Loen 12:6 - LAWA A BOO SONBORE

⁶ Bɛ lɛ nɛ Dɛnaa Lawa pɛ: Masɛ n die yui, ma daa. Ǹ bɛ́ boe nɔmaa-wɔlen kɛn yii-n miɛ̃, doobaan kɛn nə ginii we, man die yui. Ǹ bɛ́ sɛ̀ kiɛ min mɛnɛn ganaa ke, masɛ n die yui kanna kəni, ma bɛn si sii la.

LAWA A BOO SONBORE 2011

⁶ Bɛ lɛ nɛ Dɛnaa Lawa pɛ: Masɛ n die yui, ma daa. Ǹ bɛ́ boe nɔmaa-wɔlen kɛn yii-n miɛ̃, doobaan kɛn nə ginii we, man die yui. Ǹ bɛ́ sɛ̀ kiɛ min mɛnɛn ganaa ke, masɛ n die yui kanna kəni, ma bɛn si sii la.

Loen 12:6 ပူးပေါင်းရင်းမြစ်များ

Samayeli2 22:31

Lawa din a zii lɛ n pepere, bɛ̀ Dɛnaa Lawa boo mɛn da a n goɛ̃ bɛ-a. A n ka goóro bɛ́ lɔn, min mɛn tumaa bɛ́ kiɛ a yele, a n bɛn tamaɛ.

Zɔbu 20:19

A giala á mɛnaa doobaan la, á n gɔn bɔ ǹ ganaa. Á ǹ kion yu, sɛnɛ, a re doe wa.

Zɔbu 28:1

Taãn nɛ, ǹ bɛ́ wɔrɔ we kɛ boe bǎã mɛn nɛ, ǹ bɛ́ sana a yisi boe li bǎã mɛn nɛ, bɛ wɛɛ̃ bie wa.

Loen 119:140

N lɛ kɔ ǹ boon lɛn sii tumaa nə́ n zɛnaa. Masɛ nə n bɛ̀rɛgiĩ lɛa, ǹ sii á kɔɔ̃n ma ganaa parsiini.

Loen 18:30

Man die woe zia-baalin gialaa ka n din pàã nɛ. Man die boe ǹ la ka maa Lawa pàã nɛ.

Loen 19:8

Dɛnaa Lawa a landa lɛ n siĩni, a lɛ n piɛ̃ nɛ, á pàã koe min a yiikoonaabaa la. Dɛnaa Lawa a landa boo á kɔnboe ka foo doamaa nɛ, á yiri koe sii doɛ̃baã wole la.

Loen 66:10

Lawa, n nə́ n da wɔ gɔ́ɔ̃ li, n *gɔ̀ bɔ wɔ ganaa, ka ǹ bɛ́ wɔrɔ yoe ǹ gɔ̀ bɔ a ganaa lɔn.

Loen 76:10

Bɛ̀ n yoo kiri kurii li, n nə́ die kanaa lɛ a nɔmaa-wɔlen kirisibiɛ, nyɛ́ɛ n tán minin kuĩ, ǹ golee ka kiĩni. Doa

Loen 9:13

Dɛnaa Lawa din bɛ́ n gɛ̀ dòo boe, bɛ lɛ n ke, a yiri a boe wa. A yiri a boe ka doobaan lɛ-dɛ-n wa.

Bɔ bɛ̀rɛbaa nɛ 3:7

Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

Bɔ bɛ̀rɛbaa nɛ 3:8

Man má gisĩ, má n die ǹ sii Ezipti minin kɛn la, man die soe ǹ ne ma ǹ bɔ gána kɛ nɛ, ma wo ǹ ne gána gole sonbore kɔ́n nɛ, tɔɔ-too laanka tán-kɔsiɛ bɛ́ bǐɛ̃ koe gána mɛn nɛ. Bɛa gána kɛ lɛ n Kanaan minin wɔ lɛa, ka Ɛti tɔrɔn ne, Amɔɔrɔ tɔrɔn nɛ, Perɛzi tɔrɔn nɛ, Ivii tɔrɔn ne ka Zebuzu tɔrɔn nɛ.

Bɔ bɛ̀rɛbaa nɛ 6:1

Dɛnaa pɛ Muizu ni: «Kanna kəni, ma bɛ́ re màn mɛn zɛnɛɛ *Faarahɔn nɛ, n tá re bɛ yii. Ma á re sii nyɛɛ a yii ni, á re toɛ ka woo. Ma á re sii nyɛɛ a yii ni, á re ka lui dinin, a ka bɔ a gána nɛ.»

Suusun 22:23

Taãn nɛ, Dɛnaa Lawa nə ǹ zia gii-dali lɛa, min mɛnɛn bɛ́ mɛnɛɛ ǹ la, Dɛnaa Lawan bɛn nyin boe.

Suusun 30:5

Dɛnaa Lawa a boo tumaa na á kɔnbɔ ka foo doa ma-a nɛ, min mɛnɛn bɛ́ ǹ nə́ baa ǹ foo doa ǹ bǎã lɛa, a n goóro lɛa ǹ tamɛɛ.

Izayii 14:22

Dɛnaa Lawa Pàãyiidɛnaa a da ǹ boo á ke: «Ma á re yui *Baabilonii minin gialaa, ma ǹ tɔ tuturu. Ǹ min mɛnɛn yii bɛ́ re goɛ̃ koo ka ǹ nɛnyaanan nɛ, ka min mɛn tumaa bɛ́ re yii ǹ kio.» Dɛnaa Lawa a da ǹ boo ne.

Izayii 33:10

Dɛnaa Lawa pɛ: «Kanna, man die sii zɛnɛɛ. Kanna, man die yui, ma maa golebaa nyaa.