Loen 122:6 - LAWA A BOO SONBORE

⁶ Ka Lawa nyankɔ a là nyantoro kɔ Zeruzalɛmu la. Min mɛnɛn bɛ́ kiwi lɛ narɛ, bɛn die ǹ là nyantoro yɛ.

LAWA A BOO SONBORE 2011

⁶ Ka Lawa nyankɔ a là nyantoro kɔ Zeruzalɛmu la. Min mɛnɛn bɛ́ kiwi lɛ narɛ, bɛn die ǹ là nyantoro yɛ.

Loen 122:6 ပူးပေါင်းရင်းမြစ်များ

Siin Giala 12:3

Bɛ̀ min mɛnɛn nə́ lɛn bǐɛ̃ bíi n li, ma á re lɛn bǐɛ̃ bíi bɛa dɛnan li. Bɛ̀ min mɛnɛn nə́ lɛn pipiã bíi n li, ma á re lɛn pipiã bíi bɛa dɛnan li. Kanaa a tɔrɔn tumaa wɔ á re bǐɛ̃ koe n wɔ gɔ́ɔ̃ nɛ.»

Nehemii 11:1

Bɛ kio, zaman lɛ a nyɛɛnaandɛnan nə́ giã Zeruzalɛmu. Zaman gialakun lɛ nə́ n pã, màn mɛn bɛ́ toɛ min fù bii, min goon da giã Lawa a kiwi Zeruzalɛmu kɛ nɛ, a manangɔrɔ gialakun kɛ goã kiwi kɔsɔn nɛ.

Nehemii 11:2

Giĩn mɛnɛn tumaa lɛ kɔ mà ǹ tá giɛ̃ Zeruzalɛmu, zaman lɛ barka da bɛn ganaa.

Loen 51:18

N bie giɛ li, mà ma *wúlu màn kɔ n la wa. Haalɛ wúlu màn mɛn bɛ́ ǹ nə́ tã á kukũ lenlen, bɛ kɔn bie n yii kiɛ̃ wa.

Izayii 62:7

Ka nyan toa a susui yɛ wa, yǎa a Zeruzalɛmu zɛnɛɛ a nyɛɛ, yǎa a tɔ boe tán tumaa la.»

Izayii 66:10

Kasɛn mɛnɛn bɛ́ Zeruzalɛmu n kɔɔ̃n ka ganaa, ka n nyɛnyɛɛ kun ni. Ka goã foo kɔɔ̃n kɔ gole la kun ni. Kasɛn mɛnɛn nə goã gɛ̀ koɛ a koen kɛn taman yii, ka foo kɔɔ̃n gole kɛ gii kɔn nɛ kanna kəni!

Zeremii 29:7

Ka dí nya kaa gùli kɔ ǹ kiwi lɛ nɛ màn mɛn bɛ́ toɛ a wo nyɛɛnɛ. Ka Dɛnaa Lawa nyankɔ a lɛa a giala kaa yii-nyɛɛ n boe bɛa kiwi kɛ lɛ a là nyantoro li.»

Zeremii 51:50

Kasɛn mɛnɛn nə n si gɛ̀ la, ka woo, ka nyan gole kànaa wa! A ka toa sɔsɔɔ ka n yiri koa Dɛnaa Lawa nɛ, ka n taasɛ Zeruzalɛmu ganaa.

Minin nimi 24:9

Maǹ nə n kumii, ǹ nə́ wɛɛ tán ka don siĩ bɛ́ lɔn, ká yàra bɛ́ lɔn. Die n boe la a ǹ da yoo ganaa ka pàã nɛ? Bɛ̀ min mɛn nə́ lɛn bǐɛ̃ bíi ǹ li, lɛn bǐɛ̃ nə n bíi bɛa dɛnaa li. Bɛ̀ min mɛn nə́ lɛn baraa bíi ǹ li, lɛn baraa nə n bíi bɛa dɛnaa li.

Zaã a sɛ́wɔ 17:21

Maa Díi, ǹ tumaa baa goon. Wɔsɛn bɛ́ goon lɔn ke, a toa ǹ dɔn nə goã goon ka wɔsɛn bɛ́ lɔn, màn mɛn bɛ́ toɛ, kanaa minin nə waa la, mà n din ni n masɛ dia.

Efɛɛzi minin 4:3

Yiri Fu bɛ́ ka doɛ kɔn ka là nyantoro mɛn nɛ, á n ka biɛ goon, ka n doa ka bɛa goonbaa lɛ tamaa.

Tesaloniki2 3:16

Dɛnaa mɛn din bɛ́ là nyantoro kɔle lɛa, a dinmaa die a là nyantoro kɔ ka la, biikoo tumaa li ka yɔrɔ din tumaa nɛ. Dɛnaa die a goã ka dinin tumaa li.

Zaã1 3:14

Wɔ á doɛ̃, wáa wɔ́ n bɔ gɛ̀ nɛ, wɔ́ wɔ yiikoonaabaa nɛ. Wɔ ǹ bɛ doɛ̃, a giala, mà wɔ n wɔ dɔɔ̃nɔn narɛ. Min mɛn bɛ́ a min narɛ wa, bɛ n tɔn gɛ̀ gɔ́ɔ̃ nɛ.

Samayeli1 12:23

Masɛ din wɔ paǹ li, bɛ̀ má Lawa nyankɔ lɛ da kaa lɛa, man má sii baraa zɛnaa Lawa nɛ. Màn mɛn nə́ ke siĩni, pepere, masɛ n die ka darɛɛ bɛa zɛnaa ganaa.