Loen 125:1 - LAWA A BOO SONBORE

¹ Wo Zeruzalɛmu loe. Min mɛnɛn bɛ́ n foo doɛ Dɛnaa Lawa ganaa, bɛn man ka *Siɔn kele bɛ́ lɔn, màn kɔn ba bìn diɛ a ganaa wa, a na a tan yǎa duduu.

LAWA A BOO SONBORE 2011

¹ Wo Zeruzalɛmu loe. Min mɛnɛn bɛ́ n foo doɛ Dɛnaa Lawa ganaa, bɛn man ka *Siɔn kele bɛ́ lɔn, màn kɔn ba bìn diɛ a ganaa wa, a na a tan yǎa duduu.

Loen 125:1 ပူးပေါင်းရင်းမြစ်များ

KZS1 5:20

Bɛa zia lɛ wuu li, ǹ nə́ Lawa nyankɔ mà a n dɔ ǹsɛn lɛ, a giala ǹ foo goã doa nɛ a ganaa. Lawa dɔ nə́ ǹ nyankɔ si, á n dɔ ǹ lɛ. Bɛa yɔrɔ lɛ la, ǹ nə́ boo Agaraa tɔrɔn lɛn la ǹ nə́ ǹ kaa ǹ pàã giulun, ka min mɛnɛn dɔn nə ǹ wɔ kaa kun ka Agaraa tɔrɔn lɛn nɛ.

KZS2 20:20

Bɛa lɛawaa baayɛlɛ yiisoo, zaman tumaa zii saa ǹ nə́ woe Tekoa diə gole ne. Ǹ woo waáraa, Zozafati nə́ n doa ǹ nyɛɛnɛ á pɛ ǹ nɛ: «Zeruzalɛmu laanka Zudaa minin lɛn, ka n too kɔ ma lon! Ka n foo tumaa doa Dɛnaa Lawa, kaa Lawa ganaa, ka á re pàã yii. Ka n foo tumaa doa a boo gii-dalin kɛn ganaa, gɔ̀lɔ̀baa n die goɛ̃ kaa wɔ lɛa!»

Loen 120:1

Wo Zeruzalɛmu loe. Maa fuu kɛ gɔ́ɔ̃ nɛ, má n lɛ dɛ Dɛnaa Lawa ganaa, á ma lɛ si dɔn.

Loen 121:1

Wo Zeruzalɛmu loe. Ma nə n yii siɛ ma á giɛ kelen kɛn ganaa: Maa dɔmalɛ n die boe maa?

Loen 122:1

Wo Zeruzalɛmu loe. Davida a loe n ke. Ǹ bɛ́ ǹ nə́ pɛ masɛ nɛ ǹ mɛn waáraa, mà ma daa wɔ n tá Dɛnaa Lawa a kion, bɛ́ ma foo kɔɔ̃n kɔ parsiini.

Loen 123:1

Wo Zeruzalɛmu loe. Man ma yɔrɔ diɛ n din la, Dɛnaa Lawa, nsɛ mɛn bɛ́ giã-n lon kii lɛa.

Loen 124:1

Wo Zeruzalɛmu loe. Davida a loe. Bɛ̀ Dɛnaa Lawa bie wa, die kɔsɔ n wɔ la? Izirayeli minin, ka bɛ lɛ pɛ.

Loen 147:11

Sɛnɛ, min mɛnɛn bɛ́ nyɛ́ɛ biɛ Dɛnaa Lawa nɛ, min mɛnɛn bɛ́ n foo doɛ a kɔn-narɛɛ gole kɛ ganaa, bɛn lɛn sii n kɔɔ̃n a ganaa.

Loen 20:8

Kɛn mà ziabaa ǹ wotoron, kɛn mà ziabaa ǹ sùin, sɛnɛ wɔsɛn Dɛnaa Lawa tɔ ke, bɛ lɛ n wɔsɛn lɛ-n.

Loen 25:2

Maa Lawa, man kiɛ n din yele. N nyan toa sìi ma kũ wa. N nyan toa maa zɔ́ɔn kɛn nə n nyɛnyɛɛ ma la wa.

Loen 25:8

Dɛnaa Lawa á siĩni, á pepere, bɛ lɛ n ke, á sã wolen diɛ zii la.

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Loen 34:22

Baraabaa n die min baraa dii, dɔlɔ á re min pepere a zɔ́ɔn kuĩ.

Loen 46:5

Sɛnɛ, tà kɔn tan, a gòãn nə́ Lawa a kiwi kɛ foo kɔɔ̃n koe, Lon a Lawa Gole a giã ǹ bǎã sonbore kɛ lɛ.

Loen 46:6

Lawa n bɛa kiwi lɛ bii, màn kɔn ba bìn diɛ a ganaa wa. Lawa nə n doe lɛ lɛlɛbaanɛ.

Loen 62:2

Man boe la ma goã là nyɛɛ la kun ka Lawa dinsɔɔ̃ nɛ, maa kirisibaa n boe a din li.

Loen 62:3

A dinsɔɔ̃ n maa kele lɛa, ma tá n duri a kio, ma bɛ́ boe la ma kirisibaa bǎã mɛn nɛ. Màn kɔn ba re bìn diɛ ma ganaa wa.

Loen 62:6

Yǎa ma giɛ là nyɛɛ li Lawa dinsɔɔ̃ li, a giala, a din nə ma foo doɛ.

Loen 62:7

A dinsɔɔ̃ n ma tamaali lɛa, ma bɛ́ boe la ma kirisibaa bǎã mɛn nɛ. Màn kɔn ba re bìn diɛ ma ganaa duduu wa.

Suusun 10:25

Koe n sii baraa-zɛnaali bii. Sɛnɛ min mɛn bɛ́ sii bǐɛ̃ zɛnɛɛ, bɛ goã n we tán miɛ̃ duduu.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 14:32

Wɔ n die Filisiti minin dia dí-a wolen kɛn lɛ sii lɔn? Wɔ n die pii: Dɛnaa Lawa din na á *Siɔn kiwi koa, a zaman lɛ a doobaan tá re mìi duru ǹ bǎã yii walan.

Izayii 26:3

Min mɛn bɛ́ n foo doɛ Dɛnaa Lawa ganaa bɛa dɛnaa n yii nyɛɛ taãn yii, a giala a foo n doa nɛ a din ganaa.

Izayii 26:4

Ka n foo doa Dɛnaa Lawa ganaa yǎa duduu. A giala, a din nə gɛ̀fu kaka lɛa, a na a tan duduu.

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Izayii 51:16

Hiĩ, má maa boo wɔ n lɛ-n má n duru ma gɔn wúlu li, masɛ mɛn lon lɛ bɔ, má tán zɛnaa, má pɛ Siɔn nɛ: «Ma n maa zaman lɛa.»

Izayii 51:8

A giala nimii á re ǹ kuĩ ka mɔnaa bɛ́ lɔn. Màn baaran tá re ǹ soɛ̃, ká mɔnaa nɔnɔɔ bɛ́ lɔn. Sɛnɛ, ma bɛ́ die ka peperebaa mɛn nɛ, a re nyɛɛ duduu wa. Kirisibaa lɛ n die goɛ̃ biɛ̃ ǹ tɔrɔn tumaa wɔ lɛa.

Izayii 52:1

N yii kaa, n yii kaa, n pàã nyaa *Siɔn. N mɔnaa sonboren wɔ Zeruzalɛmu, nsɛ kiwi sonbore. A giala, tiin ni ka min mɛnɛn bɛ́ gɔ̀dɛnan lɛa, bɛn gòã á re miɛ n li doo wa.

Abdiasi 1:21

Min mɛnɛn nə kirisibaa bɛn tá re dii Siɔn kele kɛ la, ǹ giã Ezawu gána mìi la. Kiibaa á die goɛ̃ Dɛnaa Lawa nɛ!

Misee 4:2

Gána gigiã á die zii siɛ, bɛ̀ ǹ nə́ pii kɔn nɛ: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa kɛa kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, dí-pɛn boon lɛn man boe *Siɔn, Dɛnaa Lawa a boo lɛ n boe Zeruzalɛmu.

Zakarii 1:14

Lona dia dí-a wole mɛn bɛ́ boo diɛ ka ma nɛ, á n toa ma ganaa mà ma boo kɛ pɛ: Dɛnaa Lawa Pàãyiidɛnaa n kɛ pii: «Maa Zeruzalɛmu narɛ ǹ gɔn tá baraa, ka *Siɔn kele sonbore kɛ nɛ.

Zakarii 1:17

Bɛ kio, lon a dia dí-a wole lɛ wusoo á pɛ ma nɛ, mà ma boo kɛ da ka Dɛnaa Lawa Pàãyiidɛnaa tɔ nɛ: «Maa kiwin lɛn tá re wusii doo ǹ pã ka màn sonboren ne. Man die wusii ma Zeruzalɛmu bɔ ma koa doo, ma Siɔn foo taã.»

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.

Sii-nyaan 14:1

Ma bɛ́ giɛ, má Sère Nɛ lɛ yɛ golee-n *Siɔn kele la, Zeruzalɛmu kiwi gɔ́ɔ̃ nɛ. Má minbuiin duu paabiɛ ka pusiwensii (144 000) kɛ dɔ yɛ kun ni, a din tɔ laanka ǹ Di Lawa tɔ n kiɛ̃ nɛ, didie tumaa nyanlɛ ganaa.