Loen 119:9 - LAWA A BOO SONBORE

⁹ Bɛ̀ min tá tɔn ten, a n siɛ lɔn a sii-zɛnaa goã *yoreen ne? Dɛnaa, n din boo mɛn da, yǎa a n yiri koɛ bɛ li.

LAWA A BOO SONBORE 2011

⁹ Bɛ̀ min tá tɔn ten, a n siɛ lɔn a sii-zɛnaa goã *yoreen ne? Dɛnaa, n din boo mɛn da, yǎa a n yiri koɛ bɛ li.

Loen 119:9 ပူးပေါင်းရင်းမြစ်များ

KZS2 6:16

Sisia kəni, Izirayeli a Lawa, Dɛnaa Lawa, ma di Davida lɛ, n dí-nyali lɛa, n goã ń boo mɛn da bɛ nɛ, a lɛ pã, ka n bɛ́ ń pɛ lɔn mà bɛ̀ a nɛnyaanan lɛn tɔ wɔ ǹ gɔn pepere kɔ nsɛ yɔrɔ-a ka a din tɔ wɔ lɔn n yɔrɔ-a á kɔnpɛ ka n dí-pɛn kɛn nɛ, mà a din a min ba re nyaabiɛ duduu Izirayeli a kiibaa lɛ la wa.

Zɔbu 1:5

Bɛ̀ zɔ́n lɛ kiɛ̃, Zɔbu na a nɛnyaanan lɛn bíi, bɛ̀ a *gɔ̀ bɔ ǹ ganaa. A n yui baayɛlɛ yiisoone, bɛ̀ a tɔɔ dɛ a tã lenlen, a didie a wúlu bɔ nɛ. Zɔbu na á goã zɛnɛɛ miɛ̃ biikoo tumaa li. A giala a na á goã taasɛ, mà kɔntan asɛ a nɛnyaanan lɛn nə́ sii baraa zɛnaa, hinlaa ǹ nə́ wɔ Lawa gasɛ nɛ ka ǹ taasiɛ nɛ.

Zɔbu 13:26

Ń ke ń boo babaraa kiɛ̃ maa wɔ paǹ li. Ma sã ǹ siin mɛnɛn zɛnaa maa tenmaa waáraa, ń bɛn da ma mìi ni.

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Loen 17:4

Ka n din pɛ lɔn, bɛ̀ má ga minbuiinin kɛn zɛnaa ǹ sii kɛ-a, ma nə n nyɛnɛɛ min kakaarɛn kɛn zɛnaa ǹ sii ni.

Loen 25:7

Maa tenbaa waáraa a sã ǹ siin laanka bɔlɔ tii siin kɛn, n baran ma kũ bɛn li wa. Dɛnaa Lawa, ma kũ n din a kɔn-narɛɛ gole kɛ li, n bǐɛ̃ duduu kɛa lɛa.

Loen 34:11

Yàra tenən dinin laadoo siin tan, bòo tá ǹ kuĩ. Sɛnɛ, min mɛnɛn bɛ́ giɛ Dɛnaa Lawa li, màn kɔn ba re nyaabiɛ bɛn ganaa wa.

Suusun 1:10

Maa nɛ, bɛ n miã baraan tá zoɛ̃ li ǹ nə n da sii baraa nɛ, n piã.

Suusun 1:4

Min mɛnɛn yiri bɛ́ kiɛɛrɛ, a n toɛ ǹ yiri goã ǹ dinin li. A n yiri koe nɛ tenən la, a toa ǹ sìi bɔkɔnlɛ dɔ̃.

Suusun 2:11

Sii bɔkɔnlɛ á re n tamaɛ̃, yirikɔɔ̃baa nə n lɛduə̃.

Suusun 4:1

Nɛnyaanan, ka n too kɔ díi a doroo li. Ka yiri bɔ ka dinin li, ka á re yiridɛnan biɛ.

Suusun 7:7

Ma nɛ tenən yɛ, goon nə ǹ bii yiriwɛɛnaa lɛa.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Luku 15:13

Lɛawaa dan kɔ́n bɛ kio, nɛgiĩ boɛɛndɛnaa lɛ ná a kíɛ̃ lɛ yii sã, á woo ka a wɔrɔ-n gána sɔsɔɔ kɔ́n nɛ. A ná a wɔrɔ lɛ yii ziziɛ̃ walan sii kooron zɛnaa ganaa.

Zaã a sɛ́wɔ 15:3

Ma boon mɛnɛn pɛ ka nɛ, bɛn lɛn dinin nə́ ka bǐɛ̃ kɔ gɔrɔ dɔn.

Timəə dí-pɛn 17:18

Bɛ̀ kii lɛ giã a kiibaa la ǹ mɛn waáraa, Levii tɔrɔ wúlu-bɔlen kɛn bɛ́ re dí-pɛn mɛnɛn koe la, a die a wusoo a kɔ bɛn lɛn lɛ, a ǹ kiɛ̃ sɛ́wɔ kɔsɔ nɛ, a din wɔ lɛa.

Timote2 2:22

N bɔ tɔntɔraabaa ǹ foo sii babaraan wɔlɔ li. Min mɛnɛn bɛ́ Dɛnaa tɔ bíi ka gɔ́ɔ̃ fubaa nɛ, n doa n ga peperebaa laanka goleemali li kun ka bɛn nɛ, ka kɔn-narɛɛ laanka là nyantoro ne.

Zozoe 1:7

Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.