Loen 144:8 - LAWA A BOO SONBORE

⁸ Ǹ bɛ́ boo mɛn diɛ, soɛ nɛ. Maǹ nə n liɛ ǹ gusin nə́ Lawa la, sɛnɛ, ǹ ba koe ǹ da ǹ boo dɔ lɛ wa.

LAWA A BOO SONBORE 2011

⁸ Ǹ bɛ́ boo mɛn diɛ, soɛ nɛ. Maǹ nə n liɛ ǹ gusin nə́ Lawa la, sɛnɛ, ǹ ba koe ǹ da ǹ boo dɔ lɛ wa.

Loen 144:8 ပူးပေါင်းရင်းမြစ်များ

Siin Giala 14:22

Abramu ná a lɛ si á pɛ: «Ma gɔn nə́ ke dia-n lon a Dɛnaa Lawa la, asɛ mɛn bɛ́ á lon laanka tán zɛnaa.

Loen 10:7

A lɛ gɔ́ɔ̃ ǹ boo yii n baraa, soɛ, kakaarɛ, boo ziziɛ̃ laanka boo basaã n soe a lɛ-n.

Loen 106:26

Bɛ lɛ taman yii, Lawa nə́ n gɔn saa lon, á n liɛ, mà asɛ n die ǹ dii don gɔ́ɔ̃ nɛ, ǹ gã.

Loen 12:2

N dɔ ma lɛ, Dɛnaa Lawa! Min sonbore din banban doo wa. Foo doama a wole din ba minbuiinin bii doo wa.

Loen 41:6

Maa zɔ́ɔn man boo baraa diɛ ma ganaa, ǹ nə́ pii: A n die giɛ̃ biĩ a papaã a n bɔ wɔ yɔrɔ-a?

Loen 58:3

Ka n kɔkɔrɔbaa siin zɛnɛɛ woone, ka n baraabaa siin lɛ boe kanaa kɛ gɔ́ɔ̃ nɛ.

Loen 62:4

Ka tumaa n die n lɛ kiɛ kun yǎa biĩ, mà ka n yui min goon gialaa, ka n die, ka ǹ bɛ́ kungɔn talaa wole, hinlaa bìn dii wole die ǹ kaa lɔn?

Izayii 44:20

Màn mɛn bɛ́ ton lɛa, minin kɛn manə n parɛɛ bɛ ganaa. Maǹ sã gɔ́ɔ̃ nɛ, ǹ ba taasiɛ sonbore we wa. Ǹ ba re kanbiɛ wa. Ǹ kɔn ba re pii: «Màn ke ma gɔn, Lawa taãn bie wa.»

Matiə 5:30

Ta n gusin a gɔn nə die n diɛ sii baraa nɛ, a kuru n zũ n bɔ n ganaa. A giala, n bɔ̀n baa n gù goon ne n kirisibaa, bɛ á soɛ n gɔ̀nɔn siĩ din tumaa a wo bɔ̀n baa tɛ-n nɛ.

Timəə dí-pɛn 32:40

Ma nə n gɔn siɛ ma dia lon ma kɛ pɛ: Ma din lɛ yii n koo yǎa duduu!