Loen 115:4 - LAWA A BOO SONBORE

⁴ Ǹ dìn kɛn, wɔrɔ lɛa ka sana nɛ, minbuiin nɛ gɔn na á ǹ zɛnaa.

LAWA A BOO SONBORE 2011

⁴ Ǹ dìn kɛn, wɔrɔ lɛa ka sana nɛ, minbuiin nɛ gɔn na á ǹ zɛnaa.

Loen 115:4 ပူးပေါင်းရင်းမြစ်များ

Kiin1 18:26

Ǹ dii gɔ̀lɔ̀ mɛn lɛ kɔ ǹ la, ǹ nə́ dɛ ǹ nə́ zɛnaa. A saa baayɛlɛ ganaa a wo penleen yaa, ǹ nə́ Baali nyankɔ bɛ̀ ǹ tá pii: «Baali, wɔ lɛ si!» Sɛnɛ boo bɔ wa, lɛ sii yɛ wa. Ǹ goã ǹ nə́ *wúlu bɔ ǹ bǎã mɛn lɛ dɔ, maǹ nə́ goã bɛ̀ biɛ bɛ genli.

Kiin1 18:29

Penleen a kiɛ̃ kio, ǹ nə́ n lɛ dɛ miɛ̃ yǎa Lawa gɔ ka *wúlu màn nɛ biikoo daa á dɔ wasamiɛ̃nɛ. Sɛnɛ boo bɔ wa, lɛ sii yɛ wa, bìn diɛ kɔn bɔ wa.

Kiin2 19:18

Ǹ nə́ bɛa tɔrɔn lɛn lawan kaa tɛ-n, sɛnɛ bɛa lawan kɛn lɛn ba lawa taãnan lɛa wa. Màn minbuiin nɛ a màn zɛnaa kooron lɛa, gɔn laanka kɔlɔ lɛa, bɛ lɛ nɛ Asiirii gána a kiin lɛn nə́ ǹ ziziɛ̃.

KZS2 32:19

Maǹ Zeruzalɛmu a Lawa boo diɛ ka ǹ bɛ́ tɔrɔ kɔsɔn lawan boon diɛ lɔn. A da yaa bɛa lawan kɛn lɛn, man màn nyínin lɛa minbuiin nɛ gɔn nə́ ǹ zɛnaa.

Loen 97:7

Dì-gɔlen tumaa wɔ n ka sìi ni, ǹsɛn mɛnɛn bɛ́ n dinin gole koe sii kooron gɔ́ɔ̃ nɛ. Dì kooron dinin tumaa kaa tán Dɛnaa Lawa yɔrɔ-a.

Izayii 37:19

Ǹ nə́ ǹ dìn zũ tɛ-n, a gialaa, ǹ bie Lawa lɛa wa. Màn nyínin manɛ, gɔn hinlaa kɔlɔ lɛa, minbuiin nɛ a màn zɛnaa lɛa, ǹ nə́ ǹ ziziɛ̃.

Izayii 42:17

Sɛnɛ ǹ tá re wusii ǹ kio ne, sìi á re ǹ kuĩ, ǹsɛn mɛnɛn foo bɛ́ doa-n dìn ganaa, ǹ nə́ pii màn nyínin manɛ: «Wɔa lawa n ka ka dinin ni.»

Izayii 44:10

Là ba dì zɛnaa ganaa ka màn nyín zɛnaa-n wa. Bɛ a die ka màn kɔn nɛ wa.

Izayii 44:20

Màn mɛn bɛ́ ton lɛa, minin kɛn manə n parɛɛ bɛ ganaa. Maǹ sã gɔ́ɔ̃ nɛ, ǹ ba taasiɛ sonbore we wa. Ǹ ba re kanbiɛ wa. Ǹ kɔn ba re pii: «Màn ke ma gɔn, Lawa taãn bie wa.»

Izayii 44:9

Min mɛnɛn bɛ́ dì nyínin zɛnɛɛ, ǹ ba màn kɔn lɛa wa. Ǹ màn nyín siĩnin kɛn dɔn là banban. Bɛa nyínin kɛn lɛn manɛ ǹ dinin siéren lɛa. Siéren manɛ, ǹ yii na a màn kɔn yii wa, ǹ nə́ ǹ ba sii kɔn doɛ̃ wa. Maǹ sìi diɛ ǹ ganaa.

Ozee 8:6

Kaa diin nɛ nyín lɛ, a n boe Izirayeli gána nɛ, dí-dɔ̃li kɔ́n na á zɛnaa, A bie Lawa lɛa wa! Taãn nɛ, Samarii minin diin nɛ nyín lɛ á re pɔpɔsɛ.

Nya ǹ dín 19:26

Ka dinin yii tá a ganaa, hinlaa ka tá a boo miɛ, mà Pooli lɛ bie a dí nyɛɛ Efɛɛzi kiwi dinsɔɔ̃-n wa, a n goon Azii gána din tumaa nɛ. A n pii zaman nɛ a tá ǹ sɔsɔmɛ, ǹ bɛ́ dìn mɛnɛn zɛnɛɛ ka ǹ gɔnɔn nɛ, mà bɛn ba Lawa taãnan lɛa wa.

Nya ǹ dín 19:35

Ka bɛ din yii ni, kiwi lɛ a sɛ́wɔ-kiɛ̃li boo la á zaman lɛ lɛ kuru, á pɛ: «Efɛɛzi minin lɛn ganaa, min tumaa á doɛ̃, mà Efɛɛzi kiwi kɛ n Artemisi gole kɛ a guguru kɔ ǹ bǎã kɛ lɛduĩ, ka a nyín kɛ dɔ nɛ, á bɔ lon á gisĩ tán.

Timəə dí-pɛn 4:28

Ka bɛ́ re lawan mɛnɛn guguru koe walan, minbuiin nɛ gɔn na á ǹ zɛnaa ka gɔn nɛ, ka kɔlɔ nɛ. Ǹ yii a wɔlɔ yii wa, ǹ ba boo miɛ wa, ǹ ba boe la ǹ màn bii wa, ǹ ba màn gìĩ miɛ̃ wa.