Loen 140:5 - LAWA A BOO SONBORE

⁵ Dɛnaa Lawa, n nyan toa min baraan kɛn gɔn dɔ ma-a wa. Ma kanbaa min kakaarɛn kɛn ganaa, bɛn mɛnɛn bɛ́ giɛ maa bɔ a daa ǹ gɔn li.

LAWA A BOO SONBORE 2011

⁵ Dɛnaa Lawa, n nyan toa min baraan kɛn gɔn dɔ ma-a wa. Ma kanbaa min kakaarɛn kɛn ganaa, bɛn mɛnɛn bɛ́ giɛ maa bɔ a daa ǹ gɔn li.

Loen 140:5 ပူးပေါင်းရင်းမြစ်များ

Zɔbu 18:9

Kan tá re kuĩ a gòã toro ganaa, biɛ á re kuĩ, a n sɔɔ a ganaa.

Loen 119:110

Min baraan nə́ kan koa ma nɛ. Sɛnɛ, masɛ kanaa má n bɔ n doroo boon kɛn kio wa.

Loen 119:69

Din gole-kɔlen nə́ ma tɔ ziziɛ̃ ka soɛ boon ne. Sɛnɛ, masɛ n koe n doree boon kɛn lɛ, ka ma foo tumaa nɛ.

Loen 119:85

Din-koalin nə́ nyankɔrɔ fɔ̃ ma nyɛɛnɛ, bɛ din bɛ́ a kɔnpii ka n landa boon kɛn nɛ wa.

Loen 142:3

Man maa busii pii a din yɔrɔ-a, man maa nɔmaa nyɛɛ a din yɔrɔ-a.

Loen 31:4

Sonbore, n din nə maa duru ǹ bǎã kaka lɛa, n din nə ma tamaa ǹ bǎã lɛa. N din tɔ a bǐɛ̃-kɔ taman yii, mɛ ma nyɛɛnɛ, n ma nyɛɛnaan bɔ.

Loen 35:7

Ǹ nə́ yala fɔ̃, ǹ nə́ kan koa ma nɛ kooro, maǹ nə́ fɔ̃, ǹ nə́ giɛ mà ǹ ma nyin bɔ kooro.

Loen 36:11

Min mɛnɛn bɛ́ n doɛ̃, n kɔn-narɛɛ gole kɛ nyaa bɛn man miɛ̃ duduu. Min mɛnɛn gɔ́ɔ̃ bɛ́ fu, n bǐɛ̃ kɛ nyaa bɛn man miɛ̃ duduu.

Loen 43:1

Ee Lawa, n din sonbore pɛ n da ma lon. N din bɔ ma lɛ-a, n yoo min kɔkɔrɔn kɛn gialaa. N din ma kanbaa minin-bebeleli laanka gɔ́ɔ̃ tì dɛnaa ganaa.

Loen 57:6

Lawa, n golebaa kɛ nyaa. N golebaa mɛn bɛ́ á la lon ne. Toa n gugurubaa kɛ yɛ. Toa a yɛ kanaa paǹ tumaa ganaa.

Suusun 24:15

Min baraa, n nyan nə n gɔn da sii sonbore zɛnaa wole a kion ganaa wa. N nyan nə n zɔɔ̃ a giã ǹ bǎã kokoo li wa,

Suusun 29:5

Min mɛn bɛ́ ǹ miãn bebele, a n kan koe a din ni.

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Zeremii 18:20

Maǹ bǐɛ̃ sarɛɛ ka baraa nɛ? Maǹ nə́ nyankɔrɔ fɔ̃ mà ma mɛnaa a nɛ. A da yaa, n yiri kɔ, man má golee n din yɔrɔ-a, má boo da n nɛ ǹ dinin bǐɛ̃ kɔ á lɛa màn mɛn bɛ́ toɛ, n nə n foo yoo kɛ wɔlɔ lui ǹ ganaa.

Zeremii 18:22

Zia nɛn kaa ǹ ganaa! Ka bɛ-n kəni, lɛ-dɛ á re boe ǹ kionən ne. A giala, maǹ nyankɔrɔ foɛ̃ ma nyɛɛnɛ, maǹ kan koe ma nɛ.