Loen 119:99 - LAWA A BOO SONBORE

⁹⁹ Min mɛnɛn nə ma daraa, má sii dɔ̃ má la bɛn manɛ. A giala, ma nə n taasɛ ka n gɔn waa ǹ boon kɛn nɛ duduu.

LAWA A BOO SONBORE 2011

⁹⁹ Min mɛnɛn nə ma daraa, má sii dɔ̃ má la bɛn manɛ. A giala, ma nə n taasɛ ka n gɔn waa ǹ boon kɛn nɛ duduu.

Loen 119:99 ပူးပေါင်းရင်းမြစ်များ

Matiə 13:11

Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Loen 119:24

N gɔn waa ma-n boon lɛn dinin tá kɔɔ̃n ma ganaa á la yii ni. Ǹ dinin lɛn man ma doree.

Ebrəə 5:12

Bɛ̀ ka doamaa-n kanna ka minin-daraalin baa, sɛnɛ, ka laadoo n tɔ́n na a ganaa, ǹ Lawa a boo lɛ a daraa giala kɔ ǹ bǎã siin nyaa ka nɛ. A dɔ bǎã mɛn nɛ, ka doamaa-n ka màn-bii ni, sɛnɛ ka laadoo-n tɔn nyɔ ganaa.

Zeremii 2:8

Lawa a wúlu-bɔlen nə nɔ̀n da kɛnɛn wa: «Dɛnaa Lawa á maa?» Min mɛnɛn bɛ́ Lawa a dí-pɛn doɛ̃, bɛn ba ma doɛ̃ wa. Kiãn nə́ n gòãn dii ma ganaa. Lawa a boo gii-dalin man boo diɛ ka *Baali tɔ nɛ. Maǹ koe dìn lɛ, ǹ mɛnɛn bɛ́ ǹ ba boe sii kɔn la wa.

KZS2 30:22

Ezekiasi Levii tɔrɔn lɛn tumaa foo taã, a giala maǹ tá Dɛnaa Lawa a siin giala miɛ parasiini. Lɛawaa sɔbaa gɔ́ɔ̃ nɛ, minin man die kiɛ̃mala ǹ zɔ́n lɛ a mànbii. Maǹ barka da Lawa nɛ ǹ wúlu mànan koe, ǹ nə́ loe loe Dɛnaa Lawa, ǹ digolon Lawa tɔ boe ne.

Matiə 15:14

Ka ǹ toa walan. Maǹ yii tere-an lɛa yii tere-an bàlà kuĩ! Bɛ̀ yii tere-a nə́ ǹ miã yii tere-a a bàlà kũ, ǹ dinin paanan tá re boe ǹ kaa nyankɔrɔ nɛ.»

Loen 119:15

Man li man taasɛ ka n minin doroo ǹ boon kɛn nɛ, n bɛ́ zii mɛn nyɛɛ ma nɛ, man yii doa bɛ la.