Loen 119:98 - LAWA A BOO SONBORE

⁹⁸ N dí-pɛn lɛn man toɛ, ma á sii doɛ̃ má la maa zɔ́ɔn manɛ. A giala, maǹ ma yiri-n miɛ̃ duduu.

LAWA A BOO SONBORE 2011

⁹⁸ N dí-pɛn lɛn man toɛ, ma á sii doɛ̃ má la maa zɔ́ɔn manɛ. A giala, maǹ ma yiri-n miɛ̃ duduu.

Loen 119:98 ပူးပေါင်းရင်းမြစ်များ

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Loen 119:30

Masɛ n má bɔlɔgoondɛnaabaa ǹ zii saa. Masɛ n maa wɔ toɛ n din a sii yɔrɔ bɔ lɛ ganaa.

Suusun 2:6

Hiĩ, Dɛnaa Lawa din nə sii-doɛ̃ koe. Sii-doɛ̃ laanka yiri n boe a din li.

Suusun 28:5

Min baraa ba boo kɔn giala miɛ dí-pɛn gɔ́ɔ̃-n wa. Sɛnɛ, min mɛnɛn bɛ́ giɛ Dɛnaa Lawa li, bɛn ta a tumaa giala miɛ.

Timəə dí-pɛn 4:6

Ka bɛa boon lɛn tamaa, ka kɔ ǹ lɛ. A giala, bɛ lɛ n die kaa sii-doɛ̃ laanka kaa yiridɛnaabaa nyɛɛ tɔrɔ kɔsɔn manɛ, ǹ mɛnɛn bɛ́ re landa boon kɛn lɛn tumaa miɛ. Maǹ die pii: – Tɔrɔn kɛn gigiãbaa lɛ! Sii-doɛ̃ laanka yiri tá ǹ lon dɛ!

Timəə dí-pɛn 4:8

Tɔrɔn mɛnɛn bɛ́ gigiã ka wɔ bɛ́ lɔn, ǹ mɛn a landa boon laanka a sii yɔrɔ bɔ ǹ boon man pepere ka dí-pɛn kɛn tumaa bɛ́ lɔn, ma á ǹ pii ka yii-n pelo?

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Zaaki 1:25

Sɛnɛ, bɛ̀ min mɛn nə́ n yii wɔ Lawa a minin doroo ǹ boo lɛ piɛ̃ kɛ-n taãn-taãnɛ, bɛ mɛn bɛ́ wɔ boe sii ni, bɛ̀ n dɛnaa nə́ n doa a ganaa ka a parsiini, a bɛ́ boo mɛn miɛ, bɛ̀ a yiri á goɛ̃ bɛ nɛ, á n tɔ we á kɔnpii ni, Lawa á die barka we bɛa dɛnaa nɛ a nya ǹ dín gɔ́ɔ̃ nɛ.

Samayeli1 18:14

A soon lɛn tumaa gɔ́ɔ̃ nɛ, á goã gɔ̀lɔ̀baa yii, a giala Dɛnaa Lawa goã kun ni.

Samayeli1 18:30

Filisiti minin kiin nə́ goã soe woe zia biɛ, ǹ woo gogoonmaa, Davida goã gɔ̀lɔ̀baa yii á la Sayulu a sɔraasin tumaa nɛ. Davida tɔ nɔmaa á bɔ parsiini.

Samayeli1 18:5

Sayulu goã Davida diɛ woe koe bǎãn mɛnɛn tumaa lɛ, á goã gɔ̀lɔ̀baa yii. Sayulu Davida kũ á da a zia-baalin mìi la. Davida a sii goã siĩni zaman lɛ tumaa yii li. Á goã siĩni Sayulu a dí-nyalin dɔn yii li.