Loen 133:1 - LAWA A BOO SONBORE

¹ Wo Zeruzalɛmu loe. Davida a loe. Ee! Dɔɔ̃nɔn koa-kun tá siĩni, á kɔɔ̃nɛ, á suusuu.

LAWA A BOO SONBORE 2011

¹ Wo Zeruzalɛmu loe. Davida a loe. Ee! Dɔɔ̃nɔn koa-kun tá siĩni, á kɔɔ̃nɛ, á suusuu.

Loen 133:1 ပူးပေါင်းရင်းမြစ်များ

Siin Giala 13:8

Abramu tɔ́n pɛ Lɔti ni kɛnɛn: «Zia a siĩni, a wɔ n laanka masɛ bii wa, a siĩni, a wɔ masɛ a tɔɔn-lɛduə̃lin dɔn laanka n wɔn bii wa, a giala, wɔ n kɔn dɔɔ̃nɔn lɛa.

Siin Giala 45:24

Bɛ kio, á zii kɔ ǹ dɔɔ̃nɔn lɛn la. Sɛnɛ, á pɛ ǹ nɛ, bɛ̀ ǹ bɛ́ re woe, mà ǹ baran zia da zii la wa.

Loen 122:1

Wo Zeruzalɛmu loe. Davida a loe n ke. Ǹ bɛ́ ǹ nə́ pɛ masɛ nɛ ǹ mɛn waáraa, mà ma daa wɔ n tá Dɛnaa Lawa a kion, bɛ́ ma foo kɔɔ̃n kɔ parsiini.

Loen 124:1

Wo Zeruzalɛmu loe. Davida a loe. Bɛ̀ Dɛnaa Lawa bie wa, die kɔsɔ n wɔ la? Izirayeli minin, ka bɛ lɛ pɛ.

Loen 131:1

Wo Zeruzalɛmu loe. Davida a loe. Dɛnaa Lawa, din gole kɔ ba ma gɔ́ɔ̃-n wa. Ma ba n yii baɛ̃ sii dɔ li wa. Sii dadaran kɛn, siin mɛnɛn dinin pàã bɛ́ á la ma nɛ, ma bie bɛn kio wa.

Izayii 11:13

Bɛa waáraa kəni, Efrayimu gána a foo wuu pɛ á re nyɛɛ. Zudaa gána a zɔ́ɔn tá re bɔ̀n biɛ. Efrayimu gána foo a re wuu pii Zudaa gána li doo wa. Zudaa gána a re Efrayimu gána biɛ zɔ́ɔ doo wa.

Izayii 11:6

Bɛa biikoo li kəni, don gin laanka sère nɛ á re goɛ̃ kun, goe laanka bòe nɛ á re wɛɛ tán kun, diin nɛ ka yàra á re màn bii kun, nɛginin boɛɛn nə́ ǹ lɛ duĩ.

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Zeremii 32:39

Ma á re ǹ taasiɛ biɛ goon, ka sii zɛnaa ǹ gɔn goon ne, màn mɛn bɛ́ toɛ, ǹ nyɛ́ɛ baa ma yii ni yǎa duduu. Ka bɛ-n kəni, ǹ tá re yii-nyɛɛ yii, ǹ dinin ni ka ǹ nɛnyaanan dɔn nɛ ǹ kio.

Marki 3:25

Bɛ̀ kion mɛn a minin tá zia diɛ kɔn ganaa, bɛa kion lɛ a boe la a bǐɛ̃ kɔ wa.

Zaã a sɛ́wɔ 13:35

Bɛ̀ ka tá kɔn narɛ, min tumaa á re doɛ̃, mà ka n masɛ a kialandɛnan lɛa.»

Zaã a sɛ́wɔ 17:21

Maa Díi, ǹ tumaa baa goon. Wɔsɛn bɛ́ goon lɔn ke, a toa ǹ dɔn nə goã goon ka wɔsɛn bɛ́ lɔn, màn mɛn bɛ́ toɛ, kanaa minin nə waa la, mà n din ni n masɛ dia.

Korɛnti1 1:10

Ma dɔɔ̃nɔn lɛn, man ka nyankoe, ka wɔa Dɛnaa Yezu Krita tɔ nɛ, máa ka kɔn ma, ka nyan toa tatala kɔn yɛ ka bii wa. Ka toa ka goã doa-n kɔn ka taasiɛ goon ne, ka yiri goon ne.

Ebrəə 13:1

Ka toa dɔɔ̃nbaa ǹ kɔn-narɛɛ goã ka bii.

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.