Loen 132:2 - LAWA A BOO SONBORE

² Davida na á n liɛ Dɛnaa Lawa nɛ, á n lɛ kɔ Zakɔba a Lawa Pàãyiidɛnaa la, á pɛ kɛnɛn:

LAWA A BOO SONBORE 2011

² Davida na á n liɛ Dɛnaa Lawa nɛ, á n lɛ kɔ Zakɔba a Lawa Pàãyiidɛnaa la, á pɛ kɛnɛn:

Loen 132:2 ပူးပေါင်းရင်းမြစ်များ

Siin Giala 49:24

Sɛnɛ, a dɔ ná a sa kũ kaka. Á n gɔn wìi kaka kɔ a ganaa, ka Zakɔba a Lawa Kaka kɛ pàã nɛ. A din lɛ n Izirayeli tamaɛ ka tɔɔn-lɛduə̃li bɛ́ a tɔɔn tamaɛ lɔn. A foo n doa-n a din lɛ ganaa, a giala, a n kaka ka kɔlɔ nɛ.

Samayeli2 7:1

Davida a zɔ́ɔn mɛnɛn tumaa goã a lɛnpɛnɛ, Dɛnaa Lawa ná a kanbaa bɛn tumaa ganaa, á là nyantoro kɔ la. Davida giã a kii kion lɛ nɛ.

Samayeli2 7:2

Ǹ kɔn pinaa, á pɛ Lawa a boo gii-dali Natan nɛ: «Ga, masɛ bɛ́ giã-n kion mɛn nɛ, maǹ nə́ bɛ dɔ ka da kaka gɔn nɛ. Sɛnɛ, Lawa a *lɛ kɔ kɔn la ǹ goo kɛ bɛ́ koa-n bǎã mɛn nɛ, mɔnaa kion ne. Ma n wàa taasɛ?»

Loen 119:106

Masɛ nə́ n lɛ kɔ, máa man die koe n sii yɔrɔ bɔ ǹ boo peperen kɛn lɛ. Ma màn mɛn pɛ, man die a lɛ piɛ̃.

Loen 132:5

yǎa bɛ̀ má bǎã yɛ má kɔ Dɛnaa Lawa la, yǎa bɛ̀ má giã ǹ bǎã yɛ, má kɔ Zakɔba a Lawa Pàãyiidɛnaa la.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 50:1

Asaafu a loe. Dɛnaa Lawa Pàãyiidɛnaa boo da. Á kanaa minin tumaa bíi wɔ, a saa lɛ̀ nyɛɛnɛ, yǎa lɛ̀giala-n.

Loen 56:12

Masɛ nə n foo doɛ Lawa ganaa, nyɛ́ɛ ba ma-a wa. Minbuiinin man die wàa zɛnɛɛ ma nɛ?

Loen 65:1

LOE-saalin goledɛnaa loe mɛn lɔ. Davida a loe n ke.

Izayii 49:26

Min mɛnɛn bɛ́ boe n yii ni, ma á re bɛn kiɛ ǹ dinin siĩ soɛ̃ ganaa. Ǹ tá re n dinin mà mii, a ǹ yii kũ, ka duvɛ̃ dii bɛ́ min yii kuĩ lɔn. Ka bɛ nɛ, yiikoonaa tumaa á re doɛ̃, mà masɛ Dɛnaa Lawa nə n kirisibaali lɛa, ma nə n si sii la wole lɛa, masɛ Zakɔba a Lawa Pàãyiidɛnaa.

Izayii 60:16

N tá re tɔrɔ kɔsɔn bɔ̀nyaa mii, n nə ǹ kiin naforo bii. Ka bɛ-n kəni, n tá re doɛ̃ mà masɛ Dɛnaa Lawa nə n kirisibaali lɛa, mà Zakɔba a Lawa Pàãyiidɛnaa nə n si sii la wole lɛa.