Loen 119:118 - LAWA A BOO SONBORE

¹¹⁸ Min mɛnɛn tumaa bɛ́ ǹ nə́ n foo sii boon kɛn toa walan, ń nə́ n piã ka bɛn nɛ. A giala, maǹ soɛ dinsɔɔ̃ boe, ǹ nə́ kɔn bebele ne.

LAWA A BOO SONBORE 2011

¹¹⁸ Min mɛnɛn tumaa bɛ́ ǹ nə́ n foo sii boon kɛn toa walan, ń nə́ n piã ka bɛn nɛ. A giala, maǹ soɛ dinsɔɔ̃ boe, ǹ nə́ kɔn bebele ne.

Loen 119:118 ပူးပေါင်းရင်းမြစ်များ

Loen 119:10

Man giɛ li, máa ma n lɛ si ka ma foo tumaa nɛ. N baran toa ma wusoo n dí-pɛn kɛn kio wa.

Loen 119:21

Ń yoo din gole-kɔlen kɛn gialaa, ǹ bɛ́ ǹ nə́ kanaa ǹ nə́ n dí-pɛn toa walan, bɔ̀n tá re ǹ yii.

Loen 119:29

Ma kanbaa soɛ zii ganaa. N din bǐɛ̃ kɔ, n nə n landa boon kɛn dɔ̃ ǹ yiri kɔ ma la.

Loen 78:57

Ka ǹ digolon bɛ́ lɔn, ǹ nə́ n boɛ̃ ǹ nə n bɔ Lawa li, ǹ nə́ wusoo ka ǹ kio ne, min ba n foo doɛ ǹ ganaa wa. Maǹ ka sa biɛ bubunii bɛ́ lɔn.

Loen 95:10

Ka digolon zaman lɛ ma foo busu yǎa lɛ̀ pusi. Bɛ lɛ nɛ, má pɛ: Kɛa tɔrɔ kɛ yiri nə́ n si la, a ba ma dùũ sii doɛ̃ wa.

Suusun 12:20

Baraa-zɛnaalin foo n piɛ̃ nɛ ka soɛ nɛ. Sɛnɛ, min mɛnɛn bɛ́ doroo sonbore koe, foo kɔɔ̃n nə bɛn wɔ lɛa.

Izayii 25:10

Dɛnaa Lawa gɔn nə Siɔn kele tamaɛ.» Sɛnɛ, a n Moabu gána yɔyɔrɛ ka ǹ bɛ́ làpaa yɔyɔrɛ lɔn tonton bɔlɔ la.

Izayii 44:20

Màn mɛn bɛ́ ton lɛa, minin kɛn manə n parɛɛ bɛ ganaa. Maǹ sã gɔ́ɔ̃ nɛ, ǹ ba taasiɛ sonbore we wa. Ǹ ba re kanbiɛ wa. Ǹ kɔn ba re pii: «Màn ke ma gɔn, Lawa taãn bie wa.»

Izayii 63:3

Taãn nɛ, ma dinsɔɔ̃ n má rezɛ̃ tɔrɔ yala-n. Min kɔn goã kun ma-n tɔrɔn bii wa. Bɛ lɛ nɛ, maa foo yoo taman yii, má ǹ yɔyɔrɛ, maa kakaarɛbaa gɔ́ɔ̃ nɛ, má tɔrɔ ǹ la. Ǹ mà paparɛ, á kaa maa mɔnaan ganaa, á ǹ tumaa taã.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Efɛɛzi minin 4:22

Ka goã gɔ̀nɔn foo siin mɛnɛn zɛnɛɛ, kaa giã ǹ gɔn zizi kɛ nɛ, ka n bɔ bɛn wɔlɔ li. Bɛa gɔ̀nɔn foo siin kɛn lɛn man nə́ goã ka siɛ̃, ǹ nə́ ka ziziɛ̃.

Efɛɛzi minin 5:6

Ka nyan toa, min kɔ́n ka bebere ka yiri baãnaabaa ǹ boon ne wa. A giala, bɛa sã ǹ siin kɛn lɛn man die toɛ, Lawa foo yoo a lɛ-tiilin li.

Timote2 3:13

Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.

Zaã1 2:21

Ma bie sɛ́wɔ kɛ diɛ ka la, mà ka n ka a sonbore lɛ doɛ̃ wa. Ma á doɛ̃ máa ka á sonbore lɛ doɛ̃, ka á doɛ̃ dɔn, mà soɛ kɔ́n ba boe la, a bɔ sonbore lɛ-n wa.

Sii-nyaan 14:20

Bɛa yala lɛ n kiwi lɛkoro-a, ǹ nə́ rezɛ̃ lɛ yɔyɔrɛ a nɛ. Mà na á soo yala lɛ nɛ ka mu tii bɛ́ lɔn, yǎa kilo biɛsɔɔ (300), a zuzulubaa dɔ mɛtərə goon ka talɛɛ.

Sii-nyaan 18:23

Bólon fúlu a re yii a-n doo wa. Tɔntɔraa kɔn-wɔle laanka a lɔ lɛ a re boe a-n doo wa. A din a pii-kɔlen man nə́ goã pàãdɛnan lɛa kanaa, a din dɔ na á goã tɔrɔn tumaa a minin yiri siɛ̃ ká a gɔ́ɔ̃ tìbaa ǹ dagòãn nɛ.»