Loen 119:2 - LAWA A BOO SONBORE

² Min mɛnɛn bɛ́ Dɛnaa Lawa a gɔn waa ma-n sii, ǹ nə́ giɛ a din li ka ǹ foo tumaa nɛ, bɛn foo á re kɔɔ̃n koe.

LAWA A BOO SONBORE 2011

² Min mɛnɛn bɛ́ Dɛnaa Lawa a gɔn waa ma-n sii, ǹ nə́ giɛ a din li ka ǹ foo tumaa nɛ, bɛn foo á re kɔɔ̃n koe.

Loen 119:2 ပူးပေါင်းရင်းမြစ်များ

Kiin1 2:3

Dɛnaa Lawa, n Lawa lɛ bɔlɔ si. Kɔ Dɛnaa Lawa a ziin lɛ, n na a landa boon tamaa, n na a gɔn waa ǹ boon si, ka a sii yɔrɔ bɔ ǹ boon laanka a da ǹ boon ne, ka a bɛ́ ke á n kiɛ̃ Muizu a dí-pɛn sɛ́wɔ kɛ-n lɔn, màn mɛn bɛ́ toɛ n sii yii bǐɛ̃ kɔ n gɔn, ka sii mɛnɛn tumaa bɛ́ n koa n yɔrɔ-a.

KZS1 22:19

Kanna kəni, ka ga Dɛnaa Lawa, kaa Lawa li, ka ka foo laanka ka pàã tumaa nɛ. Ka yoo ka Dɛnaa Lawa a kion lɛ dɔ ń giɛ ǹ tá woe ka Dɛnaa Lawa a *lɛ kɔ kɔn la ǹ goo laanka wúlu bɔ ǹ mànan kɛn nɛ Lawa wɔ lɛa, kion kɛ nɛ ǹ nə́ dɔ Dɛnaa Lawa tɔ la.»

KZS2 31:21

Á dí gigiã nya Dɛnaa Lawa a kion kɛa dín lɛa ka dí-pɛn laanka gɔn waa ǹ boon kɛn kɔ ma lɛ a lɛa. A bɛ́ á zɛnaa miɛ̃, á ga Dɛnaa Lawa li ka a foo tumaa nɛ, a sii tumaa yɔrɔ yɛ.

Loen 105:45

Á giɛ sii mɛn li, mà yǎa ǹ na asɛ foo sii boon laanka asɛ a dí-pɛn tamɛɛ, ǹ koe ǹ lɛ. Aleluya, ka Dɛnaa Lawa tɔ bɔ!

Loen 119:10

Man giɛ li, máa ma n lɛ si ka ma foo tumaa nɛ. N baran toa ma wusoo n dí-pɛn kɛn kio wa.

Loen 119:101

Má baraabaa ǹ zii tumaa toa walan, màn mɛn bɛ́ toɛ, ma kɔ n da ǹ boo lɛ.

Loen 119:115

Min baraan lɛn, ka n yɔrɔ bɔyaa ka bɔ ma la, ma boo la ma maa Lawa a landa boon kɛn tamaa.

Loen 119:146

Man lɛ diɛ n la, ma kirisibaa, ma á re n gɔn waa ǹ boon kɛn tamaɛ.

Loen 119:17

N bɛ̀rɛgiĩ n ka ma nɛ, bǐɛ̃ kɔ ma ganaa. Ma yii toa koo, màn mɛn bɛ́ toɛ, ma n boo kɛ tamaa.

Loen 119:22

Ma bɛ́ má n gɔn waa ma-n lɛ si, n din sìi saa n bɔ ma la, ka yii wɔ ma la ǹ siin kɛn nɛ.

Loen 119:33

Dɛnaa Lawa, n foo sii boon lɛn zii nyaa ma nɛ. Ma á re koe ǹ lɛ yǎa maa gɛ̀.

Loen 119:34

Yiri kɔ ma la, ma boo la ma kɔ n landa boon kɛn lɛ, ma boo la ma ǹ tamaa ka ma foo tumaa nɛ.

Loen 119:57

Dɛnaa Lawa, má pɛ máa maa wɔ n ka kɛ nɛ: ma n da ǹ boon kɛn tamaa.

Loen 119:69

Din gole-kɔlen nə́ ma tɔ ziziɛ̃ ka soɛ boon ne. Sɛnɛ, masɛ n koe n doree boon kɛn lɛ, ka ma foo tumaa nɛ.

Loen 119:88

N kɔn-narɛɛ gole kɛ taman yii, toa ma la, ma boo la ma n da ǹ boon kɛn tamaa.

Loen 25:10

Min mɛnɛn bɛ́ Dɛnaa Lawa a lɛ kɔn la ǹ boon kɛn tamaɛ, ka a gɔn waama-n boon kɛn dɔn nɛ, a n bɛn kuĩ ka kɔn-narɛɛ gole ne, á n biɛ̃ duduu zɛnɛɛ ǹ nɛ.

Suusun 23:26

Maa nɛ, n foo doa ma ganaa. Kɔ maa giã ǹ gɔn lɛ ka foo kɔɔ̃n nɛ.

Zeremii 29:13

Bɛ̀ ka ga ma li, ka á re ma yii. Bɛ̀ ka ga ma li ka ka foo din tumaa nɛ, ka á re ma yii.

Ezekieli 36:27

Ma á re ma din yiri we ka nɛ, ka boo la ka tɔ wɔ a kɔnpɛ ka maa landa boon kɛn nɛ, ka boo la ka maa sii yɔrɔ bɔ ǹ boon kɛn tamaa, ka kɔ ǹ lɛ.

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Timəə dí-pɛn 4:29

Walan kəni, ka á re giɛ kaa Lawa, Dɛnaa Lawa li. Bɛ̀ ká ka dinin kɔ a gamali la, ká ga li ka ka foo tumaa nɛ, ka á re yii.

Timəə dí-pɛn 6:17

Kaa Lawa, Dɛnaa Lawa gɔn waa ǹ boon mɛnɛn pɛ ka nɛ, ka doroo ǹ boon laanka landa boon ne, ka die ka bɛn tamaa sɔnbɔraanɛ.

Timəə dí-pɛn 6:5

N Lawa, Dɛnaa Lawa narɛ ka n foo tumaa nɛ, ka n gɔ́ɔ̃ tumaa nɛ, ka n pàã tumaa nɛ.

Zaã1 3:20

Taãn nɛ, bɛ̀ wɔ gɔ́ɔ̃ á wɔ zɛ̀rɛ biɛ, wɔ á doɛ̃ wáa Lawa á gole á la wɔ gɔ́ɔ̃gɔ́ɔ̃ ǹ wɔ kɛ nɛ, wáa á màn tumaa dɔ doɛ̃.