Loen 139:2 - LAWA A BOO SONBORE

² N tá maa waa tán laanka maa yoo doɛ̃. N din nə n toɛ sɔsɔɔ n tá maa taasiɛ doɛ̃.

LAWA A BOO SONBORE 2011

² N tá maa waa tán laanka maa yoo doɛ̃. N din nə n toɛ sɔsɔɔ n tá maa taasiɛ doɛ̃.

Loen 139:2 ပူးပေါင်းရင်းမြစ်များ

Siin Giala 16:13

Agaara tɔ́n nɔ̀n da a din la kɛnɛn: «Min mɛn yii bɛ́ á masɛ yɛ, masɛ yii bɛa Dɛnaa lɛ yɛ sonbore?» Dɛnaa Lawa mɛn boo da nɛ, á tɔ kɔ a ganaa kɛnɛn: «A n Lawa lɛa, Lawa mɛn yii bɛ́ masɛ ganaa.»

Kiin2 19:27

Sɛnɛ, ma tá n piɛ doɛ̃, n soo ne, ka n wɔ nɛ, ma tá doɛ̃. Bɛ̀ n foo á yoo-n ma li má á bɛ dɔ doɛ̃.

Kiin2 6:12

A sɔraasin nyɛɛnaandɛnaa lɛ goon ná a lɛ si á pɛ: «Maa dɛnaagiĩ kii, min bie wa. Lawa a boo gii-dali Yiliizee mɛn lɛ á ke Izirayeli gána nɛ, bɛ nɛ. N bɛ́ boo mɛn diɛ n waa ǹ kion, Yiliizee tá boe la a bɛ dɔ̃ a pɛ Izirayeli gána a kii lɛ nɛ.»

Loen 44:22

bɛ̀ n tá re foɛ̃ a ganaa ya? N din lɛ n minin gɔ́ɔ̃gɔ́ɔ̃ ǹ taasiɛ doɛ̃.

Loen 56:8

Bɛa sii kɔkɔrɔ kɛ lɛ tumaa kio, maǹ die wusii ǹ la? Lawa, n foo-busii gɔ́ɔ̃ nɛ, minin kɛn dɛ.

Loen 94:11

a tá min tumaa a taasiɛ doɛ̃, á doɛ̃ mà màn kɔn ba a-n wa.

Suusun 15:3

Dɛnaa Lawa yii n bǎã tumaa nɛ, a yii n min baraan ganaa ka min sonboren ne.

Izayii 37:28

Ma tá n giã tán biikoo doɛ̃, n soo laanka n wɔ kion biikoo ne, hinlaa bɛ̀ n foo yoo masɛ li.

Ezekieli 11:5

Dɛnaa Lawa yiri daa ma kũ, á pɛ ma nɛ: – Wo boo kɛ pɛ: «Masɛ Dɛnaa Lawa n kɛ pii: Izirayeli minin lɛn, ka bɛ́ màn mɛn diɛ, ma á miɛ. Sii mɛn bɛ́ ka yiri ni, ma á doɛ̃.

Ezekieli 38:17

Masɛ Dɛnaa Lawa n kɛ pii: «Man má n din lɛ boo da maa dí-nyali Izirayeli a Lawa a boo gii-dalin kɛn manɛ haalɛ bibi. A kũ bɛa biikoo lɛ ganaa, bɛn nə́ n boo da lɛ̀ damata gɔ́ɔ̃ nɛ. Man die n din lɛ diɛ, n wo maa minin lɛn gialaa.

Zakarii 4:10

Doa boɛɛn mɛn nə n wɔ sii giala kɔ waáraa, ka nyan zín bɔ bɛ-n wa. Zorobabeli bɛ́ re Lawa a kion lɛ a doe giala koe, ka doamaa-n ka n nyanyaa. «Bolon sɔbaa kɛ n goon ka Dɛnaa Lawa yiin ni. Maǹ giɛ tán tumaa walan.»

Matiə 9:4

Yezu nə́ ǹ taasiɛ dɔ̃, á pɛ ǹ nɛ: – Wàa na á baa ka tá bɛa taasiɛ naarɛn kɛn we?

Luku 9:47

Yezu bɛ́ á bɛa nɔ̀n-diɛ kɛ lɛ dɔ̃ n gɔ̀nɔn-a, á nɛnyaan goon kũ á da a din li,

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Timəə dí-pɛn 31:21

Bɛ̀ bɔ̀n gigiã laanka nɔmaa dadaran nə́ ǹ yɛ ǹ mɛn waáraa, bɛa loe lɛ á re siére pii ǹ ganaa masɛ wɔ paǹ li. A giala, ǹ nɛnyaanan yiri a re boe ka bɛa loe lɛ a lɔ-n duduu wa. Sonbore ne, masɛ nə n lɛ kɔ ka la ka gána mɛn lɛ a sii ni, a laanɛ masɛ tɔn wo ka kaa walan bɔrɔ wa, sii mɛn a taasiɛ bɛ́ ka gɔ́ɔ̃ nɛ, ma á doɛ̃ pelo dinin gɔrɔ.