Loen 146:5 - LAWA A BOO SONBORE

⁵ Sɛnɛ, Zakɔba a Lawa kɛ bɛ́ min mɛn a dɔmalɛ wole lɛa, min mɛn bɛ́ n foo doɛ a Dɛnaa Lawa kɛ ganaa, bɛ wɔ na á bǐɛ̃ kɔ.

LAWA A BOO SONBORE 2011

⁵ Sɛnɛ, Zakɔba a Lawa kɛ bɛ́ min mɛn a dɔmalɛ wole lɛa, min mɛn bɛ́ n foo doɛ a Dɛnaa Lawa kɛ ganaa, bɛ wɔ na á bǐɛ̃ kɔ.

Loen 146:5 ပူးပေါင်းရင်းမြစ်များ

Siin Giala 50:17

mà wɔ pɛ n nɛ, mà n bǐɛ̃ kɔ, n wɔsɛn sii baraa gole kɛ toa wɔ nɛ. Wɔ́ sii la n la sɛn, sɛnɛ, sabara baa, n wɔa sii baraa gole kɛ toa wɔ nɛ. A giala, wɔ di bɛ́ á goã dí nyɛɛ Lawa mɛn nɛ, wɔ dɔn man dí nyɛɛ bɛ lɛ nɛ.» Ǹ bɛ́ ǹ nə́ boo da Zozɛfu-n miɛ̃, á n lɛ da wuu ni.

Loen 144:15

Bɛ̀ bɛa mànan kɛn lɛn tumaa tá tɔrɔ mɛn gɔn, bɛ foo á re kɔɔ̃n koe. Dɛnaa Lawa bɛ́ tɔrɔ mɛn a Lawa lɛa, bɛ wɔ na á bǐɛ̃ kɔ.

Loen 20:8

Kɛn mà ziabaa ǹ wotoron, kɛn mà ziabaa ǹ sùin, sɛnɛ wɔsɛn Dɛnaa Lawa tɔ ke, bɛ lɛ n wɔsɛn lɛ-n.

Loen 33:12

Dɛnaa Lawa bɛ́ tɔrɔn mɛnɛn Lawa lɛa, bɛn wɔ na á bǐɛ̃ kɔ. A bɛ́ á tɔrɔ mɛn a minin bɔ a din wɔn lɛa, á re barka diɛ bɛn ganaa.

Loen 39:7

Sonbore, minbuiin nɛ nə n binbirin boe, a n ka wúlu ni, a beleboe wa. Sonbore a nə n din didii, sɛnɛ kooro ne. A n gɔn màn soekɔn, sɛnɛ, a bɛ́ re min mɛn wɔ biɛ, a bɛ doɛ̃ wa.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 46:7

Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

Loen 46:8

Dɛnaa Lawa Pàãyiidɛnaa tá kun wɔsɛn nɛ. Zakɔba a Lawa kɛ n wɔa duru ǹ bǎã lɛa. Doa.

Loen 71:5

Dɛnaa Lawa, n din nə maa foo doa ǹ bǎã lɛa, ma foo n doa nɛ n din ganaa, a kũ maa boɛɛnmaa ganaa.

Loen 84:12

Sonbore, Dɛnaa Lawa lɛ n wɔlɔ fúli wɔ nɛ ka wasa bɛ́ lɔn, a din dɔ n wɔ tamaɛ. Dɛnaa Lawa din nə bǐɛ̃ zɛnɛɛ, á gugurubaa koe. Min mɛnɛn giã bɛ́ pepere, a n yii-nyɛɛ koe bɛn la.

Loen 84:8

Bɛa minin kɛn lɛn, bɛ̀ ǹ tá woe nyɛɛnɛ ǹ tɔ-wɔ lɛ gɔ́ɔ̃ nɛ, màn nə n miɛ̃ ǹ pàã li, yǎa ǹ woe doe Lawa yɔrɔ-a Zeruzalɛmu.

Bɔ bɛ̀rɛbaa nɛ 3:6

Á pɛ nɛ doo: «Ma nə n digolo a Lawa lɛa, Abrahamu a Lawa lɛa, Izaaki a Lawa lɛa, Zakɔba Lawa lɛa.» Muizu màn kɔ a yɔrɔ lɛ, a giala, nyɛ́ɛ na á goã a ganaa a ga Lawa ganaa.

Suusun 16:20

Min mɛn bɛ́ taasiɛ we sii ganaa a belebɔ nɛ, a sii n bǐɛ̃ koe. Min mɛnɛn bɛ́ n foo doɛ Dɛnaa Lawa ganaa, gɛrɛsiɛdɛnan manɛ.

Timəə dí-pɛn 33:29

Izirayeli minin, kasɛn wɔ bǐɛ̃ kɔ! Dɛnaa Lawa na á tɔrɔ kɔsɔ mɛn kirisibaa ka kasɛn kɛn bɛ́ lɔn? A din nə goóro lɛa ka tamaɛ, a din dɔ n gɔya sa lɛa, pàã koe ka la. Kaa zɔ́ɔn tá re ka bebele ka yɔrɔ yii ni, sɛnɛ, kasɛn tá re tɔ we ǹ dɔ̀ɔ̃ la.»

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.