:10

Bɛ̀ min mɛn tá ǹ miã kɔsɔ narɛ, a ba sii baraa zɛnɛɛ-n wa. Miã kɔsɔ narɛɛ lɛ n Lawa a dí-pɛn tumaa lɛ piɛ̃ lɛa.

Tiitii 3:2

Mà ǹ nyan boo baraa da min kɔ́n ganaa wa, ǹ nə n bɔ zia wɔlɔ li. A pɛ ǹ nɛ, mà ǹ nə n dinin nyaa yiri koa minin li wolen lɛa, ǹ nə ǹ min basiɛ̃baa nyaa min tumaa wɔ paǹ li biikoo tumaa li.

Zaaki 4:11

Dɔɔ̃nɔn lɛn, ka nyan lɛ pɔrɔ kɔn ganaa wa. Bɛ̀ min mɛn tá lɛ pɔrɛɛ ǹ miã ganaa, hinlaa bɛ̀ á zɛ̀rɛ koɛ a ganaa, bɛa dɛnaa n lɛ pɔrɛɛ Lawa a dí-pɛ ganaa, á n zɛ̀rɛ koɛ a ganaa. A da yaa, bɛ̀ n tá zɛ̀rɛ koɛ Lawa a dí-pɛ ganaa, n bie a tamaali lɛa doo wa, sɛnɛ, a zɛ̀rɛ baali nə n ne.

Zaã3 1:11

Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.

Samayeli1 24:11

N yii yɛ pelo dinin, Dɛnaa Lawa nə n wɔ ma gɔn, yala lɛ nɛ. Ǹ nə́ pɛ mà man dɛ, sɛnɛ, n makara na á ma kũ, ma tɔ́n nə n toa: «Ma ba re n gɔn diɛ maa dɛnaagiĩ ganaa wa, a giala, Dɛnaa Lawa na á n bɔ, á n koa.»