Loen 146:7 - LAWA A BOO SONBORE

⁷ Ǹ bɛ́ boe min mɛn yii ni, a din nə sonbore koe bɛ la. A din nə màn-bii koe bòonaan la. A din nə kòso nɛn sii á ǹ kiɛ.

LAWA A BOO SONBORE 2011

⁷ Ǹ bɛ́ boe min mɛn yii ni, a din nə sonbore koe bɛ la. A din nə màn-bii koe bòonaan la. A din nə kòso nɛn sii á ǹ kiɛ.

Loen 146:7 ပူးပေါင်းရင်းမြစ်များ

Loen 10:18

N din nə sonbore koe nɛ toen la, ka ǹ bɛ́ fuu nyɛɛ min mɛn dɔ nɛ. Bɛ lɛ n die toɛ minbuiin nɛ kooro kɔn ba re boe ǹ miã yii-n doo kanaa kɛ-n wa.

Loen 103:6

Dɛnaa Lawa n peperebaa ǹ siin zɛnɛɛ, ǹ bɛ́ boe min mɛnɛn tumaa yii ni, a din nə bɛn kiri we, a sonbore kɔ ǹ la.

Loen 12:5

Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?

Loen 136:25

A din nə bii boe màn tumaa nɛ, a kɔn-narɛɛ a nyɛɛ duduu wa.

Loen 142:7

N too kɔ doɛ̃, n maa lɛ-dɛ ma, a giala, ma pàã nya á là da. Ma si maa fuu nyaama-n wolen la, a giala, ǹ pàã la ma pàã nɛ.

Loen 35:10

Ka ma foo tumaa nɛ, ma á re pii: máa Dɛnaa Lawa, die n ka n bɛ́ lɔn? N din nə pàãwɛɛnaa sii pàãdɛnaa la, n din nə pàãwɛɛnaa laanka doobaa sii ǹ piɛ̃-bɔle la.

Loen 68:6

Nɛ toenən díi, lɔ giɔɔrɔn dɔmalɛ wole, Lawa lɛ n bɛ lɛa a giã ǹ bǎã sonbore kɛ nɛ.

Loen 68:7

Minin mɛnɛn bɛ́ ǹ nə́ ǹ loo, Lawa n kùsì koɛ bɛn nyɛɛnɛ, a ǹ kũ doɛ̃. A tá ǹ kiɛ a ǹ bɔ kòso-n, a foo kɔɔ̃nbaa kɔ kòso nɛn la. Sɛnɛ, Lawa lɛ-tiilin kɛn, bɛn man goɛ̃ bǎã gere ne.

Loen 72:4

Toa kii lɛ sii sonbore zɛnaa, n din a tɔrɔ lɛ a doobaan manɛ, a n baa ǹ kirisibaali lɛa. Sɛnɛ, min mɛnɛn bɛ́ mɛnɛɛ doobaan la, toa a bɛn dɛ.

Loen 9:16

Tɔrɔ kɔsɔn nə nyankɔrɔ mɛn fɔ̃, ǹ dinin nə́ bɔ ǹ nə́ kaa a nɛ. Ǹ biɛ mɛn koa, á ǹ dinin kũ.

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Izayii 9:4

Zɔ́ɔn gòã ganaa ǹ kɔsɔn kɛn bìn diɛ tán ganaa, ka mɔnaan kɛn nɛ mà lɛa, bɛn tá re n zuĩ tɛ buə ne tɛ á re ǹ tumaa kuĩ.

Zeremii 31:14

Ma á re siĩ nyɔɔnaa gigiã koe Lawa a wúlu-bɔlen la, ma màn sonbore gigiã kɔ maa zaman la. Dɛnaa Lawa a da ǹ boo ne.

Malakii 3:5

Hiĩ! Dɛnaa Lawa Pàãyiidɛnaa pɛ: – Ma á re die ka bii ni ma kiri wɔ ka ganaa. Ma á re siɛ lɛlɛ ma zɛ̀rɛ koa kɔ́lɔnbaalin-a, naarɛbaalin ni, min mɛnɛn bɛ́ ǹ ba koe ǹ lɛ kɔ ǹ bɔlɔ lɛ wa, min mɛnɛn bɛ́ mɛnɛɛ dí-nyali la a sara paǹ li, min mɛnɛn bɛ́ mɛnɛɛ lɔ giɔɔrɔ laanka nɛ toen la, hinlaa ǹ nə́ mɛnɛɛ tiin la ka min mɛn tumaa bɛ́ ǹ ba nyɛ́ɛ biɛ masɛ yii-n wa.

Luku 1:53

A n die bòonaan gɔn piɛ̃ ka naforo ne, a gɔn màndɛnan loo, ǹ wo ka ǹ gɔn kooro ne.

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Luku 9:17

Minbuiin lɛ màn bii yǎa ǹ tumaa kã. Màn-bii giala mɛn goã, kialandɛnan nə́ bɛ goa, ǹ nə́ woo ne kankaan fulupaa nɛ.

Nya ǹ dín 16:26

Bǎã goon ne, tán nə́ bìn da ka pàã gole ne, yǎa kion lɛ a gòã yii bìn da. Kiɛnlɛn lɛn tumaa nə́ n bũ a din bǎã-n gɔrɔ, fɔlɔ biɛn mɛnɛn bɛ́ kòso nɛn lɛn-a, bɛn nə́ na.

Nya ǹ dín 5:19

Sɛnɛ, tèlò-n, Dɛnaa a lon a dia dí-a wole goon nə́ kòso kion lɛ a kiɛnlɛ bũ, á ǹ waa á ǹ kaa, á pɛ ǹ nɛ: