Loen 145:17 - LAWA A BOO SONBORE

¹⁷ Dɛnaa Lawa a sii tumaa n pepere, a zɛnaa ǹ sii tumaa n siĩni.

LAWA A BOO SONBORE 2011

¹⁷ Dɛnaa Lawa a sii tumaa n pepere, a zɛnaa ǹ sii tumaa n siĩni.

Loen 145:17 ပူးပေါင်းရင်းမြစ်များ

Siin Giala 18:25

Zɛ̀rɛbaãnaa laanka zɛ̀rɛdɛnaa nə n dɛ kun? Haayii dɛ! N din mɛn bɛ́ kiri kuri kanaa minbuiinin tumaa la, n ba re kuri ka peperebaa-n wa?»

Samayeli2 22:31

Lawa din a zii lɛ n pepere, bɛ̀ Dɛnaa Lawa boo mɛn da a n goɛ̃ bɛ-a. A n ka goóro bɛ́ lɔn, min mɛn tumaa bɛ́ kiɛ a yele, a n bɛn tamaɛ.

Zɔbu 34:10

Kasɛn mɛnɛn bɛ́ sii giala miɛ, ka n too kɔ ma lon. Lawa á baraa sonbore? Pàãyiidɛnaa lɛ á kɔkɔrɔ sonbore? Taasiɛ bɔbɔnɛɛ!

Zɔbu 34:12

Haayii, sonbore, Lawa a baraabaa zɛnɛɛ wa. Pàãyiidɛnaa a kiri kɔkɔrɔ we wa.

Loen 103:6

Dɛnaa Lawa n peperebaa ǹ siin zɛnɛɛ, ǹ bɛ́ boe min mɛnɛn tumaa yii ni, a din nə bɛn kiri we, a sonbore kɔ ǹ la.

Loen 112:4

Wɔlɔ tì li, a n tɛ fúlu boe min pepere kɔsɔn manɛ. A n min pepere lɛa, min bǐɛ̃ lɛa, makara doɛ̃ wole lɛa.

Loen 116:5

Dɛnaa Lawa n makara doɛ̃ wole sonbore lɛa. Wɔa Lawa lɛ n makara boe min ganaa.

Loen 50:6

Lon mànan tá a peperebaa kɛ kalɛɛ, kiri-kuruli n ka Lawa nɛ. *Doa.

Loen 89:14

N din nə kaka, n din nə kaka taãn-taãnɛ, pàã tumaa nə́ n lon.

Loen 97:2

Baran laanka wɔlɔ tì biribiri na a lɛnpɛnɛɛ. A kiibaa lɛ giala n we-n peperebaa laanka a dí-pɛn tamaa la.

Izayii 45:21

Ka boo da, ka yii kã siin mɛnɛn nɛ, ka bɛn nyaa. Ka boo nyaa kɔn nɛ. Sii mɛn bɛ́ n zɛnɛɛ sisia, die na á bɛ dɔ̃ haalɛ bibi Die na á bɛ boo da haalɛ bibi Ma din Dɛnaa Lawa bie wa? Lawa kɔsɔ banban masɛ kio wa. Lawa mɛn bɛ́ pepere, a n minin kirisibiɛ, kɔsɔ banban bɛ̀ á n bɔ ma din ni.

Sofonii 3:5

A da yaa, Dɛnaa Lawa tá kunun ǹ ni bɛa kiwi lɛ nɛ, a sii kɔn zɛnɛɛ baraa wa. Baayɛlɛ woo baayɛlɛ, a n kiri pepere we, a nyaabiɛ a zɛnaa ganaa pinin goon wa. Bɛ tumaa kio, min baraan man sii kɔkɔrɔ zɛnɛɛ, sìi ná a ba ǹ kuĩ wa.

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Sii-nyaan 19:11

Má lon yɛ a lɛ n buĩ ni, má tɔ́n sùi fu yɛ bii-a. Min mɛn bɛ́ á dii la, a tɔ n "Bɔlɔgoondɛnaa", ǹ nə́ bíi dɔn mà "Taãnɛ". A n kiri kuri, a n zia biɛ ka peperebaa nɛ.

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»

Sii-nyaan 4:8

Màn yiikoonaa pàãdɛnaa sii lɛ gogoonmaa nyàan man sɔrɔ, yii nàn nə́ ǹ paǹ tumaa ganaa, ǹ nyàa giulun ni ka a kanaa nɛ. Maǹ loe loe baayɛlɛ ka tèlò tumaa nɛ ǹ nə́ pii: N tá sonbore, n tá sonbore, n tá sonbore, wɔa Dɛnaa Lawa Pàãyiidɛnaa mɛn bɛ́ á goã, a ná a tan, a n die die dɔn.