Loen 130:4 - LAWA A BOO SONBORE

⁴ Sɛnɛ, makara nə n din lon, n tá sã toɛ, bɛ lɛ n ke wɔ á re nyɛ́ɛ biɛ n nɛ.

LAWA A BOO SONBORE 2011

⁴ Sɛnɛ, makara nə n din lon, n tá sã toɛ, bɛ lɛ n ke wɔ á re nyɛ́ɛ biɛ n nɛ.

Loen 130:4 ပူးပေါင်းရင်းမြစ်များ

Samayeli2 12:13

Bɛ kio, Davida pɛ Natan nɛ: «Má sii babaraa la Dɛnaa Lawa la.» Natan tɔ́n pɛ Davida nɛ: «A bɛ́ miɛ̃, Dɛnaa Lawa nə́ n sii baraa lɛ toa n nɛ. N ba re giɛ̃ wa.»

Zɔbu 22:23

Bɛ̀ ń wusoo ń daa Pàãyiidɛnaa li, bɛ̀ ń sii kɔkɔrɔ zɛnaa kɛ wɔlɔ lui n kion ganaa, á re wusii a n saa a n da lon.

Loen 25:11

Dɛnaa Lawa, maa sã lɛ gole kɔ, á la yii ni. N din tɔ kɛa lɛa, a toa ma nɛ.

Loen 86:5

Dɛnaa, n din mɛn bɛ́ bǐɛ̃ zɛnɛɛ, n nə́ sã toɛ, min mɛnɛn tumaa bɛ́ lɛ diɛ n la, n kɔn-narɛɛ á gole bɛn wɔ paǹ li.

Izayii 1:18

Dɛnaa Lawa n pii kɛnɛn: «Ka daa wɔ kɔn ma. Ta kaa sii baraan man nə́ tì kɔ lɔn, ǹ tá re fu koe ka bɔ̀nyaa bɛ́ lɔn. Ta maǹ nə́ tì kɔ lɔn ǹ tá re fu koe ka koara bɛ́ lɔn.

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Zeremii 31:34

Min kɔn ba re ǹ miã hinlaa ǹ dɔɔ̃n darɛɛ a pɛ-n kɛnɛn wa: «Ka n daraa Dɛnaa Lawa doɛ̃ ganaa!» A giala, min tumaa á re ma doɛ̃. A kũ nɛnyaanan ganaa, a wo min zizin yaa. Ma á re ǹ sãn toɛ ǹ nɛ, ma yiri bɔ ka ǹ sii baraan nɛ. Dɛnaa Lawa a da ǹ boo ne.

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Korɛnti2 5:19

A giala, Lawa n min tumaa kiɛ kun ka a din ni Krita pàã ganaa. A ba giɛ minbuiinin sã ǹ siin kɛn ganaa wa. A din na á minin kaa kun ka a din ni ǹ boo kɛ kɔ wɔsɛn la, mà wɔ pɛ.

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Kolɔɔsi minin 1:14

A Nɛgiĩ lɛ barka nɛ, á wɔ si sii baraa la, á wɔa sãn toa wɔ nɛ.

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»