Loen 118:6 - LAWA A BOO SONBORE

⁶ Dɛnaa Lawa á kun ka ma nɛ, ma a nyɛ́ɛ biɛ màn kɔn nɛ wa. Minbuiinin man boe la ǹ wàa zɛnaa ma nɛ?

LAWA A BOO SONBORE 2011

⁶ Dɛnaa Lawa á kun ka ma nɛ, ma a nyɛ́ɛ biɛ màn kɔn nɛ wa. Minbuiinin man boe la ǹ wàa zɛnaa ma nɛ?

Loen 118:6 ပူးပေါင်းရင်းမြစ်များ

Loen 112:8

A foo n doa-n ka kaka, nyɛ́ɛ ná a ba a ganaa wa. Á doɛ̃ mà asɛ a zɔ́ɔn tá re foɛ̃ asɛ li.

Loen 146:5

Sɛnɛ, Zakɔba a Lawa kɛ bɛ́ min mɛn a dɔmalɛ wole lɛa, min mɛn bɛ́ n foo doɛ a Dɛnaa Lawa kɛ ganaa, bɛ wɔ na á bǐɛ̃ kɔ.

Loen 23:4

Haalɛ ta man tɔ we wɔlɔ tì li gɛ̀ lɛ giulun, ma a re nyɛ́ɛ biɛ sii baraa kɔn nɛ wa, a giala mà n tá kun ma nɛ. N bɛ́ ma lɛduĩ ka bàlà mɛn nɛ, n nə́ ma nyɛɛnaan boe ka balangɔɔ mɛn nɛ, bɛ lɛ n ke ma foo doɛ.

Loen 46:1

LOE-saalin goledɛnaa loe mɛn lɔ. Koore a nɛnyaanan loe, manə n lɛn siɛ lon a lɔ li.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 56:10

Bɛ̀ má n nyankɔ ǹ mɛn pinaa, máa n nə n dɔ ma lɛ, maa zɔ́ɔn tá re wusii ǹ kio ne. Ma á doɛ̃, Lawa, nsɛ á kun ma nɛ.

Loen 56:11

Man Lawa tɔ boe a lɛ-kɔn kɛn lɛa. Sonbore, man Dɛnaa Lawa tɔ boe bɛa boon kɛn lɛa.

Loen 56:12

Masɛ nə n foo doɛ Lawa ganaa, nyɛ́ɛ ba ma-a wa. Minbuiinin man die wàa zɛnɛɛ ma nɛ?

Loen 56:4

Bɛ̀ nyɛ́ɛ tá ma ganaa ǹ mɛn pinaa, ma nə n foo doɛ n din ganaa.

Loen 56:5

Man Lawa tɔ boe a lɛ-kɔ kɛa lɛa. Masɛ nə n foo doɛ Lawa ganaa, nyɛ́ɛ ba ma-a wa. Minbuiin nɛ kooro kɛ n die wàa zɛnɛɛ ma nɛ?

Loen 56:9

Nsɛ á doɛ̃ mà ma gɔ́ɔ̃ wɔ̃. N din ma yii mu si, ń kaa n màn nɛ. Táa n bɛn da sii li.

Loen 94:16

Die n die boe ma lɛ-a, a yoo min babaraan kɛn gialaa? A maa zia gii si, a da baraa-zɛnaalin kɛn-a?

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Zeremii 20:11

Sɛnɛ, Dɛnaa Lawa n kun ka ma nɛ. A n zia biɛ ka pàã gole ne maa lɛa. Min mɛnɛn bɛ́ boe ma yii ni, bɛn tá re boe ǹ mɛnaa. Ǹ ba re boe sii kɔn la ǹ zɛnaa ma-n wa. Sìi á re n koe ǹ lɛ, a giala, ǹ pàã dɔ ma li wa. Ǹ sìi lɛ n die goɛ̃ miɛ̃ yǎa duduu. Ǹ kɔn yiri a re boe-n wa.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Ebrəə 13:6

Bɛ lɛ taman yii, wɔ á boe la wɔ pɛ ka foo tãbaa nɛ: «Dɛnaa n maa dɔmalɛ wole lɛa, ma a re nyɛ́ɛ biɛ màn kɔ́n nɛ wa. Minbuiin nɛ n boe la a wàa zɛnaa ma nɛ?»

Samayeli1 17:11

Filisiti min lɛ boon mɛnɛn da, Sayulu laanka Izirayeli minin tumaa bɛn ma. Nyɛ́ɛ gole nə́ ǹ kũ, á ǹ gù yii dɛ.

Samayeli1 17:37

Davida nə́ n toa doo: «Dɛnaa Lawa mɛn nə ma si yàra laanka kuruu la, a din ni die ma sii Filisiti min kɛ lɛ la.» Sayulu pɛ Davida nɛ: «Woo, Dɛnaa Lawa die a goã kunun n ni.»