Loen 119:91 - LAWA A BOO SONBORE

⁹¹ Haalɛ tɔn pelo, màn tumaa na a tan, a kɔnpɛ ka n din a sii yɔrɔ bɔ nɛ. A giala, màn tumaa n dí nyɛɛ n din ni.

LAWA A BOO SONBORE 2011

⁹¹ Haalɛ tɔn pelo, màn tumaa na a tan, a kɔnpɛ ka n din a sii yɔrɔ bɔ nɛ. A giala, màn tumaa n dí nyɛɛ n din ni.

Loen 119:91 ပူးပေါင်းရင်းမြစ်များ

Siin Giala 8:22

Bɛ̀ kanaa kɛ tan biikoo woo biikoo, màn tɔrɔ diɛ laanka a kurii ba re sàabiɛ wa. Nɛn á bɔ laanka sɛ̀fuu á bɔ á re sàabiɛ wa. Taã á waa laanka bɔ̀nɔn á kɔ á re sàabiɛ wa. Lɛ̀ á waa laanka tèlò á kɔ á re sàabiɛ wa.»

Izayii 40:26

Ka n yii saa lon ka ga! Die na á leeren zɛnaa? Die nə ǹ diɛ tɔ wɔ ganaa kɔn kio ka sɔraasin bɛ́ lɔn? Min mɛn bɛ́ ǹ tumaa bíi ka ǹ tɔ nɛ, ǹ dɛnaa a kakabaa laanka a pàã la yii ni. Leere kɔn ba nyaabiɛ ǹ tɔ bíi ǹ bǎã-n wa.

Izayii 48:13

Ma din ni ma tán giala koa. Ma din ni ma lon lɛ bɔ. Bɛ̀ má ǹ bíi lɔn, maǹ die kun.

Zeremii 33:25

Masɛ Dɛnaa Lawa n kɛ pii: «Má lɛ-kɔ wɔ lɛawaa laanka tèlò bii. Má landa siin koa lon laanka tán wɔ lɛa.

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Matiə 8:9

Masɛ dɔ dinmaa kɛ lɛ n maa goledɛnan pàã giulun, sɔraasin tá ma dɔ a pàã giulun. Bɛ̀ má pɛ ǹ goon ne má a woo, a n woe, bɛ̀ ma pɛ kɔsɔ dɔ nɛ má a daa, a n die. Bɛ̀ má pɛ maa bɛ̀rɛgiĩ ni má a kɛ zɛnaa, a n zɛnɛɛ.»

Timəə dí-pɛn 4:19

Lon gɔ̀nɔn ganaa ǹ mànan kɛn tumaa, wasa nɛ, mui ni ka leeren ne, ka baran n yii saa ka ga bɛ kɔn ganaa wa. Ka nyan toa ǹ ka yiri sã, ka yaa kiɛ tán-a ǹ giulun, mà ka nə ǹ guguru koe wa. A giala, kaa Lawa, Dɛnaa Lawa na á bɛa nya ǹ dín kɛn toa kanaa a tɔrɔ kɔsɔn kɛn tumaa gɔn.

Sii yɔrɔ-bɔlen 5:20

Lon a leeren dɔn nə́ zia baa. Ǹ nə́ n toa ǹ kiɛ̃ ǹ zii la ǹ nə́ zia baa Sizeraa ganaa.