Loen 125:5 - LAWA A BOO SONBORE

⁵ Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

LAWA A BOO SONBORE 2011

⁵ Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Loen 125:5 ပူးပေါင်းရင်းမြစ်များ

Samayeli2 22:22

A giala, má kɔ Dɛnaa Lawa a zii lɛ, má kɔ lɛ ka bɔlɔgoondɛnaabaa nɛ, man piã ka maa Lawa lɛ-n wa.

Zɔbu 23:11

Má kɔ a gòɛ̃ lɛ, má kɔ a zii kɛ lɛ, ma kanaa wa.

Loen 101:3

Ma ba re toɛ ma yii bɔ *gɔ̀ sii kɔn li wa. Wusoo Lawa kio wolen sii zɛnaa ǹ gɔn ba kɔɔ̃n ma ganaa wa, a gìĩ din ba ma dii wa.

Loen 128:6

N tá re n nɛnyaanan nɛnyaanan yii. Dɛnaa Lawa die a là nyantoro kɔ Izirayeli la.

Loen 40:4

Á loe tii wɔ ma lɛ-n, wɔa Lawa lɛ tɔ bɔ ǹ loe lɛa. Min gigiã á re yii, ǹ tá re nyɛ́ɛ biɛ, ǹ tá re n foo doɛ Dɛnaa Lawa ganaa.

Loen 92:10

Dɛnaa Lawa, n zɔ́ɔn kɛn kaa, n zɔ́ɔn kɛn man die bɔ̀n biɛ, baraa-zɛnaalin kɛn tumaa á re sasawɛɛ.

Loen 92:7

Baãnaan ba màn kɔn doɛ̃ a-n wa, yiriwɛɛnaan ba màn kɔn dɔ giala miɛ a-n wa.

Loen 92:8

Min babaraan man yui fufuu, ka buu bɛ́ lɔn. Baraa-zɛnaalin kɛn man ka maǹ là nyantoro la. Sɛnɛ, ǹ lɛ nyɔmɔɔ ǹ bǎã n bɔ̀n duduu lɛa.

Loen 94:4

Maǹ boo ziziɛ̃n diɛ, ǹ tá ǹ dinin kalɛɛ, bɛa baraa-zɛnaalin kɛn lɛn tumaa.

Suusun 14:14

Min mɛn bɛ́ a yiikoonaabaa zɛnɛɛ a din mìi gialaa, a bɛ́ kɔnboe ka màn mɛn nɛ, á re bɛ yii. Min mɛn a giã ǹ gɔn bɛ́ siĩni, bɛa sii á re bǐɛ̃ koe.

Suusun 2:15

Ǹ ba pepere wa, ǹ giã ǹ gɔn nə kɔkɔrɔ.

Suusun 21:16

Min mɛn bɛ́ á koe zii pepere lɛ wa, bɛ á re woe n susui fufuu kun ka geren ne.

Izayii 54:10

Kelen tá boe la ǹ bìn da, tentenen tá boe la ǹ nə n zɔ̃. Sɛnɛ, kɔn-narɛɛ mɛn bɛ́ ma foo ne n wɔ paǹ li, bɛa re n bɔyɛɛ duduu wa. Ma lɛ kɔ kɔn la mɛn wɔ ka n nɛ, là nyantoro a paǹ li bɛa re bìn diɛ wa. Ma din Dɛnaa Lawa n kɛ pii n ni, maa foo basiɛ̃ gɔ́ɔ̃ nɛ.

Izayii 54:13

Masɛ Dɛnaa Lawa á re n nɛnyaanan tumaa darɛɛ. Ǹ tá re goɛ̃ yii-nyɛɛ gole gɔ́ɔ̃ nɛ.

Izayii 59:8

Kaa là nyantoro zii doɛ̃ wa. Ka bɛ́ koe zii mɛn lɛ, sonborebaa goon din ba la wa. Ka n kaa ziin kɔkɔrɔ koe. Bɛ̀ min woo min kɔ ǹ lɛ, bɛa là nyantoro yii duduu wa.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Ezekieli 37:26

Ma á re lɛ kɔ kɔn la we ka ka nɛ là nyantoro a paǹ li. Bɛ n die goɛ̃ lɛ kɔ kɔn la lɛa ka laanka masɛ bii yǎa duduu. Ma á re giã ǹ bǎã koe ka la, ma kaa zaman mɔnaa. Ma á re maa giã ǹ bǎã doe ka bii, yǎa duduu.

Ozee 2:18

Ma din Dɛnaa Lawa a da ǹ boo á ke: «Bɛa pinaa kɛ nɛ, N tá re ma bii "n zuũ", n ba re "Baali" tɔ kɛ koe ma-a doo wa.

Sofonii 1:6

Min mɛnɛn bɛ́ n dɔ̀ɔ̃ we masɛ Dɛnaa Lawa nɛ, ǹ laadoo ná a ba ma-a wa ǹ ba maa doreen li wa, ma á re bɛn dɔn bɔ̀n biɛ.

Matiə 7:23

Ma á re pii ǹ ni: «Ma bin ka dɔ̃ wa. Ka n tan, ka n bɔ ma li, sii baraa-zɛnaalin kɛn!»

Luku 11:25

Bɛ̀ nɔ̀ɔn lɛ daa, a n yiɛ bɛa dɛnaa kɛ lɛ min sonbore baa, a sii yii n telee ne, á n kɔnboe ka kion mɛn bɛ́ ke ǹ nə́ wɔraa, ǹ ná a gɔ́ɔ̃gɔ́ɔ̃ ǹ mànan tetele.

Zaã a sɛ́wɔ 14:27

Man là nyantoro koɛ ka li, ma din a là nyantoro ne. Kanaa bɛ́ là nyantoro koe lɔn, masɛ wɔ kɛ bie miɛ̃ wa. Ka yiri baran n lɔlɔkɔn doo wa, ka baran nyɛ́ɛ baa doo wa.

Galaasi minin 6:16

Min mɛnɛn bɛ́ koe bɛa sii kɛ lɛ, là nyantoro laanka Lawa a makara-doɛ̃ die ǹ dɔ bɛn li kun ka Lawa a zaman kaa kun kɛ din tumaa nɛ.

Filipi minin 2:15

Ka zɛnaa miɛ̃, ń giɛ ka á goɛ̃ *yoreen ne, zɛ̀rɛ baãnaan lɛa, ka goã Lawa a nɛnyaanan lɛa, sɔ̀n ná a ba ka ganaa, kanaa min kɔkɔrɔ babaraan kɛn bii wa. Ka doamaa nɛ ka wɔlɔ fúlu bɔ ǹ bii, ka bólonən bɛ́ lɔn,

Ebrəə 10:38

Sɛnɛ, maa min mɛn bɛ́, ma din Lawa foo sii zɛnɛɛ ka goleemali ni, bɛ tá re nyin nyabaã yii. Sɛnɛ, bɛ̀ á kanaa á zii da, a sii a re kɔɔ̃n koe ma ganaa doo wa.»

Piɛrɛ1 1:2

Díi Lawa din na á ka bɔ, á kɔnpɛ ka a din a saa lɛlɛ a sii yɔrɔ bɔ nɛ, á ka bɔ á ka koa ka gɔrɔn, a Yiri barka nɛ, màn mɛn bɛ́ toɛ, ka Yezu Krita bɔlɔ si, a mà lɛ *gɔ̀ bɔ ka ganaa. Lawa die a bǐɛ̃ gigiã zɛnaa ka nɛ, a là nyantoro gigiã dɔ kɔ ka la.