Loen 136:16 - LAWA A BOO SONBORE

¹⁶ Á ná a din a minin kũ á don wɔsɔ ǹ nɛ, a kɔn-narɛɛ a nyɛɛ duduu wa.

LAWA A BOO SONBORE 2011

¹⁶ Á ná a din a minin kũ á don wɔsɔ ǹ nɛ, a kɔn-narɛɛ a nyɛɛ duduu wa.

Loen 136:16 ပူးပေါင်းရင်းမြစ်များ

Nehemii 9:12

Ń goã ǹ nyɛɛnaan boe ka tɛmaa bara goon ne penleen ne, ń goã ǹ nyɛɛnaan boe ka tɛ bara goon ne tèlò-n, ǹ doamaa bɛ́ nɛ ǹ kɔ zii mɛn lɛ, á n bɛ fúli ǹ ni.

Nehemii 9:19

Sɛnɛ, n makara gole lɛ taman yii, n nə ǹ toa walan don lɛ-n wa. Penleen ne, tɛmaa bara lɛ goã n niɛ̃ n boe ǹ ganaa wa, á goã ǹ nyɛɛnaan boe zii lɛ la. Tèlò-n tɛ bara lɛ dɔ goã n niɛ n boe ǹ ganaa wa, ǹ doamaa bɛ́ nɛ ǹ kɔ zii mɛn lɛ, á goã bɛ fúli ǹ ni.

Loen 77:20

Ń nə́ n kiɛ̃ ǹ zii bɔ kɔ̀ mu bii, ń bɔ mu zuzulun bii, min kɔn dɔ boo la, á n gòɛ̃ yɛ wa.

Bɔ bɛ̀rɛbaa nɛ 13:18

Lawa zaman lɛ yɔrɔ bɔyaa á dia Sawɛɛ tà diə gole la. Izirayeli nɛnyaanan lɛn man nə́ soo, ǹ nə́ n bɔ Ezipti gána-n ka màn gigiã nɛ.

Bɔ bɛ̀rɛbaa nɛ 15:22

Muizu Izirayeli nɛnyaanan lɛn nyɛɛnaa ǹ bɔ. Ǹ nə́ soo ǹ nə́ n bɔ Sawɛɛ tà bǎã nɛ, ǹ nə́ n yɔrɔ dia Suuru a don la. Ǹ nə́ tɔ wɔ lɛawaa sɔɔ don gɔ́ɔ̃ nɛ, ǹ nə́ ǹ ba mu yii wa.

Izayii 49:10

Bòo á re ǹ kuĩ doo wa, mu boro á re ǹ kuĩ doo wa. Wasa laanka diə a piɛ̃ fuu kɛ a re ǹ nɔmɛɛ doo wa. Taãn nɛ, ma á ǹ narɛ, ma á re ǹ nyɛɛnaan boe, ma wo ǹ ne mu yala nyantoto lɛ-a.

Timəə dí-pɛn 11:5

A din na á n dɔ ka lɛ don, yǎa ká daa ká dɔ bǎã kɛ nɛ.

Timəə dí-pɛn 8:15

A din na á ka kaa tɔ-wɔ ganaa don kaara kɛ nɛ, nyɛ́ɛ da ǹ bǎã lɛa. A piɛ̃maa-n ka miɛ̃ babaraan laanka tonən ne. Bǎã gere ne, mu ba a-n wa. Sɛnɛ, a din lɛ na á mu bɔ gɛ̀fu kaka nɛ, á kɔ ka la.

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.