Loen 115:1 - LAWA A BOO SONBORE

¹ A ba wɔsɛn wɔ lɛa wa, Dɛnaa Lawa, gugurubaa ba wɔsɛn wɔ lɛa wa. Sɛnɛ, n kɔn-narɛɛ gole kɛa lɛa, n bǐɛ̃ duduu kɛ dɔ a lɛa, gugurubaa da n din tɔ la.

LAWA A BOO SONBORE 2011

¹ A ba wɔsɛn wɔ lɛa wa, Dɛnaa Lawa, gugurubaa ba wɔsɛn wɔ lɛa wa. Sɛnɛ, n kɔn-narɛɛ gole kɛa lɛa, n bǐɛ̃ duduu kɛ dɔ a lɛa, gugurubaa da n din tɔ la.

Loen 115:1 ပူးပေါင်းရင်းမြစ်များ

Loen 138:2

Man die n musin koɛ tán, ma yɔrɔ nə́ n kion sonbore kɛ la, ma barka da n nɛ, n kɔn-narɛɛ gole kɛ laanka n bǐɛ̃ duduu kɛ a lɛa. A giala, n kɔ n da ǹ boo lɛ, wɔ yiri din bɛ́ a ba màn mɛn-a wa, ń bɛ zɛnaa wɔ nɛ.

Loen 61:7

Nyin sasa kɔ kii kɛ la, toa a goã a belebɔ taãn-taãnɛ.

Loen 74:22

Lawa! Yoo, n nə n din a zia gii da. N yiri koa gàãnaan kɛn nɛ. N yiri koa ǹ baraabaraa a sɔ kɔ n ganaa kɛ nɛ.

Loen 96:8

Ka golee li, mà gugurubaa lɛ na a din tɔ wɔ lɛa. Ka da ka kaa Lawa gɔ ǹ mànan nɛ, ka wɔ a kion lɛ a sumu-n.

Izayii 48:11

Sonbore, bɛ̀ n yaa má zɛnaa miɛ̃, ma din tɔ taman yii ni! A giala, ma a lɛ koe sɔ ganaa wa. Golebaa mɛn bɛ́ maa wɔ lɛa, ma a re toɛ bɛ dɔ min kɔsɔ ganaa wa.

Ezekieli 20:14

Sɛnɛ, man má sii lɛ zɛnaa ma din taman yii, màn mɛn bɛ́ toɛ, ma ǹ waa tɔrɔn mɛnɛn yii ni má ǹ bɔ Ezipti gána nɛ, bɛn baran ma tɔ ziziɛ̃ wa.

Ezekieli 36:22

Bɛ lɛ taman yii, a pɛ Izirayeli tɔrɔn lɛn manɛ, mà masɛ Dɛnaa Lawa n kɛ pii: «Izirayeli tɔrɔn lɛn, ma bɛ́ re sii mɛn zɛnɛɛ, ma bie re bɛ zɛnɛɛ kasɛn taman yii wa. Man die zɛnɛɛ ma din tɔ sonbore kɛ taman yii. A giala, ka wo tɔrɔn mɛnɛn bii, ká ma tɔ sonbore kɛ ziziɛ̃ walan.

Ezekieli 36:32

Masɛ Dɛnaa Lawa a da ǹ boo á ke: Ka doamaa-n ka dɔ̃, mà kasɛn lɛa bie ma á re bɛa sii lɛ zɛnɛɛ wa. Izirayeli tɔrɔn lɛn, kaa giã ǹ gɔn kɛ lɛ doamaa nɛ a sìi da ka ganaa, a ka mìi kuməə.»

Misee 7:20

N tá re n sonborebaa nyɛɛ Zakɔba tɔrɔn kɛn manɛ, n tá re n giaárabaa nyɛɛ Abrahamu tɔrɔn kɛn manɛ. N lɛ kɔ wɔ digolon la ka sii mɛn nɛ haalɛ bibi, a din lɛ n ka bɛ nɛ.

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Efɛɛzi minin 1:6

A n mà wɔ asɛ a bǐɛ̃ golee kɛ lɛ laakalaa. A bǐɛ̃ mɛn baa wɔ la ka bǐɛ̃baa ǹ foo ne, a ná a Nɛgiĩ narɛɛ wole kɔ wɔ la.

Zozoe 7:9

Kanaan minin lɛn laanka gána lɛ a min gialakunun tumaa bɛ́ re kɛ miɛ ke, maǹ die n bɔyɛɛ wɔsɛn li, ǹ wɔ dɛ, wɔsɛn boo ná a ba n diɛ gána kɛ-n doo wa. Ma n die wàa mɛn zɛnɛɛ, minin nə tɔn nə n tɔ gole kɛ dɔ̃ kəni?»