Loen 119:10 - LAWA A BOO SONBORE

¹⁰ Man giɛ li, máa ma n lɛ si ka ma foo tumaa nɛ. N baran toa ma wusoo n dí-pɛn kɛn kio wa.

LAWA A BOO SONBORE 2011

¹⁰ Man giɛ li, máa ma n lɛ si ka ma foo tumaa nɛ. N baran toa ma wusoo n dí-pɛn kɛn kio wa.

Loen 119:10 ပူးပေါင်းရင်းမြစ်များ

KZS2 15:15

Zudaa min tumaa foo kɔɔ̃n kɔ ka bɛa lɛ-kɔ wɔ kɛ nɛ, a giala, maǹ nə́ zɛnaa ka ǹ foo tumaa nɛ, ǹ nə́ ga Dɛnaa Lawa li ka ǹ yiri tumaa nɛ. Dɛnaa Lawa toa ǹ nə́ yɛ, á là nyantoro kɔ ǹ la paǹ tumaa li.

Loen 119:118

Min mɛnɛn tumaa bɛ́ ǹ nə́ n foo sii boon kɛn toa walan, ń nə́ n piã ka bɛn nɛ. A giala, maǹ soɛ dinsɔɔ̃ boe, ǹ nə́ kɔn bebele ne.

Loen 119:133

Ma foo taã ka n lɛ kɔ ǹ boon kɛn nɛ, n nyan toa sii baraa kɔn boo ma la wa.

Loen 119:176

Ma nə n binbirin boe ka sère papaã wole bɛ́ lɔn. Masɛ nə n bɛ̀rɛgiĩ lɛa, ma basa bɔ, n ga ma li, a giala, ma yiri a boe ka n dí-pɛn kɛn nɛ wa.

Loen 119:2

Min mɛnɛn bɛ́ Dɛnaa Lawa a gɔn waa ma-n sii, ǹ nə́ giɛ a din li ka ǹ foo tumaa nɛ, bɛn foo á re kɔɔ̃n koe.

Loen 119:21

Ń yoo din gole-kɔlen kɛn gialaa, ǹ bɛ́ ǹ nə́ kanaa ǹ nə́ n dí-pɛn toa walan, bɔ̀n tá re ǹ yii.

Loen 119:34

Yiri kɔ ma la, ma boo la ma kɔ n landa boon kɛn lɛ, ma boo la ma ǹ tamaa ka ma foo tumaa nɛ.

Loen 119:58

Man giɛ li ka ma foo tumaa nɛ, máa ma n foo kɔɔ̃n kɔ. Bǐɛ̃ kɔ ma ganaa, a kɔnpɛ ka n lɛ-kɔ kɛ nɛ.

Loen 119:69

Din gole-kɔlen nə́ ma tɔ ziziɛ̃ ka soɛ boon ne. Sɛnɛ, masɛ n koe n doree boon kɛn lɛ, ka ma foo tumaa nɛ.

Loen 125:5

Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Loen 23:3

A n màn diɛ ma pàã li. A n ma diɛ zii sonbore la, a din tɔ kɛa lɛa.

Loen 78:37

Ǹ foo goã kun ka Lawa-n taãn wa, ǹ goã n foo doɛ a lɛ kɔ kɔn la ǹ boo kɛ ganaa wa.

Suusun 2:13

Ǹ mɛnɛn bɛ́ zii pepere toɛ walan ǹ nə́ tɔ we wɔlɔ tì li, ǹ tá re n kanbiɛ bɛn ganaa.

Suusun 21:16

Min mɛn bɛ́ á koe zii pepere lɛ wa, bɛ á re woe n susui fufuu kun ka geren ne.

Izayii 35:8

Zii gole á re yii walan ǹ bíi "sonborebaa ǹ zii". Gɔ̀dɛnaa kɔn ba re boe walan wa, a n die goɛ̃ Lawa a zaman dinsɔɔ̃ wɔ lɛa. Baãnaan ba re die n dinin daɛ walan wa.

Zeremii 3:10

Ka bɛ din tumaa nɛ, ǹ miãnɛn Zudaa bɔlɔgoonbaãdɛnaa kɛ wusoo á n bɔyaa á daa masɛ li ka a foo tumaa-n wa. A parsii bie wa.» Dɛnaa Lawa a da ǹ boo ne.

Ezekieli 34:6

Maa sèren lɛn nə́ sasawaa, ǹ nə́ woo kelen tumaa laanka tentenen tumaa la. Maa sèren lɛn nə́ pɛsɛ̃ gána lɛ paǹ tumaa nɛ ka tenten sɔsɔrɔn tumaa nɛ. Sɛnɛ, min kɔn ga ǹ li wa, min kɔn nɔ̀n da ka ǹ sii-n wa.

Ozee 10:2

Sonbore a boe minin kɛn gɔ́ɔ̃-n wa. Sisia kəni, a dɔlɔ á re n boe ǹ ganaa. Dɛnaa Lawa dinmaa n die ǹ wúlu bɔ ǹ bǎãn kɛn wurii. A din nə die ǹ tíĩn kɛn yuyui.

Matiə 6:24

Min kɔ́n ba boe la a dí nya mìinaa paa-n wa. Bɛ̀ min bɛ zɛnaa, a n die goon biɛ zɔ́ɔ, a goon narɛ, a n die goon bɔlɔ sii, a goon kɛ puusə kɔ. Ka a boe la ka n dinin kɔ Lawa la, ka n dinin kɔ wɔrɔ dɔ la wa.

Kolɔɔsi minin 3:22

Bɛ̀rɛn lɛn, ka kaa kanaa a goledɛnan lɛn bɔlɔ si ka sii din tumaa nɛ, ka dí nya ǹ nɛ. Ǹ bɛ́ giɛ ka gɔn li mɛnɛn, bɛa lɛa bie wa. Ka baran zɛnaa, ka n pɛ mà ka n giɛ li, ka kɔɔ̃n kɔ minin ganaa wa. Sɛnɛ, ka zɛnaa ka gɔ́ɔ̃ fu ni, nyɛ́ɛbaa Dɛnaa yii-n wolen sii n ka bɛ nɛ.

Zaã1 2:15

Ka nyan kanaa laanka a gɔn màn kɔ́n narɛ wa. Bɛ̀ min mɛn tá kanaa narɛ, Díi Lawa narɛɛ ba ǹ dɛnaa gɔ́ɔ̃-n wa.

Samayeli1 7:3

Samayeli tɔ́n pɛ Izirayeli minin lɛn tumaa nɛ: «Bɛ̀ á daa yaa ka n wusii die Lawa-a ka ka foo din tumaa ne, ka lawa soreen lɛn kaa, ka Asitartee nyínin ni. Ka n yɔrɔ dia Dɛnaa Lawa la, ka dí nya a dinsɔɔ̃ nɛ, bɛ kio, ka á re n sii Filisiti minin lɛn la.»